ਜੇ ਤੁਸੀਂ ਇੰਸਟਾਗ੍ਰਾਮ ਦੀ ਵਰਤੋਂ ਕਰਦੇ ਹੋ ਅਤੇ ਦੂਜੇ ਖਾਤਿਆਂ ਤੋਂ ਰੀਲਜ਼ ਡਾਊਨਲੋਡ ਕਰਨਾ ਚਾਹੁੰਦੇ ਹੋ, ਤਾਂ ਤੁਹਾਡੇ ਲਈ ਚੰਗੀ ਖ਼ਬਰ ਹੈ। ਕੰਪਨੀ ਨੇ ਆਪਣੇ ਲੱਖਾਂ ਯੂ਼ਜ਼ਰਸ ਲਈ ਹੁਣ ਤੱਕ ਦਾ ਸਭ ਤੋਂ ਵੱਡਾ ਫੀਚਰ ਰੋਲਆਊਟ ਕੀਤਾ ਹੈ। ਇੰਸਟਾਗ੍ਰਾਮ ਨੇ ਹੁਣ ਯੂਜ਼ਰਸ ਨੂੰ ਰੀਲਸ ਡਾਊਨਲੋਡ ਕਰਨ ਦਾ ਫੀਚਰ ਦਿੱਤਾ ਹੈ। ਹੁਣ ਤੁਸੀਂ ਬਿਨਾਂ ਕਿਸੇ ਥਰਡ ਪਾਰਟੀ ਐਪ ਦੇ ਰੀਲਡ ਨੂੰ ਸਿੱਧਾ ਡਾਊਨਲੋਡ ਕਰ ਸਕਦੇ ਹੋ।
ਤੁਹਾਨੂੰ ਦੱਸ ਦੇਈਏ ਕਿ ਜਦੋਂ ਤੋਂ ਇੰਸਟਾਗ੍ਰਾਮ ਹੋਂਦ ਵਿੱਚ ਆਇਆ ਹੈ, ਯੂਜ਼ਰਸ ਇਸ ਫੀਚਰ ਦੀ ਮੰਗ ਕਰ ਰਹੇ ਹਨ। ਕਈ ਵਾਰ ਯੂਜ਼ਰ ਦੂਜੇ ਯੂਜ਼ਰਸ ਦੀਆਂ ਰੀਲਾਂ ਨੂੰ ਪਸੰਦ ਕਰਦੇ ਹਨ ਪਰ ਉਨ੍ਹਾਂ ਨੂੰ ਡਾਊਨਲੋਡ ਕਰਨ ਦੀ ਸਹੂਲਤ ਹੁਣ ਤੱਕ ਉਪਲਬਧ ਨਹੀਂ ਸੀ। ਯੂਜ਼ਰਸ ਦੂਜੇ ਅਕਾਊਂਟ ਤੋਂ ਰੀਲ ਡਾਊਨਲੋਡ ਕਰਨ ਲਈ ਥਰਡ ਪਾਰਟੀ ਐਪਸ ਦਾ ਸਹਾਰਾ ਲੈ ਰਹੇ ਸਨ ਪਰ ਹੁਣ ਕੰਪਨੀ ਨੇ ਇਨ੍ਹਾਂ ਐਪਸ ਨੂੰ ਡਾਊਨਲੋਡ ਕਰਨ ਦਾ ਫੀਚਰ ਦਿੱਤਾ ਹੈ।
ਇਸ ਸਾਲ ਦੀ ਸ਼ੁਰੂਆਤ ‘ਚ ਇੰਸਟਾਗ੍ਰਾਮ ਨੇ ਅਮਰੀਕਾ ‘ਚ ਰੀਲਾਂ ਨੂੰ ਡਾਊਨਲੋਡ ਕਰਨ ਦਾ ਫੀਚਰ ਪੇਸ਼ ਕੀਤਾ ਸੀ। ਹੁਣ ਕੰਪਨੀ ਨੇ ਇਸ ਨੂੰ ਗਲੋਬਲੀ ਲਾਂਚ ਕਰ ਦਿੱਤਾ ਹੈ। ਇਸ ਦਾ ਮਤਲਬ ਹੈ ਕਿ ਹੁਣ ਇੰਸਟਾ ਯੂਜ਼ਰਸ ਬਿਨਾਂ ਕਿਸੇ ਮਿਹਨਤ ਦੇ ਇੰਸਟਾਗ੍ਰਾਮ ਰੀਲਸ ਨੂੰ ਡਾਊਨਲੋਡ ਕਰ ਸਕਣਗੇ। ਹਾਲਾਂਕਿ, ਯੂਜ਼ਰਸ ਸਿਰਫ ਉਨ੍ਹਾਂ ਖਾਤਿਆਂ ਤੋਂ ਰੀਲਾਂ ਨੂੰ ਡਾਊਨਲੋਡ ਕਰ ਸਕਣਗੇ ਜੋ ਪਬਲਿਕ ਹਨ।
ਇਹ ਵੀ ਪੜ੍ਹੋ : ਸਰਦੀਆਂ ‘ਚ ਜ਼ਿਆਦਾ ਚਾਹ ਪੀਣਾ ਹੋ ਸਕਦੈ ਖਤ.ਰਨਾਕ! ਇਨ੍ਹਾਂ 5 ਸਿਹਤ ਸਮੱਸਿਆਵਾਂ ਦੇ ਹੋ ਸਕਦੇ ਓ ਸ਼ਿਕਾਰ
ਤੁਹਾਨੂੰ ਦੱਸ ਦੇਈਏ ਕਿ ਇੰਸਟਾਗ੍ਰਾਮ ਹੈੱਡ ਐਡਮ ਮੋਸੇਰੀ ਨੇ ਇੰਸਟਾਗ੍ਰਾਮ ਚੈਨਲ ਲਈ ਯੂਜ਼ਰਸ ਨੂੰ ਜਾਣਕਾਰੀ ਦਿੱਤੀ ਸੀ ਕਿ ਹੁਣ ਯੂਜ਼ਰਸ ਇੰਸਟਾਗ੍ਰਾਮ ਤੋਂ ਸਿੱਧੇ ਇੰਸਟਾਗ੍ਰਾਮ ਰੀਲਸ ਨੂੰ ਡਾਊਨਲੋਡ ਕਰ ਸਕਣਗੇ, ਇਸ ਦੇ ਲਈ ਇਹ ਫੀਚਰ ਗਲੋਬਲੀ ਉਪਲੱਬਧ ਹੈ। ਉਨ੍ਹਾਂ ਦੱਸਿਆ ਕਿ ਤੁਸੀਂ ਪਬਲਿਕ ਅਕਾਊਂਟ ‘ਤੇ ਸ਼ੇਅਰ ਕੀਤੀਆਂ ਰੀਲਾਂ ਨੂੰ ਆਪਣੇ ਕੈਮਰਾ ਰੋਲ ‘ਚ ਡਾਊਨਲੋਡ ਕਰ ਸਕਦੇ ਹੋ। ਇੰਸਟਾਗ੍ਰਾਮ ਹੈਂਡਲ ਦਾ ਵਾਟਰਮਾਰਕ ਡਾਊਨਲੋਡ ਕੀਤੀਆਂ ਰੀਲਾਂ ‘ਤੇ ਦਿਖਾਈ ਦੇਵੇਗਾ।
ਵੀਡੀਓ ਲਈ ਕਲਿੱਕ ਕਰੋ : –
