Effects of pollution on corona virus: ਵਾਸ਼ਿੰਗਟਨ: ਅਮਰੀਕਾ ਵਿੱਚ ਇੱਕ ਅਧਿਐਨ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਜੇਕਰ ਕੋਵਿਡ -19 ਵਾਇਰਸ ਲੰਬੇ ਸਮੇਂ ਤੱਕ ਸ਼ਹਿਰੀ ਪ੍ਰਦੂਸ਼ਣ, ਖ਼ਾਸਕਰ ਨਾਈਟ੍ਰੋਜਨ ਡਾਈਆਕਸਾਈਡ ਦਾ ਸਾਹਮਣਾ ਕਰਦਾ ਹੈ ਤਾਂ ਇਹ ਵਧੇਰੇ ਘਾਤਕ ਸਾਬਿਤ ਹੋ ਸਕਦਾ ਹੈ। ਦਿ ਇਨੋਵੇਸ਼ਨ ਜਰਨਲ ਵਿੱਚ ਪ੍ਰਕਾਸ਼ਤ ਅਧਿਐਨ ਨੇ ਜਨਵਰੀ ਅਤੇ ਜੁਲਾਈ ਦੇ ਵਿਚਕਾਰ ਅਮਰੀਕਾ ਵਿੱਚ 3,122 ਕਾਉਂਟੀਆਂ ਵਿੱਚ ਪੀਐਮ 2.5, ਨਾਈਟ੍ਰੋਜਨ ਡਾਈਆਕਸਾਈਡ ਅਤੇ ਓਜ਼ੋਨ ਵਰਗੇ ਪ੍ਰਦੂਸ਼ਿਤ ਤੱਤਾਂ ਦਾ ਵਿਸ਼ਲੇਸ਼ਣ ਕੀਤਾ ਹੈ। ਯੂਐਸ-ਅਧਾਰਤ ਐਮੋਰੀ ਯੂਨੀਵਰਸਿਟੀ ਦੇ ਡੋਂਗਈ ਲਿਆਂਗ ਨੇ ਕਿਹਾ, ‘ਪ੍ਰਦੂਸ਼ਣ ਦੇ ਥੋੜ੍ਹੇ ਸਮੇਂ ਅਤੇ ਲੰਬੇ ਸਮੇਂ ਦੇ ਸੰਪਰਕ ਦੀ ਸਥਿਤੀ ਵਿੱਚ ਮਨੁੱਖੀ ਸਰੀਰ ‘ਤੇ ਸਿੱਧੇ ਅਤੇ ਅਸਿੱਧੇ ਪ੍ਰਣਾਲੀਗਤ ਪ੍ਰਭਾਵ ਆਕਸੀਟੇਟਿਵ ਦਬਾਅ, ਜਲਣ ਅਤੇ ਸਾਹ ਦੀ ਲਾਗ ਦੇ ਰੂਪ ਵਿੱਚ ਹੁੰਦੇ ਹਨ।’
ਹਵਾ ਪ੍ਰਦੂਸ਼ਣ ਦੇ ਪ੍ਰਦੂਸ਼ਕਾਂ ਅਤੇ ਕੋਵਿਡ -19 ਦੀ ਤੀਬਰਤਾ ਦੇ ਵਿਚਕਾਰ ਸਬੰਧ ਲੱਭਣ ਲਈ ਖੋਜਕਰਤਾਵਾਂ ਨੇ ਦੋ ਵੱਡੇ ਨਤੀਜਿਆਂ ਦਾ ਅਧਿਐਨ ਕੀਤਾ – ਕੋਵਿਡ -19 ਤੋਂ ਪੀੜਤ ਮਰੀਜ਼ਾਂ ਦੀ ਮੌਤ ਦੀ ਦਰ ਅਤੇ ਆਬਾਦੀ ਵਿੱਚ ਕੋਵਿਡ -19 ਮੌਤਾਂ ਦੀ ਦਰ। ਦੋ ਸੰਕੇਤਕ ਕ੍ਰਮਵਾਰ ਕੋਵਿਡ -19 ਤੋਂ ਹੋਣ ਵਾਲੀਆਂ ਮੌਤਾਂ ਅਤੇ ਕੋਵਿਡ -19 ਤੋਂ ਹੋਣ ਵਾਲੀਆਂ ਮੌਤਾਂ ਦੀ ਤੀਬਰਤਾ ਨੂੰ ਜੈਵਿਕ ਸੰਵੇਦਨਸ਼ੀਲਤਾ ਦਾ ਸੰਕੇਤ ਦੇ ਸਕਦੇ ਹਨ। ਖੋਜਕਰਤਾਵਾਂ ਨੂੰ ਪ੍ਰਦੂਸ਼ਕਾਂ ਦੇ ਵਿਸ਼ਲੇਸ਼ਣ ਤੋਂ ਪਤਾ ਚੱਲਿਆ ਕਿ ਨਾਈਟ੍ਰੋਜਨ ਆਕਸਾਈਡ ਦਾ ਕੋਵਿਡ -19 ਤੋਂ ਹੋਈਆਂ ਮੌਤਾਂ ਨਾਲ ਪੱਕਾ ਸਬੰਧ ਹੈ। ਉਨ੍ਹਾਂ ਕਿਹਾ ਕਿ ਹਵਾ ਵਿੱਚ ਨਾਈਟਰੋਜਨ ਡਾਈਆਕਸਾਈਡ (ਐਨ.ਓ. 2) ਦੇ 4.6 ਪ੍ਰਤੀ ਅਰਬ (ਪੀਪੀਬੀ) ਦਾ ਵਾਧਾ ਕ੍ਰਮਵਾਰ 11.3 ਪ੍ਰਤੀਸ਼ਤ ਕੋਵਿਡ -19 ਅਤੇ 16.2 ਪ੍ਰਤੀਸ਼ਤ ਮੌਤਾਂ ਦਾ ਕਾਰਨ ਬਣਦਾ ਹੈ। ਖੋਜਕਰਤਾਵਾਂ ਨੇ ਪਾਇਆ ਕਿ ਕੋਵਿਡ -19 ਦੇ 14,672 ਮਰੀਜ਼ਾਂ ਦੀਆਂ ਜ਼ਿੰਦਗੀਆਂ ਹਵਾ ਵਿੱਚ ਸਿਰਫ 4.6 ਪੀਪੀਬੀ NO-2 ਘਟਾ ਕੇ ਬਚਾਈਆਂ ਜਾ ਸਕਦੀਆਂ ਹਨ। ਖੋਜਕਰਤਾਵਾਂ ਨੇ ਕੋਵਿਡ -19 ਮਰੀਜ਼ਾਂ ਦੀ ਮੌਤ ‘ਤੇ ਪੀਐਮ-2.5 ਦਾ ਅੰਸ਼ਕ ਪ੍ਰਭਾਵ ਦੇਖਿਆ ਹੈ। ਓਜ਼ੋਨ ਕੋਵਿਡ -19 ਦੇ ਮਰੀਜ਼ਾਂ ਦੀ ਮੌਤ ਨਾਲ ਜੁੜਿਆ ਨਹੀਂ ਸੀ।
