ਨਿਊਜ਼ੀਲੈਂਡ ਵਿੱਚ ਇੱਕ ਦੁਖਦਾਈ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਇੱਕ ਪਿਤਾ ਦੇ ਆਪਣੀ ਹੀ ਧੀ ‘ਤੇ ਡਿੱਗਣ ਕਾਰਨ ਬੱਚੀ ਦੀ ਮੌਤ ਹੋ ਗਈ । ਦਰਅਸਲ, ਇਹ ਹਾਦਸਾ ਉਸ ਸਮੇਂ ਵਾਪਰਿਆ, ਜਦੋਂ 3 ਸਾਲਾਂ ਬੱਚੀ ਆਪਣੇ ਘਰ ਦੇ ਨੇੜੇ ਇੱਕ ਗ੍ਰਾਊਂਡ ਵਿੱਚ ਆਪਣੇ ਪਿਤਾ ਰੌਬਰਟ ਫੋਲੇ ਨਾਲ ਖੇਡ ਰਹੀ ਸੀ।
![Father fell on his own daughter](https://dailypost.in/wp-content/uploads/2021/06/q1-19.jpg)
ਇੱਕ ਰਿਪੋਰਟ ਦੇ ਅਨੁਸਾਰ 3 ਸਾਲਾਂ ਬੱਚੀ ਗ੍ਰਾਊਂਡ ਵਿੱਚ ਆਪਣੇ ਪਿਤਾ ਨਾਲ ਸੁਪਰਨੋਵਾ ਰਿੰਗ ਨਾਮਕ ਇੱਕ ਉਪਕਰਣ ਨਾਲ ਖੇਡ ਰਹੀ ਸੀ। ਸੁਪਰਨੋਵਾ ਰਿੰਗ ਨਾਲ ਖੇਡਦੇ ਸਮੇਂ ਬੱਚੇ ਦਾ ਪਿਤਾ ਰਾਬਰਟ ਫੋਲੇ ਆਪਣਾ ਸੰਤੁਲਨ ਗੁਆ ਬੈਠਾ ਅਤੇ ਅਚਾਨਕ ਆਪਣੀ ਧੀ ‘ਤੇ ਜਾ ਡਿੱਗਿਆ।
ਦੱਸਿਆ ਜਾ ਰਿਹਾ ਹੈ ਕਿ ਜਦੋਂ ਰਾਬਰਟ ਮਜਾਸੂਮ ਬੱਚੀ ‘ਤੇ ਡਿੱਗਿਆ ਤਾਂ ਬੱਚੀ ਨੂੰ ਸਿਰ ਤੇ ਗਰਦਨ ਵਿੱਚ ਗੰਭੀਰ ਸੱਟ ਲੱਗੀ । ਇਸਦੇ ਨਾਲ ਹੀ ਬੱਚੀ ਦੇ ਦਿਮਾਗ਼ ਤੇ ਰੀੜ੍ਹ ਦੀ ਹੱਡੀ ਵਿੱਚ ਵੀ ਸੱਟ ਲੱਗ ਗਈ ਸੀ ਜਿਸ ਕਾਰਨ ਉਸ ਦੀ ਜਾਨ ਚਲੀ ਗਈ।
![Father fell on his own daughter](https://dailypost.in/wp-content/uploads/2021/06/q2-15.jpg)
ਮਿਲੀ ਜਾਣਕਾਰੀ ਅਨੁਸਾਰ ਸੱਟ ਲੱਗਣ ਤੋਂ ਬਾਅਦ ਬੱਚੀ ਨੂੰ ਇੱਕ ਨੇੜਲੇ ਕਲੀਨਿਕ ਲਿਜਾਇਆ ਗਿਆ, ਪਰ ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਬੱਚੀ ਨੂੰ ਬਚਾਇਆ ਨਹੀਂ ਜਾ ਸਕਿਆ । ਰਿਪੋਰਟ ਅਨੁਸਾਰ ਘਟਨਾ ਤੋਂ ਬਾਅਦ ਬੱਚੀ ਦਾ ਰੰਗ ਪੀਲਾ ਪੈ ਗਿਆ ਸੀ ਅਤੇ ਹਸਪਤਾਲ ਲਿਜਾਂਦਿਆਂ ਸਮੇਂ ਉਹ ਬੇਹੋਸ਼ ਹੋ ਗਈ ਸੀ।
ਇਹ ਵੀ ਦੇਖੋ: Akali Dal-BSP Alliance: ਪੰਜਾਬ ਦੀ ਸਿਆਸਤ ‘ਚ ਵੱਡਾ ਧਮਾਕਾ, Akali Dal ਤੇ BSP ਦਾ ਹੋਇਆ ਗਠਜੋੜ