Michigan-Georgia court dismisses case: ਅਮਰੀਕਾ ਦਾ ਅਗਲਾ ਰਾਸ਼ਟਰਪਤੀ ਕੌਣ ਹੋਵੇਗਾ? ਤੀਜੇ ਦਿਨ ਵੀ ਅਜੇ ਤੱਕ ਇਸ ਦਾ ਫੈਸਲਾ ਨਹੀਂ ਹੋਇਆ ਹੈ। ਪਰ ਮੌਜੂਦਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵਿਰੋਧੀ ਉਮੀਦਵਾਰ ਜੋ ਬਿਡੇਨ ਤੋਂ ਲਗਾਤਾਰ ਪਿਛੜਦੇ ਹੋਏ ਦਿੱਖ ਰਹੇ ਹਨ। ਜਿਸ ਤੋਂ ਬਾਅਦ ਟਰੰਪ ਨੇ ਡੈਮੋਕਰੇਟਿਕ ਪਾਰਟੀ ‘ਤੇ ਚੋਣਾਂ ਵਿੱਚ ਗੜਬੜ ਕਰਨ ਦਾ ਦੋਸ਼ ਲਾਇਆ ਸੀ। ਨਤੀਜਿਆਂ ਦਾ ਪੇਚ ਅਜੇ ਵੀ ਪੰਜ ਰਾਜਾਂ ਵਿੱਚ ਫਸਿਆ ਹੋਇਆ ਹੈ ਅਤੇ ਵੋਟਾਂ ਦੀ ਗਿਣਤੀ ਉਥੇ ਜਾਰੀ ਹੈ। ਇਸ ਦੌਰਾਨ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਇੱਕ ਵੱਡਾ ਝਟਕਾ ਲੱਗਾ ਹੈ। ਡੌਨਲਡ ਟਰੰਪ ਦੀ ਤਰਫੋਂ ਮਿਸ਼ੀਗਨ ਅਤੇ ਜਾਰਜੀਆ ਵਿੱਚ ਦਾਇਰ ਕੀਤੇ ਗਏ ਕੇਸ ਖਾਰਜ ਕਰ ਦਿੱਤੇ ਗਏ ਹਨ। ਰਾਸ਼ਟਰਪਤੀ ਟਰੰਪ ਨੇ ਮਿਸ਼ੀਗਨ ਅਤੇ ਜਾਰਜੀਆ ਦੋਵਾਂ ਰਾਜਾਂ ਵਿੱਚ ਪੋਸਟਲ ਬੈਲਟ ਦੀ ਗਿਣਤੀ ਨੂੰ ਰੋਕਣ ਦੀ ਮੰਗ ਕੀਤੀ ਸੀ, ਜਿਸ ਨੂੰ ਮਿਸ਼ੀਗਨ ਅਤੇ ਜਾਰਜੀਆ ਦੀ ਅਦਾਲਤ ਨੇ ਸਵੀਕਾਰ ਨਹੀਂ ਕੀਤਾ ਅਤੇ ਉਨ੍ਹਾਂ ਦੇ ਕੇਸ ਨੂੰ ਖਾਰਜ ਕਰ ਦਿੱਤਾ ਹੈ। ਭਾਵ ਹੁਣ ਇਨ੍ਹਾਂ ਦੋਵਾਂ ਰਾਜਾਂ ਵਿੱਚ ਡਾਕ ਬੈਲਟਾਂ ਦੀ ਗਿਣਤੀ ਜਾਰੀ ਰਹੇਗੀ।
ਟਰੰਪ ਨੇ ਕਿਹਾ ਸੀ ਕਿ, “ਜੇ ਤੁਸੀਂ ਵੋਟਾਂ ਨੂੰ ਸਹੀ ਗਿਣਦੇ ਹੋ ਤਾਂ ਮੈਂ ਆਸਾਨੀ ਨਾਲ ਜਿੱਤ ਜਾਵਾਂਗਾ। ਅਤੇ ਜੇ ਵੋਟਾਂ ਦੀ ਗਿਣਤੀ ਵਿੱਚ ਕੋਈ ਗੜਬੜ ਹੁੰਦੀ ਹੈ, ਤਾਂ ਉਹ ਚੋਣਾਂ ਵਿੱਚ ਹੇਰਾਫੇਰੀ ਕਰਨ ਦੀ ਕੋਸ਼ਿਸ਼ ਕਰ ਸਕਦੇ ਹਨ।” ਟਰੰਪ ਨੇ ਕਿਹਾ, ‘ਮੈਂ ਪਹਿਲਾਂ ਹੀ ਮਹੱਤਵਪੂਰਨ ਰਾਜਾਂ ਨੂੰ ਜਿੱਤ ਚੁੱਕਾ ਹਾਂ। ਫਲੋਰਿਡਾ, ਲੋਵਾ, ਇੰਡੀਆਨਾ, ਓਹੀਓ ਆਦਿ, ਅਸੀਂ ਇਤਿਹਾਸਕ ਸੰਖਿਆਵਾਂ ਨਾਲ ਜਿੱਤਾਂਗੇ।” ਇਸ ਤੋਂ ਪਹਿਲਾਂ ਟਰੰਪ ਨੇ ਡੈਮੋਕਰੇਟ ਪਾਰਟੀ ‘ਤੇ ਧੋਖਾਧੜੀ ਦਾ ਦੋਸ਼ ਲਗਾਇਆ ਸੀ। ਇੱਕ ਪ੍ਰੈਸ ਕਾਨਫਰੰਸ ਵਿੱਚ, ਟਰੰਪ ਨੇ ਕਿਹਾ ਸੀ ਕਿ, “ਡੈਮੋਕਰੇਟ ਚੋਣ ਨਤੀਜਿਆਂ ਨੂੰ ਚੋਰੀ ਕਰਨਾ ਚਾਹੁੰਦੇ ਹਨ। ਸਾਡਾ ਉਦੇਸ਼ ਚੋਣਾਂ ਦੀ ਨਿਰਪੱਖਤਾ ਨੂੰ ਬਚਾਉਣਾ ਹੈ। ਅਸੀਂ ਇਸ ਨੂੰ ਪ੍ਰਭਾਵਿਤ ਨਹੀਂ ਹੋਣ ਦੇਵਾਂਗੇ ਕਿਉਂਕਿ ਇਹ ਚੋਣਾਂ ਵਿੱਚ ਦਿਖਾਈ ਦੇ ਰਿਹਾ ਹੈ। ਡੈਮੋਕਰੇਟ ਜਾਣਦੇ ਸਨ ਕਿ ਜੇ ਉਹ ਇਮਾਨਦਾਰੀ ਨਾਲ ਚੋਣ ਲੜਨਗੇ ਤਾਂ ਜਿੱਤ ਨਹੀਂ ਸਕਦੇ। ਇਸੇ ਲਈ ਉਨ੍ਹਾਂ ਨੇ ਜਾਅਲੀ ਡਾਕ ਬੈਲਟ ਬਣਾ ਲਈਆਂ ਹਨ।”
ਇਸ ਨਾਲ ਡੈਮੋਕਰੇਟ ਉਮੀਦਵਾਰ ਜੋ ਬਿਡੇਨ ਜਿੱਤ ਦੇ ਨੇੜੇ ਆ ਗਏ ਹਨ। ਜੋ ਬਿਡੇਨ ਨੇ ਕਿਹਾ ਹੈ ਕਿ ਉਸਨੂੰ ਕੋਈ ਸ਼ੱਕ ਨਹੀਂ ਹੈ। ਉਹ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਹਰਾ ਦੇਣਗੇ ਅਤੇ ਅਮਰੀਕੀ ਚੋਣਾਂ ਦੇ ਜੇਤੂ ਐਲਾਨੇ ਜਾਣਗੇ, ਵੋਟਰਾਂ ਨੂੰ ਸਬਰ ਰੱਖਣਾ ਚਾਹੀਦਾ ਹੈ ਅਤੇ ਨਤੀਜੇ ਜਲਦੀ ਹੀ ਸਾਹਮਣੇ ਆ ਜਾਣਗੇ। ਤੁਹਾਨੂੰ ਦੱਸ ਦਈਏ ਕਿ ਜਾਰਜੀਆ ਵਿੱਚ ਟਰੰਪ ਅਤੇ ਬਿਡੇਨ ਦੀਆਂ ਵੋਟਾਂ ਬਰਾਬਰ ਹੋ ਗਈਆਂ ਹਨ। ਜਾਰਜੀਆ ਵਿੱਚ ਟਰੰਪ ਨੇ 49.4 ਫ਼ੀਸਦੀ ਅਤੇ ਬਿਡੇਨ ਨੇ ਵੀ 49.4 ਫ਼ੀਸਦੀ ਵੋਟਾਂ ਪ੍ਰਾਪਤ ਕੀਤੀਆਂ ਹਨ। ਦੂਜੇ ਪਾਸੇ ਟਰੰਪ ਨੂੰ 24 ਲੱਖ 47 ਹਜ਼ਾਰ 15 ਵੋਟਾਂ ਮਿਲੀਆਂ ਹਨ। ਜਦਕਿ ਜੋ ਬਿਡੇਨ ਨੂੰ 24 ਲੱਖ 44 ਹਜ਼ਾਰ 518 ਵੋਟਾਂ ਮਿਲੀਆਂ ਹਨ। ਜਾਰਜੀਆ ਉਨ੍ਹਾਂ ਪੰਜਾਂ ਰਾਜਾਂ ਵਿੱਚੋਂ ਇੱਕ ਹੈ ਜੋ ਜਿੱਤ ਅਤੇ ਹਾਰ ਵਿੱਚ ਫੈਸਲਾਕੁੰਨ ਹੁੰਦੇ ਹਨ।
