ਮਿਲਖਾ ਸਿੰਘ ਨੇ ਬਤੌਰ ਐਥਲੀਟ ਦੇਸ਼-ਦੁਨੀਆ ਵਿੱਚ ਕਈ ਰਿਕਾਰਡ ਬਣਾਏ। ਉਨ੍ਹਾਂ ਦਾ ਪਰਿਵਾਰ ਵੀ ਉਨ੍ਹਾਂ ਦੇ ਨਕਸ਼ੇ ਕਦਮ ‘ਤੇ ਚੱਲ ਰਿਹਾ ਹੈ। ਮਿਲਖਾ ਸਿੰਘ ਨੂੰ ਗੋਲਫ ਖੇਡਣ ਦਾ ਸ਼ੌਂਕ ਸੀ। ਬੇਟੇ ਜੀਵ ਮਿਲਖਾ ਸਿੰਘ ਦੀ ਗਿਣਤੀ ਵੀ ਮੰਨੇ-ਪ੍ਰਮੰਨੇ ਗੋਲਫਰਾਂ ਵਿੱਚ ਕੀਤੀ ਜਾਂਦੀ ਹੈ। ਹੁਣ ਮਿਲਖਾ ਸਿੰਘ ਦੇ ਪੋਤੇ ਹਰਜਯ ਮੁਲਖ USA ਵਿੱਚ ਅੰਡਰ-13 ਗੋਲਫ ਚੈਂਪੀਅਨਸ਼ਿਪ ਜਿੱਤ ਕੇ ਪਰਿਵਾਰ ਦੇ ਮਾਣ ਨੂੰ ਬਰਕਰਾਰ ਰੱਖਿਆ ਹੈ। ਹਰਜਯ ਨੇ USA ਕਿਡਸ ਯੂਰੋਪੀਅਨ ਗੋਲਫ ਚੈਂਪੀਅਨਸ਼ਿਪ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰ ਕੇ ਟਰਾਫੀ ‘ਤੇ ਕਬਜ਼ਾ ਕੀਤਾ।
ਮਿਲਖਾ ਸਿੰਘ ਦੇ ਦੇਹਨਾਤ ਤੋਂ ਬਾਅਦ ਹਰਜਯ ਮਿਲਖਾ ਦੀ ਇਹ ਪਹਿਲੀ ਵੱਡੀ ਜਿੱਤ ਹੈ ਅਤੇ ਉਸ ਨੇ ਇਸ ਟਰਾਫੀ ਨੂੰ ਆਪਣੇ ਦਾਦਾ ਨੂੰ ਸਮਰਪਿਤ ਕੀਤਾ ਹੈ। ਪਰਿਵਾਰ ਵੀ ਇਸ ਮੌਕੇ ‘ਤੇ ਕਾਫ਼ੀ ਭਾਵੁਕ ਹੈ। ਇਸ ਮੌਕੇ ਹਰਜਯ ਦੀ ਮਾਤਾ ਕੁਦਰਤ ਨੇ ਕਿਹਾ ਕਿ ਇਹ ਜਿੱਤ ਆਪਣੇ ਆਪ ਵਿੱਚ ਖਾਸ ਹੈ। ਬਚਪਨ ਵਿੱਚ ਹਰਜਯ ਦਾਦਾ ਮਿਲਖਾ ਸਿੰਘ ਦੇ ਨਾਲ ਗੋਲਫ ਖੇਡਣ ਜਾਇਆ ਕਰਦਾ ਸੀ। ਘਰ ਵਿੱਚ ਗੋਲਫ ਦਾ ਮਾਹੌਲ ਸ਼ੁਰੂ ਤੋਂ ਸੀ ਏ ਪਿਤਾ ਵੀ ਵੱਡੇ ਗੋਲਫਰ ਸੀ। ਜਿਸ ਕਾਰਨ ਹਰਜਯ ਨੇ ਵੀ ਗੋਲਫ ਨੂੰ ਹੀ ਚੁਣਿਆ।
ਇਹ ਵੀ ਪੜ੍ਹੋ: ਪੰਜਾਬ ‘ਚ ਵੱਡਾ ਪ੍ਰਸ਼ਾਸਨਿਕ ਫੇਰਬਦਲ, 4 IAS ਤੇ 34 PCS ਅਧਿਕਾਰੀਆਂ ਦੇ ਹੋਏ ਤਬਾਦਲੇ
ਦੱਸ ਦੇਈਏ ਕਿ ਪਹਿਲੇ ਰਾਊਂਡ ਵਿਚ ਪਾਰ ਦੇ ਨਾਲ ਆਗਾਜ ਕਰਨ ਤੋਂ ਬਾਅਦ ਹਰਜਯ ਨੇ ਬੋਰਡ ‘ਤੇ 72 ਦਾ ਕਾਰਡ ਲਗਾਏ। ਪਹਿਲੇ ਦਿਨ ਉਹ ਤੀਸਰੇ ਸਥਾਨ ‘ਤੇ ਸੀ।ਉੱਥੇ ਹੀ ਦੂਜੇ ਦਿਨ ਉਨ੍ਹਾਂ ਨੇ ਗੇਮ ਵਿੱਚ ਵਾਪਸੀ ਕੀਤੀ। 70 ਦਾ ਕਾਰਡ ਖੇਡਦੇ ਹੋਏ ਸਿਟੀ ਸਟਾਰ ਟਾਪ ’ਤੇ ਰਿਹਾ। ਤੀਸਰੇ ਦਿਨ ਅਤੇ ਆਖਰੀ ਰਾਊਂਡ ਵਿੱਚ ਹਰਜਯ ਨੇ ਟੂਰ ਦਾ ਬੈਸਟ ਕਾਰਡ ਖੇਡਿਆ । ਪਹਿਲੇ ਦੋ ਹੋਲ ‘ਤੇ ਉਨ੍ਹਾਂ ਨੇ ਬਰੜੀ ਲਗਾਈ ਜਦਕਿ 5ਵੇਂ ਤੇ 8ਵੇਂ ਹੋਲ ‘ਤੇ ਵੀ ਉਨ੍ਹਾਂ ਨੇ ਬਰੜੀ ਲਗਾਈ। ਸੈਕਿੰਡ ਨਾਈਨ ਵਿੱਚ 12ਵੇਂ, 13ਵੇਂ ਤੇ 16ਵੇਂ ਹੋਲ ਨੂੰ ਬਰੜੀ ਵਿੱਚ ਬਦਲਦੇ ਹੋਏ ਹਰਜਯ ਨੇ ਪੁਜੀਸ਼ਨ ਮਜ਼ਬੂਤ ਕੀਤੀ। ਉਨ੍ਹਾਂ ਨੂੰ ਚਾਰ ਹੋਲ ‘ਤੇ ਬੌਗੀ ਜ਼ਰੂਰ ਮਿਲੀ ਪਰ 69 ਦਾ ਕਾਰਡ ਖੇਡਦੇ ਹੋਏ ਉਹ ਟਾਈਟਲ ਜਿੱਤਣ ਵਿੱਚ ਕਾਮਯਾਬ ਰਹੇ।
ਵੀਡੀਓ ਲਈ ਕਲਿੱਕ ਕਰੋ -:
“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”
