ਕੰਗਨਾ ਰਣੌਤ ਪਿਛਲੇ ਕੁਝ ਸਮੇਂ ਤੋਂ ਸੁਰਖੀਆਂ ਵਿੱਚ ਹੈ। ਲੋਕ ਸਭਾ ਚੋਣਾਂ ਜਿੱਤਣ ਤੋਂ ਬਾਅਦ ਜਦੋਂ ਕੰਗਨਾ ਰਣੌਤ ਚੰਡੀਗੜ੍ਹ ਤੋਂ ਫਲਾਈਟ ਲੈ ਕੇ ਦਿੱਲੀ ਲਈ ਰਵਾਨਾ ਹੋ ਰਹੀ ਸੀ ਤਾਂ ਸੀਆਈਐਸਐਫ ਕਰਮੀ ਕੁਲਵਿੰਦਰ ਕੌਰ ਨੇ ਉਸ ਨੂੰ ਥੱਪੜ ਮਾਰ ਦਿੱਤਾ। ਇਸ ਵਿਵਾਦਿਤ ਮੁੱਦੇ ਦੀ ਬਾਲੀਵੁੱਡ ਦੀਆਂ ਕਈ ਮਸ਼ਹੂਰ ਹਸਤੀਆਂ ਨੇ ਆਲੋਚਨਾ ਕੀਤੀ ਸੀ।
ਅਦਾਕਾਰਾ ਹੁਣ ਆਪਣੇ ਪਰਿਵਾਰ ਨਾਲ ਸਮਾਂ ਬਤੀਤ ਕਰ ਰਹੀ ਹੈ। ਹਾਲ ਹੀ ‘ਚ ਉਨ੍ਹਾਂ ਨੂੰ ਆਪਣੇ ਚਚੇਰੇ ਭਰਾ ਵਰੁਣ ਰਣੌਤ ਦੇ ਵਿਆਹ ਸਮਾਰੋਹ ‘ਚ ਪਰਿਵਾਰ ਨਾਲ ਦੇਖਿਆ ਗਿਆ। ਹੁਣ ਅਦਾਕਾਰਾ ਨੇ ਵਿਆਹ ਦੇ ਤੋਹਫ਼ੇ ਵਜੋਂ ਆਪਣੇ ਭਰਾ ਨੂੰ ਚੰਡੀਗੜ੍ਹ ਵਿੱਚ ਇੱਕ ਆਲੀਸ਼ਾਨ ਘਰ ਗਿਫਟ ਕੀਤਾ ਹੈ।
ਕੰਗਨਾ ਦੇ ਚਚੇਰੇ ਭਰਾ ਵਰੁਣ ਰਣੌਤ ਨੇ ਇਸ ਖੂਬਸੂਰਤ ਘਰ ਲਈ ਆਪਣੀ ਵੱਡੀ ਭੈਣ ਦਾ ਧੰਨਵਾਦ ਕੀਤਾ ਹੈ। ਘਰ ਦੀਆਂ ਕਈ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਵਰੁਣ ਨੇ ਦੀਦੀ ਦਾ ਧੰਨਵਾਦ ਕੀਤਾ ਹੈ। ਆਪਣੇ ਇੰਸਟਾਗ੍ਰਾਮ ਪੋਸਟ ‘ਚ ਭਰਾ ਨੇ ਲਿਖਿਆ- ਇਸ ਖੂਬਸੂਰਤ ਤੋਹਫੇ ਲਈ ਦੀਦੀ ਕੰਗਨਾ ਰਣੌਤ ਦਾ ਧੰਨਵਾਦ। ਹੁਣ ਮੇਰਾ ਚੰਡੀਗੜ੍ਹ ਵਿੱਚ ਘਰ ਹੈ। ਕੰਗਨਾ ਨੇ ਇਸ ਨਵੇਂ ਘਰ ਦੀਆਂ ਕਈ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ।
ਇਹ ਵੀ ਪੜ੍ਹੋ : ਉਡਾਨ ਦੌਰਾਨ ਜਹਾਜ਼ ਦੇ ਇੰਜਣ ‘ਚ ਲੱਗੀ ਅੱ/ਗ, ਯਾਤਰੀਆਂ ਦੇ ਅਟਕੇ ਸਾਹ
ਕੰਗਨਾ ਨੇ ਘਰ ਦੀ ਐਂਟਰੀ ਦੀਆਂ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਸ ਘਰ ਨੂੰ ਫੁੱਲਾਂ ਨਾਲ ਸਜਾਇਆ ਗਿਆ ਹੈ। ਘਰ ਵਿੱਚ ਇੱਕ ਮੈਰੂਨ ਰੰਗ ਦਾ ਸੋਫਾ ਅਤੇ ਇੱਕ ਸਫੈਦ ਗੋਲ ਮੇਜ਼ ਹੈ। ਕਾਰਪੇਟ ਵਿਛਾਇਆ ਗਿਆ ਹੈ। ਇੱਕ ਖੂਬਸੂਰਤ ਝੂਮਰ ਵੀ ਹੈ। ਕੰਗਨਾ ਨੇ ਇਹ ਆਲੀਸ਼ਾਨ ਘਰ ਆਪਣੇ ਚਚੇਰੇ ਭਰਾ ਅਤੇ ਉਸ ਦੀ ਪਤਨੀ ਅੰਜਲੀ ਨੂੰ ਗਿਫਟ ਕੀਤਾ ਹੈ। ਨਵਾਂ ਵਿਆਹਿਆ ਜੋੜਾ ਇੰਨਾ ਅਨਮੋਲ ਤੋਹਫ਼ਾ ਪਾ ਕੇ ਖ਼ੁਸ਼ ਹੈ।
