Amitabh Bachchan KBC Show: ਲੌਕਡਾਊਨ ਦੌਰਾਨ ਇੰਨ੍ਹੀ ਦਿਨੀ ਟੀਵੀ ਅਤੇ ਸਿਨੇਮਾ ਦੀ ਦੁਨੀਆ ਬੰਦ ਪਈ ਹੈ। ਪਰ ਅਮਿਤਾਭ ਬੱਚਨ ਆਪਣੇ ਪਸੰਦੀਦਾ ਸ਼ੋਅ ‘ਕੌਣ ਬਣੇਗਾ ਕਰੋੜਪਤੀ’ ਆਪਣੇ 12ਵੇਂ ਸੀਜ਼ਨ ਨਾਲ ਆਪਣੇ ਪ੍ਰਸ਼ੰਸਕਾਂ ਦੇ ਸਨਮੁਖ ਹੋਣ ਜਾ ਰਹੇ ਹਨ। ਹਾਲ ਹੀ ਵਿੱਚ ਅਮਿਤਾਭ ਬੱਚਨ ਨੇ ਖੁਦ ਖੁਲਾਸਾ ਕੀਤਾ ਸੀ ਕਿ ਉਹ ਸ਼ੋਅ ਦੇ ਪ੍ਰੋਮੋ ਦੀ ਸ਼ੂਟਿੰਗ ਕਰ ਰਹੇ ਹਨ। ਹੁਣ ਤੁਹਾਨੂੰ ਦੱਸ ਦੇਈਏ ਕਿ ਲੌਕਡਾਊਨ ਦੌਰਾਨ ਤੁਸੀ ਘਰ ਬੈਠੇ ਹੀ ਕਿਸ ਤਰ੍ਹਾਂ ਸ਼ੋਅ ‘ਕੌਣ ਬਣੇਗਾ ਕਰੋੜਪਤੀ’ ਦਾ ਹਿੱਸਾ ਵੀ ਬਣ ਸਕਦੇ ਹੋ। 9 ਮਈ ਯਾਨੀ ਕਿ ਅੱਜ ਤੋਂ, ਅਮਿਤਾਭ ਬੱਚਨ ਨੇ ਕੇਬੀਸੀ ਰਜਿਸਟ੍ਰੇਸ਼ਨ ਦਾ ਸਵਾਲ ਪੁੱਛਣਾ ਸ਼ੁਰੂ ਕਰਨ ਜਾ ਰਹੇ ਹਨ। ਅਮਿਤਾਭ ਬੱਚਨ ਅੱਜ ਰਾਤ 9 ਵਜੇ ਤੋਂ ਸੋਨੀ ਐਂਟਰਟੇਨਮੈਂਟ ਟੈਲੀਵਿਜ਼ਨ ‘ਤੇ ਕੇਬੀਸੀ ਰਜਿਸਟਰੇਸ਼ਨ ਬਾਰੇ ਸਵਾਲ ਪੁੱਛਣਾ ਸ਼ੁਰੂ ਕਰਨਗੇ। ਇਹ ਸਵਾਲ 22 ਮਈ ਤੱਕ ਦਰਸ਼ਕਾਂ ਤੋ ਪੁੱਛੇ ਜਾਣਗੇ।
ਤੁਸੀਂ ਆਪਣੇ ਸਵਾਲਾਂ ਦੇ ਸਹੀ ਜਵਾਬ SMS ਜਾਂ SonyLIV ਐਪ ਰਾਹੀਂ ਭੇਜ ਸਕਦੇ ਹੋ।ਸਿਲਵਰ ਸਕ੍ਰੀਨ ਦੀ ਗੱਲ ਕਰੀਏ ਤਾਂ ਬਿੱਗ ਬੀ ਅਮਿਤਾਭ ਬੱਚਨ ਨੇ ਕਈ ਦਹਾਕਿਆਂ ਤੱਕ ਬਾਲੀਵੁੱਡ ਤੇ ਰਾਜ ਕੀਤਾ ਹੈ ਅਤੇ ਅੱਜ ਵੀ ਉਹ 77 ਸਾਲ ਦੀ ਉਮਰ ਵਿੱਚ ਹਰ ਪ੍ਰਕਾਰ ਦੀਆਂ ਫਿਲਮਾਂ ਕਰ ਰਹੇ ਹਨ। ਬਾਲੀਵੁੱਡ ਦੇ ਸ਼ਾਨਸ਼ਾਹ ਕਹਿਲਾਏ ਜਾਣ ਵਾਲੇ ਅਮਿਤਾਭ ਬੱਚਨ ਦੇ ਬੇਟੇ ਅਭਿਸ਼ੇਕ ਅਤੇ ਨੂੰਹ ਐਸ਼ਵਰਿਆ ਵੀ ਮਸ਼ਹੂਰ ਅਦਾਕਾਰਾ ਦੀ ਲਿਸਟ ਵਿੱਚ ਸ਼ਾਮਿਲ ਹਨ।ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦੱਸ ਦੇਈਏ ਕਿ ਕੋਰੋਨਾ ਵਾਇਰਸ ਦੇ ਕਾਰਨ ਪੀੜਤ ਮਰੀਜ਼ਾਂ ਦੀ ਗਿਣਤੀ ਲਗਾਤਾਰ ਵਧਦੀ ਹੀ ਜਾ ਰਹੀ ਹੈ। ਇਹ ਵਾਇਰਸ ਦਿਨੋਂ ਦਿਨ ਲੋਕਾਂ ਦੀਆਂ ਜ਼ਿੰਦਗੀਆਂ ਨਾਲ ਖੇਡ ਰਿਹਾ ਹੈ।
ਇਸ ਦੇ ਚੱਲਦੇ ਕਈ ਬਾਲੀਵੁੱਡ ਸਿਤਾਰਿਆਂ ਨੇ ਪੀਐੱਮ ਕੇਅਰਸ ਫੰਡ ਵਿੱਚ ਕਰੋੜਾਂ ਰੁਪਏ ਦਾਨ ਕੀਤੇ ਹਨ। ਲੋਕੀਂ ਜਿੰਨਾ ਹੋ ਸਕਦੇ ਹਨ ਉੱਨੇ ਵੱਧ ਤੋਂ ਵੱਧ ਗਰੀਬਾਂ ਦੀ ਮਦਦ ਕਰ ਰਹੇ ਹਨ। ਅਮਿਤਾਭ ਬੱਚਨ ਨੇ ਬਾਲੀਵੁੱਡ ਦੇ ਨਾਲ ਨਾਲ ਸਾਊਥ ਇੰਡਸਟਰੀ ਲਈ ਵੀ ਕਰੋੜਾਂ ਰੁਪਏ ਦਾਨ ਕੀਤੇ ਹਨ। ਅਮਿਤਾਭ ਬੱਚਨ ਦੀ ਲਗਭਗ ਹਰ ਫਿਲਮ ਹਿੱਟ ਰਹੀ ਹੈ ਪਰ 1975 ਵਿੱਚ ਰਿਲੀਜ਼ ਹੋਈ ਫਿਲਮ ਸ਼ੋਲੇ ਦਾ ਅਲੱਗ ਹੀ ਮੁਕਾਮ ਹੈ। ਇਸ ਫ਼ਿਲਮ ਦੇ ਪ੍ਰੀਮੀਅਰ ਦੀ ਇੱਕ ਪੁਰਾਣੀ ਤਸਵੀਰ ਅਮਿਤਾਭ ਨੇ ਸ਼ੇਅਰ ਕੀਤੀ ਹੈ। ਅਮਿਤਾਭ ਨੇ ਇੰਸਟਾਗ੍ਰਾਮ ‘ਤੇ ਇੱਕ ਬਲੈਕ ਐਂਡ ਵ੍ਹਾਈਟ ਤਸਵੀਰ ਸ਼ੇਅਰ ਕੀਤੀ ਹੈ। ਇਹ ਤਸਵੀਰ ਮਿਨਰਵਾ ਵਿੱਚ ਹੋਏ ਫਿਲਮ ਸ਼ੋਲੇ ਦੇ ਪ੍ਰੀਮੀਅਰ ਦੀ ਹੈ। ਜਿਸ ਵਿੱਚ ਅਮਿਤਾਭ ਦੇ ਪਿਤਾ, ਮਾਤਾ ਅਤੇ ਪਤਨੀ ਜਯਾ ਮੌਜੂਦ ਹਨ।
