Gurlal Saila and Sikri : ਜਲੰਧਰ : ਬਹੁਜਨ ਸਮਾਜ ਪਾਰਟੀ ਨੇ ਅੱਜ ਫਿਰ ਵੱਡਾ ਧਮਾਕਾ ਕਰਦੇ ਹੋਏ ਕਾਂਗਰਸ ‘ਚ ਪਾੜ ਪਾਕੇ ਨਵੇਂ ਯੁੱਗ ਦਾ ਆਗਾਜ਼ ਕੀਤਾ ਹੈ। ਕਾਂਗਰਸ ਦੇ ਮੌਜੂਦਾ ਸੀਨੀਅਰ ਆਗੂ ਸ੍ਰੀ ਗੁਰਲਾਲ ਸੈਲਾ, ਕਾਂਗਰਸ ਦੇ ਮੌਜੂਦਾ ਜ਼ਿਲਾ ਪ੍ਰੀਸ਼ਦ ਮੈਂਬਰ ਸਮਿੱਤਰ ਸਿੰਘ ਸੀਕਰੀ, ਸ੍ਰੀ ਸੋਮ ਨਾਥ ਬੈਂਸ, ਮਨਜੀਤ ਕੁਮਾਰ ਮੰਜੂ ਬਲਾਕ ਸੰਮਤੀ ਮੈਂਬਰ ਬਜਵਾੜਾ, ਬਲਦੇਵ ਸਿੰਘ ਰੰਧਾਵਾ, ਸੁਰਿੰਦਰ ਸਿੰਘ ਛਿੰਦਾ ਪੰਚਾਇਤ ਮੈਂਬਰ , ਜਸਵਿੰਦਰ ਸਿੰਘ ਬੱਸੀ ਕਿੱਕਰਾਂ ਪੰਚਾਇਤ ਮੈਂਬਰ, ਸ਼ੰਕਰ ਦਾਸ ਨੰਦਨ, ਪਰਮਜੀਤ ਧਰਮਸੋਤ ਨੇ ਕਾਂਗਰਸ ਨੂੰ ਪੋਸਟਮੈਟ੍ਰਿਕ ਸਕਾਰਲਸ਼ਿਪ ਤੇ ਦਲਿਤ ਵਿਰੋਧੀ ਨੀਤੀਆਂ ਕਰਕੇ ਛੱਡਕੇ ਮੁੜ ਘਰ ਵਾਪਸੀ ਕਰਦੇ ਹੋਏ ਬਹੁਜਨ ਸਮਾਜ ਪਾਰਟੀ ਵਿਚ ਇੰਚਾਰਜ ਰਣਧੀਰ ਸਿੰਘ ਬੈਨੀਵਾਲ ਅਤੇ ਪੰਜਾਬ ਪ੍ਰਧਾਨ ਸਰਦਾਰ ਜਸਵੀਰ ਸਿੰਘ ਗੜ੍ਹੀ ਦੀ ਅਗਵਾਈ ਵਿੱਚ ਸ਼ਾਮਿਲ ਹੋਏ।
ਬਸਪਾ ਦੇ ਮੁੱਖ ਦਫਤਰ ਜਲੰਧਰ ਵਿਚ ਬਸਪਾ ਵਰਕਰਾਂ ਦੇ ਵਿਸ਼ਾਲ ਇਕੱਠ ਵਿੱਚ ਠਾਠਾਂ ਮਾਰਦਾ ਜੋਸ਼ ਤੇ ਆਸਮਾਨ ਗੂੰਜਦੀ ਨਾਹਰੇਬਾਜੀ ਨਾਲ ਬਸਪਾ ਵਿਚ ਨਵੇਂ ਉੱਠਦੇ ਪਰਚੰਡ ਅੰਦੋਲਨ ਦੀਆ ਸਪਸਟ ਉਜਾਗਰ ਨਿਸ਼ਾਨੀਆਂ ਦਿੱਖ ਰਹੀਆਂ ਹਨ। ਉਪਰੰਤ ਬੈਨੀਵਾਲ ਨੇ ਕਿਹਾ ਪੰਜਾਬ ਤੇ ਬਹੁਜਨ ਸਮਾਜ ਦੇ ਹਿੱਤ ਵਿੱਚ ਬਸਪਾ ਦੇ ਦਰਵਾਜ਼ੇ ਸਭ ਲਈ ਖੁੱਲੇ ਹਨ। ਪੰਜਾਬ ਪ੍ਰਧਾਨ ਸਰਦਾਰ ਗੜ੍ਹੀ ਨੇ ਕਿਹਾ ਕਿ ਬਸਪਾ ਦਾ ਸੁਨਹਿਰੀ ਯੁੱਗ ਪੰਜਾਬ ਵਿੱਚ ਬਸਪਾ ਦੀ ਲੀਡਰਸ਼ਿਪ ਵਿੱਚ ਸ਼ੁਰੂ ਹੋ ਚੁੱਕਾ ਹੈ। ਇਹ ਸਮੁੱਚੀ ਵਰਕਰਾਂ ਤੇ ਲੀਡਰਸ਼ਿਪ ਦੀ ਮਿਹਨਤ ਹੈ ਕਿ ਅੱਜ ਬਸਪਾ ਪੰਜਾਬ ਵਿੱਚ ਰਾਜਨੀਤੀ ਦਾ ਧੁਰਾ ਬਣੀ ਗਈ ਹੈ। ਕਾਂਗਰਸ ਦੀਆ ਦਲਿਤ- ਪਛੜਾ ਵਿਰੋਧੀ ਨੀਤੀਆਂ ਤੋਂ ਅੱਜ ਕਾਂਗਰਸੀ ਲੀਡਰ ਇੰਨੇ ਪ੍ਰੇਸ਼ਾਨ ਹਨ ਕਿ ਕਾਂਗਰਸ ਦੇ ਡੁਬਦੇ ਜਹਾਜ਼ ਵਿਚੋਂ ਟਕਸਾਲੀ ਕਾਂਗਰਸੀ ਵੀ ਬਸਪਾ ਵਿਚ ਸ਼ਾਮਿਲ ਹੋਣਗੇ।
ਗੁਰਲਾਲ ਸੈਲਾ ਜੋ ਕਿ ਬਸਪਾ ਦੇ ਸਾਬਕਾ ਪੰਜਾਬ ਪ੍ਰਧਾਨ ਵੀ ਰਹੇ ਸਨ, ਨੇ ਕਿਹਾ ਕਿ ਕਾਂਗਰਸ ਦੁਸ਼ਮਣ ਪਾਰਟੀ ਸੀ ਹੁਣ ਜਿਸ ਵਿੱਚ ਮੇਰਾ ਜਾਣਾ ਠੀਕ ਨਹੀਂ ਸੀ। ਹੁਣ ਘਰ ਵਾਪਸੀ ਕਰਕੇ ਪਿਛਲੀਆਂ ਕਮੀਆਂ ਦੂਰ ਕਰਕੇ ਕਾਂਗਰਸ ਨੂੰ ਸਬਕ ਸਿਖਾਵਾਂਗਾ। ਜ਼ਿਲਾ ਪ੍ਰੀਸ਼ਦ ਮੈਂਬਰ ਸ੍ਰੀ ਸਮਿਤਰ ਸੀਕਰੀ ਨੇ ਕਿਹਾ ਕਿ ਪੰਜਾਬ ਦੀ ਮੌਜੂਦਾ ਲੀਡਰਸ਼ਿਪ ਸਰਦਾਰ ਜਸਵੀਰ ਸਿੰਘ ਗੜ੍ਹੀ ਦੀ ਅਗਵਾਈ ਵਿੱਚ ਹਨੇਰੀ ਦੀ ਤੇਜ਼ੀ ਨਾਲ ਰਾਜਸੱਤਾ ਲਈ ਉੱਸਲਵਟੇ ਲੈ ਰਹੀ ਹੈ, ਇਸ ਸੁਭਾਗੇ ਮੌਕੇ ਸਾਰੇ ਬਹੁਜਨ ਸਮਾਜ ਨੂੰ ਬਸਪਾ ਨਾਲ ਮੁੜ ਜੁੜਨਾ ਚਾਹੀਦਾ ਹੈ। ਇਸ ਮੌਕੇ ਸ੍ਰੀ ਭਗਵਾਨ ਸਿੰਘ ਚੌਹਾਨ ਤੇ ਡਾਕਟਰ ਨਛੱਤਰ ਪਾਲ ਨੇ ਕਿਹਾ ਕਿ ਬਸਪਾ ਵਿੱਚ ਸਾਰਿਆਂ ਨੂੰ ਬਣਦਾ ਮਾਣ-ਸਨਮਾਨ ਦਿੱਤਾ ਜਾਵੇਗਾ। ਇਸ ਮੌਕੇ ਡਾ ਨਛੱਤਰ ਪਾਲ, ਭਗਵਾਨ ਸਿੰਘ ਚੌਹਾਨ, ਅਜੀਤ ਸਿੰਘ ਭੈਣੀ, ਰਾਜਿੰਦਰ ਸਿੰਘ ਰੀਹਲ, ਚਮਕੌਰ ਸਿੰਘ, ਰਾਜਾ ਰਜਿੰਦਰ ਸਿੰਘ ਨਨਹੇੜੀਆ, ਗੁਰਮੇਲ ਚੁੰਬਰ, ਪੀ.ਡੀ. ਸ਼ਾਂਤ, ਮਨਜੀਤ ਅਟਵਾਲ, ਸ਼ਵਿੰਦਰ ਸਿੰਘ ਛੱਜਲਵਡੀ, ਲਾਲ ਸਿੰਘ ਸੁਲਹਾਣੀ, ਰਣਜੀਤ ਕੁਮਾਰ, ਹਰਭਜਨ ਸਿੰਘ ਬਜ਼ਹੇਰੀ, ਰਮੇਸ਼ ਕੋਲ,, ਮੋਹਿੰਦਰ ਸਿੰਘ ਸੰਧਰਾਂ, ਰਾਮ ਪਾਲ ਅਬਿਆਣਾ, ਸਤਪਾਲ ਪਾਲਾ, ਡਾਕਟਰ ਮਹਿੰਦਰ ਪਾਲ, ਜੇਪੀ ਭਗਤ, ਧਰਮਪਾਲ ਭਗਤ, ਸੰਤ ਰਾਮ ਮੱਲੀਆਂ, ਤਰਸੇਮ ਥਾਪਰ, ਬਲਜੀਤ ਸਿੰਘ ਭਾਰਾਪੁਰ, ਸੁਰਿੰਦਰ ਸਿੰਘ ਸਹੋਰਾ, ਹਰਨੇਕ ਸਿੰਘ ਮੋਹਾਲੀ, ਪਰਵੀਨ ਬੰਗਾ, ਮਨਿੰਦਰ ਸ਼ੇਰਪੁਰੀ, ਅਵਤਾਰ ਕ੍ਰਿਸ਼ਨ, ਸਵਰਨ ਸਿੰਘ ਕਲਿਆਣ, ਪਰਮਜੀਤ ਮੱਲ, ਐਡਵੋਕੇਟ ਵਿਜੈ ਬੱਧਣ, ਅੰਮ੍ਰਿਤਪਾਲ ਭੋਂਸਲੇ, ਗੋਵਿੰਦ ਰਾਮ ਕਾਨੂੰਗੋ, ਪਰਵਿੰਦਰ ਬਿੱਕਾ, ਤੀਰਥ ਰਾਜਪੁਰਾ, ਲਾਲ ਚੰਦ ਔਜਲਾ, ਹਰਿੰਦਰ ਸ਼ੀਤਲ, ਕੁਲਦੀਪ ਬੰਗੜ, ਵਿਨੇ ਮਹੇ, ਕਮਲ ਮਹਿਮੀ, ਹੰਸ ਰਾਜ ਸੇਵਰਾ ਆਦਿ ਵੱਡੀ ਗਿਣਤੀ ਵਿਚ ਬਸਪਾ ਵਰਕਰ ਤੇ ਸਮਰਥਕ ਮੌਜੂਦ ਸਨ।
