ਜਲੰਧਰ ਵਿਚ ਇੱਕ ਖਿਡੌਣੇ ਵਚ ਕੇ ਗੁਜ਼ਾਰਾ ਕਰਨ ਵਾਲੇ ਦਿਵਿਆਂਗ ਜੋੜੇ ‘ਤੇ ਸਰਕਾਰ ਦਾ ‘ਤਸ਼ੱਦਦ’ ਸਾਹਮਣੇ ਆਇਆ ਹੈ। ਉਨ੍ਹਾਂ ਦੇ ਘਰ ਵਿਚ ਨਾ ਤਾਂ ਕੋਈ ਫਰਿੱਜ ਹੈ ਅਤੇ ਨਾ ਹੀ ਟੀ.ਵੀ. ਸਿਰਫ ਪੱਖੇ ਅਤੇ ਬੱਲਬ ਦਾ ਬਿੱਲ ਪਾਵਰਕਾਮ ਨੇ ਉਨ੍ਹਾਂ ਨੂੰ ਜਨਵਰੀ ਵਿਚ 46,950 ਰੁਪਏ ਦਾ ਭੇਜਿਆ ਹੈ।
ਉਹ ਲਗਭਗ 6 ਮਹੀਨਿਆਂ ਤੋਂ ਬਿਨਾਂ ਬਿਜਲੀ ਦੇ ਰਹਿ ਰਹੇ ਹਨ। ਇਸ ਤੋਂ ਬਾਅਦ ਕਿਸੇ ਨੇ ਉਨ੍ਹਾਂ ਨੂੰ ਸਿੱਧੀ ਤਾਰ ਪਾ ਕੇ ਦੇ ਦਿੱਤੀ ਤਾਂ ਪਾਵਰਕਾਮ ਦੇ ਅਧਿਕਾਰੀਆਂ ਨੇ ਛਾਪਾ ਮਾਰਿਆ ਅਤੇ 10,260 ਰੁਪਏ ਜੁਰਮਾਨਾ ਵੀ ਲਗਾਇਆ। ਹੁਣ ਉਸ ਨੂੰ ਇਕ ਨੋਟਿਸ ਭੇਜਿਆ ਗਿਆ ਹੈ ਕਿ ਉਹ ਪੂਰੀ ਰਕਮ 15 ਦਿਨਾਂ ਵਿਚ ਜਮ੍ਹਾ ਕਰੇ, ਨਹੀਂ ਤਾਂ ਉਨ੍ਹਾਂ ਦੇ ਘਰ ਨੂੰ ਸੀਲ ਕਰ ਦਿੱਤਾ ਜਾਵੇਗਾ। ਹੁਣ ਪਾਵਰਕਾਮ ਦੇ ਅਧਿਕਾਰੀ ਇਸ ਸਾਰੇ ਮਾਮਲੇ ‘ਤੇ ਚੁੱਪ ਬੈਠੇ ਹਨ।
ਪਿੰਡ ਤਲਹਾਨ ਵਿੱਚ ਰਹਿੰਦੇ ਪੁਰਸ਼ੋਤਮ ਅਤੇ ਕਸ਼ਮੀਰੋ ਨੇ ਕਿਹਾ ਕਿ ਉਨ੍ਹਾਂ ਦਾ ਬਿੱਲ ਹਮੇਸ਼ਾ ਗਲਤ ਭੇਜਿਆ ਜਾਂਦਾ ਸੀ। ਇਸ ਵਿਚ ਹੋਰ ਯੂਨਿਟਾਂ ਪਾਈਆਂ ਗਈਆਂ ਹਨ। ਇਹ ਦੋਵੇਂ ਅਪਾਹਜ ਹਨ, ਉਹ ਵਾਰ-ਵਾਰ ਅਧਿਕਾਰੀਆਂ ਦੇ ਚੱਕਰ ਨਹੀਂ ਕੱਟ ਸਕਦੇ। ਫਿਰ ਵੀ ਉਹ ਗਏ ਸਨ, ਪਰ ਦੱਸਿਆ ਗਿਆ ਕਿ ਮੀਟਰ ਰੀਡਿੰਗ ਨਿੱਜੀ ਤੌਰ ‘ਤੇ ਲਈ ਜਾਂਦੀ ਹੈ, ਇਸ ਲਈ ਉਹ ਚੈੱਕ ਕਰਵਾ ਲੈਣਗੇ।
ਉਹ ਗੁਰਦੁਆਰਾ ਸਾਹਿਬ ਦੇ ਨੇੜੇ ਖਿਡੌਣੇ ਵੇਚਦੇ ਹਨ, ਉਥੇ ਵੀ ਕੰਮ ਬੰਦ ਹੋ ਗਿਆ। ਅਜਿਹੇ ਵਿੱਚ ਨਾ ਤਾਂ ਉਨ੍ਹਾਂ ਕੋਲੋਂ ਇੰਨਾ ਬਿੱਲ ਭਰਿਆ ਜਾ ਸਕਦਾ ਹ ਅਤੇ ਨਾ ਪਾਵਰਕਾਮ ਨੇ ਉਸ ਨੂੰ ਠੀਕ ਕੀਤਾ। ਇਸ ਕਾਰਨ ਉਹ ਹੁਣ ਦੂਜੇ ਦੇ ਘਰ ਸੌਣ ਜਾਂਦੇ ਹਨ। ਉਨ੍ਹਾਂ ਦੀ ਬਾਰ੍ਹਵੀਂ ਪਾਸ ਧੀ ਨੂੰ ਵੀ ਕਿਸੇ ਹੋਰ ਦੇ ਘਰ ਵਿੱਚ ਰਹਿਣਾ ਪੈਂਦਾ ਹੈ।
ਜਦੋਂ ਪਰਿਵਾਰ ਦੀ ਪ੍ਰੇਸ਼ਾਨੀ ਦਾ ਪਤਾ ਲੱਗਾ ਤਾਂ ਉਸ ਸਮੇਂ ਅਕਾਲੀ ਦਲ ਦੇ ਆਦਮਪੁਰ ਤੋਂ ਵਿਧਾਇਕ ਪਵਨ ਟੀਨੂੰ ਉਨ੍ਹਾਂ ਦੇ ਘਰ ਪਹੁੰਚੇ। ਟੀਨੂੰ ਨੇ ਕਿਹਾ ਕਿ ਐਕਸੀਐਨ ਨੇ ਫੋਨ ‘ਤੇ ਕਿਹਾ ਕਿ ਇਹ ਸਰਕਾਰ ਦਾ ਹੁਕਮ ਹੈ, ਜੋ ਬਿੱਲ ਨਹੀਂ ਦਿੰਦੇ, ਉਨ੍ਹਾਂ ਦਾ ਕੁਨੈਕਸ਼ਨ ਕੱਟ ਦਿਓ। ਹੁਣ ਉਹ ਕਹਿ ਰਹੇ ਹਨ ਕਿ ਜੇ ਤੁਸੀਂ ਬਿੱਲ ਨੂੰ ਜੁਰਮਾਨੇ ਨਾਲ ਅਦਾ ਕਰਦੇ ਹੋ, ਤਾਂ ਅਸੀਂ ਕੁਨੈਕਸ਼ਨ ਜੋੜਾਂਗੇ।
ਇਹ ਵੀ ਪੜ੍ਹੋ : ਬਿਜਲੀ ਸੰਕਟ ‘ਤੇ ਸੁਖਬੀਰ ਬਾਦਲ ਨੇ ਘੇਰੀ ਕੈਪਟਨ ਸਰਕਾਰ, ਕਿਹਾ-ਨਵੇਂ ਥਰਮਲ ਪਲਾਂਟ ਲਾਉਣੇ ਤਾਂ ਦੂਰ ਪਹਿਲੇ ਵੀ ਕਰ ‘ਤੇ ਬੰਦ
ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਸਰਕਾਰ ਨੂੰ ਅਜਿਹੇ ਲੋੜਵੰਦ ਪਰਿਵਾਰਾਂ ‘ਤੇ ਤਰਸ ਖਾਣਾ ਚਾਹੀਦਾ ਹੈ। ਮਜਬੂਰ ਲੋਕਾਂ ਨੂੰ ਇਸ ਤਰ੍ਹਾਂ ਪ੍ਰੇਸ਼ਾਨ ਕਰਨਾ ਮਨੁੱਖਤਾ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਨਵਜੋਤ ਸਿੱਧੂ ਦੇ ਘਰ 25 ਏ.ਸੀ ਟੱਸਜੇ ਹਨ ਅਤੇ 17 ਲੱਖ ਤੋਂ ਵੱਧ ਦਾ ਬਿੱਲ ਪੈਂਡਿੰਗ ਹੈ, ਫਿਰ ਵੀ ਕੁਨੈਕਸ਼ਨ ਨਹੀਂ ਕੱਟਿਆ ਗਿਆ। ਇਕ ਵਿਭਾਗ ਵਿਚ ਇਕ ਰਾਜ ਵਿਚ ਦੋ ਕਾਨੂੰਨ ਕਿਉਂ ਹੁੰਦੇ ਹਨ? ਉਨ੍ਹਾਂ ਭਰੋਸਾ ਦਿਵਾਇਆ ਕਿ ਉਹ ਪੀੜਤ ਪਰਿਵਾਰ ਦੀ ਮਦਦ ਕਰਨਗੇ।
