If corona occurs after the first dose : ਨਵੀਂ ਦਿੱਲੀ: ਦੁਨੀਆ ਭਰ ਦੇ ਮਾਹਰ ਵਾਰ-ਵਾਰ ਇਸ ਗੱਲ ‘ਤੇ ਜ਼ੋਰ ਦੇ ਰਹੇ ਹਨ ਕਿ ਤੇਜ਼ ਟੀਕਾਕਰਨ ਕੋਰੋਨਾ ਦੀ ਦੂਜੀ ਲਹਿਰ ਨਾਲ ਨਜਿੱਠਣ ਦਾ ਅਸਰਦਾਰ ਤਰੀਕਾ ਹੈ। ਦੂਜੇ ਪਾਸੇ ਬਹੁਤਿਆਂ ਦੇ ਮਨ ਵਿਚ ਇਹ ਸਵਾਲ ਵੀ ਹੈ ਕਿ ਜੇ ਉਹ ਕੋਵਿਡ ਟੀਕੇ ਦੀ ਪਹਿਲੀ ਖੁਰਾਕ ਲੈਣ ਤੋਂ ਬਾਅਦ ਪਾਜ਼ੀਟਿਵ ਪਾਏ ਜਾਂਦੇ ਹਨ, ਤਾਂ ਕੀ ਦੂਜੀ ਖੁਰਾਕ ਲੈਣੀ ਚਾਹੀਦੀ ਹੈ।
ਇਨ੍ਹਾਂ ਮੁੱਦਿਆਂ ‘ਤੇ ਏਮਜ਼ ਦਿੱਲੀ ਦੇ ਡਾਇਰੈਕਟਰ ਰਣਦੀਪ ਗੁਲੇਰੀਆ ਨੇ ਦੱਸਿਆ ਕਿ ਟੀਕਾ ਲੈਣ ਦਾ ਜੋ ਪੂਰਾ ਸ਼ੈਡਿਊਲ ਹੁੰਦਾ ਹੈ ਉਸ ਦੀ ਪੂਰੀ ਤਰ੍ਹਾਂ ਪਾਲਣਾ ਕਰਨੀ ਚਾਹੀਦੀ ਹੈ। ਰਣਦੀਪ ਗੁਲੇਰੀਆ ਨੇ ਕਿਹਾ, “ਟੀਕਾ ਲੈਣ ਦੇ ਪੂਰੇ ਸ਼ੈਡਿਊਲ ਦੀ ਪੂਰੀ ਪਾਲਣਾ ਕੀਤੀ ਜਾਣੀ ਚਾਹੀਦੀ ਹੈ। ਜੇ ਪਹਿਲੀ ਖੁਰਾਕ ਤੋਂ ਬਾਅਦ ਕੋਰੋਨਾ ਹੋ ਜਾਂਦਾ ਹੈ, ਤਾਂ ਦੂਜੀ ਖੁਰਾਕ ਲੈਣੀ ਚਾਹੀਦੀ ਹੈ। ਜੇ ਕੋਈ ਇਨਫੈਕਸ਼ਨ ਹੋ ਜਾਂਦੀ ਹੈ, ਤਾਂ ਵੀ ਟੀਕਾ ਲਗਵਾਉਣਾ ਬਹੁਤ ਜ਼ਰੂਰੀ ਹੈ। ” ਜਦੋਂ ਉਨ੍ਹਾਂ ਨੂੰ ਇਹ ਪੁੱਛਿਆ ਗਿਆ ਕਿ ਕੀ ਵਾਇਰਸ ਦੁਬਾਰਾ ਮਿਊਟੇਟ ਹੁੰਦਾ ਹੈ ਤਾਂ ਵੈਕਸੀਨ ਉਸ ’ਤੇ ਅਸਰਦਾਰ ਹੋਵੇਗੀ, ਤਾਂ ਉਨ੍ਹਾਂ ਕਿਹਾ ਕਿ “ਵੈਕਸੂਨ ਨੂੰ ਲੈ ਕੇ ਜੋ ਆਈਸੀਐਮਆਰ ਦਾ ਡੇਟਾ ਹੈ ਉਸ ਨੇ ਦਿਖਾਇਆ ਹੈ ਕਿ ਜੋ ਵੇਰੀਏਂਟ ਇਸ ਵੇਲੇ ਹੈ ਉਨ੍ਹਾਂ ’ਤੇ ਵੈਕਸੀਨ ਅਸਰਦਾਰ ਹੈ, ਪਰ ਕੋਰੋਨਾ ਦੇ ਬਾਰੇ ਵਿਚ ਜੋ ਪ੍ਰੋਟੋਕੋਲ ਆ ਰਿਹਾ ਹੈ ਉਹ ਬਹੁਤ ਮਹੱਤਵਪੂਰਨ ਹੈ। ਆਉਣ ਵਾਲੇ ਸਮੇਂ ਵਿੱਚ ਅਜਿਹੇ ਵੇਰੀਏਂਟ ਸਾਹਮਣੇ ਆ ਸਕਦੇ ਹਨ ਜੋ ਟੀਕੇ ਦੇ ਅਸਰ ਨੂੰ ਘੱਟ ਕਰ ਦੇਣ।। ਅਜਿਹੀ ਸਥਿਤੀ ਵਿੱਚ ਨਿਰੰਤਰ ਵੈਕਸੀਨ ਨੂੰ ਹੋਰ ਡਿਵੈਲਪ ਕਰਨ ਅਤੇ ਕੋਰੋਨਾ ਪ੍ਰੋਟੋਕੋਲ ਦੀ ਪਾਲਣਾ ਕਰਨਾ ਲਗਾਤਾਰ ਜ਼ਰੂਰੀ ਹੈ।”
ਦੇਸ਼ ਵਿੱਚ ਕੋਰੋਨਾ ਦੀ ਦੂਜੀ ਲਹਿਰ ਨੂੰ ਲੈ ਕੇ ਰਣਦੀਪ ਗੁਲੇਰੀਆ ਨੇ ਕਿਹਾ ਕਿ ਹੁਣ ਕੁਝ ਕਹਿਣਾ ਮੁਸ਼ਕਲ ਹੈ ਪਰ ਜੇ ਅਸੀਂ ਕੁਝ ਹੱਦ ਤੱਕ ਵੇਖੀਏ ਤਾਂ ਕਈ ਥਾਵਾਂ ਤੋਂ ਖ਼ਬਰਾਂ ਆ ਰਹੀਆਂ ਹਨ ਕਿ ਕੇਸ ਸਥਿਰ ਹੋ ਰਹੇ ਹਨ, ਹੁਣ ਕੁਝ ਖੇਤਰਾਂ ਦੀ ਗੱਲ ਕਰੀਏ, ਸ਼ਾਇਦ ਅਗਲੇ ਹਫ਼ਤੇ ਜਾਂ 15 ਮਈ ਤੱਕ, ਕੁਝ ਖੇਤਰਾਂ ਵਿੱਚ ਸ਼ਾਇਦ ਘੱਟ ਹੋਣਾ ਸ਼ੁਰੂ ਹੋ ਜਾਣ। ਉਨ੍ਹਾਂ ਕਿਹਾ ਕਿ ਭਾਰਤ ਵਿਚ ਸਿਖਰ ਵੱਖ-ਵੱਖ ਹਿੱਸਿਆਂ ਵਿਚ ਵੱਖੋ-ਵੱਖਰੇ ਸਮੇਂ ਆਵੇਗਾ, ਮਹਾਰਾਸ਼ਟਰ ਵਿਚ ਚੋਟੀ ਲਗਭਗ ਆ ਰਹੀ ਹੈ ਜਾਂ ਆ ਗਈ ਹੈ ਅਤੇ ਉਥੇ ਕੇਸ ਘਟਣੇ ਸ਼ੁਰੂ ਹੋ ਜਾਣਗੇ। ਮੱਧ ਭਾਰਤ ਅਤੇ ਦਿੱਲੀ ਵਿਚ ਵੀ ਅਸੀਂ ਸ਼ਾਇਦ 15 ਮਈ ਤੱਕ ਘੱਟ ਹੁੰਦੇ ਦੇਖਾਂਗੇ। ਮਈ ਤੱਕ ਕੇਸ ਘਟਦੇ ਦਿਖਾਈ ਦੇਣਗੇ, ਹੋ ਸਕਦਾ ਹੈ ਕਿ ਇਸਦੇ ਬਾਅਦ ਬੰਗਾਲ ਅਤੇ ਉੱਤਰ ਪੂਰਬ ਵਿੱਚ ਵੀ ਕੇਸ ਘਟਣੇ ਸ਼ੁਰੂ ਹੋ ਜਾਣ। ਮਹਾਰਾਸ਼ਟਰ ਅਤੇ ਪੱਛਮੀ ਭਾਰਤ ਵਿੱਚ ਪਹਿਲਾਂ ਜ਼ਿਆਦਾ ਕੇਸ ਸਾਹਮਣੇ ਆਏ ਹਨ, ਹੁਣ ਇਹੀ ਸਥਿਤੀ ਮੱਧ ਭਾਰਤ ਵਿੱਚ ਹੈ, ਬੰਗਾਲ ਅਤੇ ਅਸਾਮ ਵਿੱਚ ਕੇਸ ਵਧਣੇ ਸ਼ੁਰੂ ਹੋ ਗਏ ਹਨ, ਹੋਲੀ-ਹੌਲੀ ਘਟਣੇ ਸ਼ੁਰੂ ਹੋ ਜਾਣਗੇ।
ਗੁਲੇਰੀਆ ਨੇ ਕਿਹਾ, “ਇਸ ਵਾਰ ਇਹ ਇਨਫੈਕਸ਼ਨ ਵਧੇਰੇ ਹੈ ਅਤੇ ਜੇ ਇੱਕ ਪਰਿਵਾਰ ਵਿੱਚ ਇੱਕ ਵਿਅਕਤੀ ਇਨਫੈਕਟਿਡ ਹੁੰਦਾ ਹੈ ਤਾਂ ਪੂਰਾ ਪਰਿਵਾਰ ਇਸ ਦੀ ਲਪੇਟ ਵਿੱਚ ਆ ਰਿਹਾ ਹੈ, ਜਦਕਿ ਪਹਿਲੀ ਲਹਿਰ ਵਿਚ ਅਜਿਹਾ ਨਹੀਂ ਸੀ ਪਰ ਇਸ ਵਾਰ ਹੋ ਰਿਹਾ ਹੈ, ਇਸੇ ਕਰਕੇ ਕੇਸ ਤੇਜ਼ੀ ਨਾਲ ਵਧ ਰਹੇ ਹਨ ਅਤੇ ਸਿਹਤ ਦੇ ਬੁਨਿਆਦੀ ਢਾਂਚੇ ‘ਤੇ ਦਬਾਅ ਵਧਿਆ ਹੈ ਜਿਸ ਕਾਰਨ ਲੋਕਾਂ ਵਿੱਚ ਦਹਿਸ਼ਤ ਵਧੀ ਹੈ ਅਤੇ ਬਹੁਤੇ ਲੋਕ ਬੇਲੋੜੇ ਹਸਪਤਾਲਾਂ ਵਿੱਚ ਦਾਖਲ ਹੋਏ ਸਨ। ਘਬਰਾਹਟ ਦੇ ਕਾਰਨ ਬਹੁਤ ਸਾਰੇ ਲੋਕ ਹਸਪਤਾਲਾਂ ਵਿੱਚ ਦਾਖਲ ਹੋਏ, ਇੱਥੋਂ ਤੱਕ ਕਿ ਜਿਨ੍ਹਾਂ ਨੂੰ ਹਸਪਤਾਲ ਜਾਣ ਦੀ ਜ਼ਰੂਰਤ ਨਹੀਂ ਸੀ, ਜਿਸ ਕਰਕੇ ਜਿਨ੍ਹਾਂ ਨੂੰ ਅਸਲ ਵਿੱਚ ਲੋੜ ਸੀ, ਉਨ੍ਹਾਂ ਨੂੰ ਬੈੱਡ ਨਹੀਂ ਮਿਲ ਸਕੇ।
