Jasleen married Anup Jalota:ਬਿੱਗ ਬੌਸ ਦੀ ਐਕਸ ਕੰਟੈਸਟੈਂਟ ਜਸਲੀਨ ਮਥਾਰੂ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਨ੍ਹਾਂ ਦੀਆਂ ਬੋਲਡ ਤਸਵੀਰਾਂ ਅਤੇ ਵੀਡੀਓਜ਼ ਅਕਸਰ ਹੀ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ। ਉਨ੍ਹਾਂ ਦਾ ਇਹ ਖਾਸ ਅੰਦਾਜ਼ ਉਨ੍ਹਾਂ ਦੇ ਫੈਨਜ਼ ਨੂੰ ਬੇਹੱਦ ਪਸੰਦ ਆਉਂਦਾ ਹੈ। ਇਨੀਂ ਦਿਨੀਂ ਜਸਲੀਨ ਮਥਾਰੂ ਸੁਰਖੀਆਂ ਵਿੱਚ ਆਈ ਹੋਈ ਹੈ। ਵਜ੍ਹਾ ਹੈ ਉਨ੍ਹਾਂ ਦਾ ਨਾਈਟ ਗੈਟਅਪ।ਜਸਲੀਨ ਮਥਾਰੂ ਨੇ ਇੰਸਟਾ ‘ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ ਜਿਸ ਵਿੱਚ ਉਹ ਨਾਈਟ ਡ੍ਰੈੱਸ ਦੇ ਨਾਲ ਹੱਥਾਂ ਵਿੱਚ ਲਾਲ ਚੂੜਾ ਪਾਏ ਅਤੇ ਮੱਥੇ ‘ਤੇ ਸੰਧੂਰ ਲਗਾਏ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ ‘ਤੇ ਕੁਮੈਂਟ ਕਰ ਲੋਕ ਕਿਆਸ ਲਗਾ ਰਹੇ ਹਨ ਕਿ ਜਸਲੀਨ ਮਥਾਰੂ ਨੇ ਲਾਕਡਾਊਨ ਵਿੱਚ ਬਿਨਾਂ ਕਿਸੇ ਨੂੰ ਦੱਸੇ ਵਿਆਹ ਕਰਾ ਲਿਆ ਹੈ। ਨਾਲ ਹੀ ਕਮੈਂਟ ਕਰ ਲੋਕ ਉਨ੍ਹਾਂ ਨੂੰ ਉਨ੍ਹਾਂ ਦੇ ਪਤੀ ਦਾ ਨਾਮ ਵੀ ਪੁੱਛ ਰਹੇ ਹਨ ਅਤੇ ਵਿਆਹ ਦੀਆਂ ਵਧਾਈਆਂ ਦੇ ਰਹੇ ਹਨ।
ਉੱਥੇ ਹੀ ਕੁਝ ਯੂਜ਼ਰਸ ਸੋਸ਼ਲ ਮੀਡੀਆ ‘ਤੇ ਜਸਲੀਨ ਤੋਂ ਸਵਾਲ ਕਰ ਰਹੇ ਹਨ ਕਿ ਕੀ ਤੁਸੀਂ ਅਨੂਪ ਜਲੋਟਾ ਨਾਲ ਵਿਆਹ ਕਰ ਲਿਆ ਹੈ ? ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਜਸਲੀਨ ਨੇ ਕੈਪਸ਼ਨ ਵਿੱਚ ਲਿਖਿਆ – ‘ਚੁਪਕੇ ਸੇ’। ਇਸ ਵੀਡੀਓ ਨੂੰ ਹੁਣ ਤੱਕ ਦੋ ਲੱਖ ਤੋਂ ਜ਼ਿਆਦਾ ਲੋਕ ਦੇਖ ਚੁੱਕੇ ਹਨ ਅਤੇ ਕਮੈਂਟ ਕਰ ਅਲੱਗ ਅਲੱਗ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਵੀਡੀਓ ਵਿੱਚ ਜਸਮੀਨ ਗਾਣਾ ਗਾਉਂਦੇ ਤੇ ਡਾਂਸ ਕਰਦੇ ਨਜ਼ਰ ਆ ਰਹੀ ਹੈ।
ਹਾਲਾਂਕਿ ਜਸਲੀਨ ਨੇ ਅਜਿਹਾ ਸਿਰਫ ਬ੍ਰਾਈਡਲ ਫੀਲ ਦੇ ਲਈ ਕੀਤਾ ਹੈ। ਜਸਲੀਨ ਨੇ ਵਿਆਹ ਨਹੀਂ ਕੀਤਾ ਹੈ। ਇਸ ਗੱਲ ਦੀ ਜਾਣਕਾਰੀ ਉਨ੍ਹਾਂ ਨੇ ਆਪ ਦਿੱਤੀ ਹੈ। ਜਸਲੀਨ ਨੇ ਕਿਹਾ ਕਿ ਮੈਂ ਸਾਥੀਆਂ ਫਿਲਮ ਦਾ ਗਾਣਾ ਸੁਣ ਰਹੀ ਸੀ। ਗੀਤ ਨੂੰ ਸੁਣ ਕੇ ਮੈਂ ਵਿਆਹ ਦੀ ਫੀਲ ਨੂੰ ਮਹਿਸੂਸ ਕਰਨ ਲੱਗੀ। ਜਸਲੀਨ ਨੇ ਅੱਗੇ ਕਿਹਾ ਕਿ ਮੈਂ ਇਹ ਵੀਡੀਓ ਨੂੰ ਸੋਚ ਕੇ ਬਣਾਇਆ ਹੈ। ਮੈਂ ਵਿਆਹ ਦੀ ਰਾਤ ਨੂੰ ਕੁਝ ਅਜਿਹਾ ਹੀ ਪਲਾਨ ਕਰਾਂਗੀ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦੱਸ ਦੇਈਏ ਕਿ ਜਸਲੀਨ ਅਨੂਪ ਜਲੋਟਾ ਨਾਲ ਬਿੱਗ ਬੌਸ 12 ਵਿੱਚ ਜੋੜੀ ਬਣਾ ਕੇ ਆਈ ਸੀ। ਦੋਨਾਂ ਦੀ ਇਹ ਜੋੜੀ ਉਸ ਸਮੇਂ ਕਾਫ਼ੀ ਚਰਚਾ ਵਿੱਚ ਰਹੀ ਸੀ।
ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦੱਸ ਦੇਈਏ ਕਿ ਜਸਲੀਨ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਇਸ ਦੇ ਜ਼ਰੀਏ ਹੀ ਉਹ ਆਪਣੇ ਫੈਨਜ਼ ਨੂੰ ਆਪਣੇ ਬਾਰੇ ਹਰ ਇੱਕ ਅਪਡੇਟ ਦਿੰਦੀ ਰਹਿੰਦੀ ਹੈ। ਜਸਲੀਨ ਦੀ ਫੈਨ ਫਾਲੋਇੰਗ ਸੋਸ਼ਲ ਮੀਡੀਆ ‘ਤੇ ਕਾਫੀ ਜ਼ਿਅਾਦਾ ਹੈ।
