Kangna Ranaut Reveals Truth: ਬਾਲੀਵੁੱਡ ‘QUEEN’ ਕੰਗਨਾ ਰਨੌਤ ਨੇ ਮਨੋਰੰਜਨ ਜਗਤ ‘ਚ ਇੱਕ ਵੱਖਰੀ ਪਹਿਚਾਣ ਬਣਾਈ ਹੈ। ਉਹ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਅਦਾਕਾਰਾ ‘ਚੋਂ ਇੱਕ ਹੈ। ਖੂਬਸੂਰਤ ਕੰਗਨਾ ਆਪਣੇ ਚੁਲਬੁਲੇ ਮਿਜਾਜ ਤੇ ਆਪਣੇ ਸਪਸ਼ਟ ਬਿਆਨਾਂ ਨੂੰ ਲੈ ਕੇ ਚਰਚਾ ‘ਚ ਰਹਿੰਦੀ ਹੈ। ਜੀ ਹਾਂ ਥਿਏਟਰ ਡਾਇਰੈਕਟਰ ਅਰਵਿੰਦ ਗੌੜ ਤੋਂ ਟ੍ਰੇਨਿੰਗ ਲੈਣ ਤੋਂ ਬਾਅਦ ਕੰਗਨਾ ਨੇ ਸਾਲ 2006 ਦੀ ਥ੍ਰਿਲਰ ਫਿਲਮ ‘ਗੈਂਗਸਟਰ’ ਦੇ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ।‘ਗੈਂਗਸਟਰ’ ਦੇ ਲਈ ਉਹਨਾਂ ਬੈਸਟ ਡੈਬਿਊ ਐਕਟਰਸ ਦੇ ਲਈ ਫਿਲਮਫੇਅਰ ਅਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਹਾਲ ਹੀ ‘ਚ ਕੰਗਨਾ ਨੇ ਇਸ ਖ਼ਾਸ ਦਿਨ ਨੂੰ ਫਿਲਮ ਇੰਡਸਟਰੀ ‘ਚ ਆਪਣੇ ਸੁਨਹਿਰੇ ਸਫ਼ਰ ਦੀ ਸ਼ੁਰੂਆਤ ਦੇ ਦਿਨਾਂ ‘ਚੋਂ ਇਕ ਦੱਸਿਆ ਹੈ।
ਜ਼ਿਕਰਯੋਗ ਹੈ ਕਿ ਉਸ ਦੌਰ ‘ਚ ਕੰਗਨਾ ਕੋਲ ਇੰਨੇ ਘੱਟ ਪੈਸੇ ਸਨ ਕਿ ਉਹ ਇਸ ਫਿਲਮ ਲਈ ਮਿਲੇ ਬੈਸਟ ਐਕਟਰੈੱਸ ਦਾ ਐਵਾਰਡ ਲੈਣ ਜਾਣ ‘ਚ ਵੀ ਅਸਮਰੱਥ ਸੀ। ਕੰਗਨਾ ਨੇ ਆਪਣੀ ਬਾਲੀਵੁੱਡ ਡੈਬਿਊ ਦੇ 14 ਸਾਲ ਪੂਰੇ ਹੋਣ ‘ਤੇ ਖ਼ੁਲਾਸਾ ਕੀਤਾ ਹੈ ਕਿ ਉਸ ਦੀ ਕਿਹੜੀ ਤਸਵੀਰ ਦੀ ਵਜ੍ਹਾ ਨਾਲ ਫਿਲਮਸਾਜ਼ ਨੇ ਉਸ ਨੂੰ ਆਡੀਸ਼ਨ ਲਈ ਚੁਣਿਆ ਸੀ। ਕੰਗਨਾ ਨੇ ਇਸ ਫਿਲਮ ਨਾਲ ਜੁੜੀ ਆਪਣੀ ਇਕ ਲੁਕ ਦੀ ਤਸਵੀਰ ਜਨਤਕ ਕੀਤੀ ਹੈ ਜਿਸ ਨਾਲ ਉਸ ਨੇ ਲਿਖਿਆ ਕਿ ‘ਕੰਗਨਾ ਰਨੌਤ ਦੀ ਬਾਲੀਵੁੱਡ ਡੈਬਿਊ ਫਿਲਮ ‘ਗੈਂਗਸਟਰ’ ਦੀ ਰਿਲੀਜ਼ ਦੇ 14 ਸਾਲ ਪੂਰੇ ਹੋਣ ‘ਤੇ ਪੋਰਟਫੋਲੀਓ ਦੀ ਤਸਵੀਰ ਵੇਖੋ।
ਇਸੇ ਤਸਵੀਰ ਦੇ ਆਧਾਰ ‘ਤੇ ਅਨੁਰਾਗ ਬਾਸੂ ਨੇ ਮੈਨੂੰ ਮੁੱਖ ਰੋਲ ਲਈ ਫਾਈਨਲ ਕੀਤਾ ਸੀ।’ਕੰਗਨਾ ਨੇ ਕਿਹਾ ਕਿ ‘ਮੈਨੂੰ ਕੋਈ ਵਿਸ਼ਵਾਸ ਨਹੀਂ ਸੀ ਕਿ ਮੈਨੂੰ ਇਸ ਫਿਲਮ ‘ਚ ਵਿਖਾਈ ਅਦਾਕਾਰੀ ਲਈ ਬੈਸਟ ਐਕਟਰੈੱਸ ਦਾ ਐਵਾਰਡ ਮਿਲੇਗਾ। ਜਦੋਂ ਟੀਮ ਇਸ ਐਵਾਰਡ ਫੈਸਟੀਵਲ ‘ਚ ਸ਼ਾਮਲ ਹੋਣ ਲਈ ਜਾ ਰਹੀ ਸੀ ਤਦ ਉਨ੍ਹਾਂ ਨੇ ਮੈਨੂੰ ਵੀ ਉੱਥੇ ਜਾਣ ਬਾਰੇ ਬਣਾਈ ਮੇਰੀ ਯੋਜਨਾ ਬਾਰੇ ਪੁੱਛਿਆ ਸੀ। ਮੈਨੂੰ ਨਹੀਂ ਪਤਾ ਸੀ ਕਿ ਮੈਂ ਸਿੰਗਾਪੁਰ ਕਿਵੇਂ ਜਾਵਾਂਗੀ, ਕਿੱਥੇ ਰਹਾਂਗੀ ਅਤੇ ਖ਼ਰਚੇ ਕਰ ਕੇ ਮੈਂ ਘਬਰਾਈ ਹੋਈ ਸੀ। ਮੈਂ ਉਹ ਮਹੱਤਵਪੂਰਨ ਮੌਕਾ ਗੁਆ ਦਿੱਤਾ ਸੀ। ਫਿਰ ਮੇਰੀ ਜਗ੍ਹਾ ਕਿਸੇ ਹੋਰ ਨੇ ਉਹ ਐਵਾਰਡ ਲਿਆ ਸੀ।’ ਜ਼ਿਕਰਯੋਗ ਹੈ ਕਿ ਇਸ ਤੋਂ ਬਾਅਦ ਉਹਨਾਂ ‘ਵੋ ਲਮਹੇ’, ‘ਲਾਈਫ ਇੰਨ ਮੈਟਰੋ’, ‘ਫੈਸ਼ਨ’ ਜਿਹੀ ਫਿਲਮਾਂ ‘ਚ ਕੰਮ ਕਰ ਕੇ ਆਪਣੀ ਅਦਾਕਾਰੀ ਦਾ ਲੋਹਾ ਮਨਵਾਇਆ।
