Lakha Sidhana came out again : ਦਿੱਲੀ ’ਚ 26 ਜਨਵਰੀ ਨੂੰ ਦਿੱਲੀ ਵਿੱਚ ਹਿੰਸਾ ਦੇ ਦੋਸ਼ੀ ਲੱਖਾ ਸਿਧਾਨਾ ਨੇ ਸ਼ੁੱਕਰਵਾਰ ਦੇਰ ਰਾਤ ਇੱਕ ਵੀਡੀਓ ਅਪਲੋਡ ਕਰਕੇ ਕਿਸਾਨੀ ਅੰਦੋਲਨ ਅਤੇ ਪੰਜਾਬੀ ਭਾਸ਼ਾ ਬਾਰੇ ਗੱਲ ਕੀਤੀ। ਦਿੱਲੀ ਪੁਲਿਸ ਨੇ ਸਿਧਾਨਾ ‘ਤੇ ਇਕ ਲੱਖ ਦਾ ਇਨਾਮ ਦੇਣ ਦਾ ਐਲਾਨ ਕੀਤਾ ਹੈ ਪਰ ਉਹ ਅਜੇ ਪੁਲਿਸ ਦੇ ਹੱਥ ਨਹੀਂ ਆਇਆ ਹੈ। ਸਿਧਾਨਾ ਨੇ ਪੰਜਾਬ ਦੇ ਨੌਜਵਾਨਾਂ ਨੂੰ ਪੰਜਾਬੀ ਬੋਲੀ ਅਪਣਾਉਣ ਦੀ ਗੱਲ ਕਹੀ।
ਵੀਡੀਓ ਵਿੱਚ, ਸਿਧਾਨਾ ਨੇ ਪੰਜਾਬ ਦੇ ਕਿਸਾਨਾਂ ਨੂੰ ਕਿਸਾਨੀ ਅੰਦੋਲਨ ਦੀ ਮੁੜ ਤੋਂ ਵਾਗਡੋਰ ਆਪਣੇ ਹੱਥ ਵਿੱਚ ਲੈਣ ਦੀ ਅਪੀਲ ਕੀਤੀ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਪੰਜਾਬ ਦੇ ਕਿਸਾਨਾਂ ਨੂੰ 23 ਫਰਵਰੀ ਨੂੰ ਬਠਿੰਡਾ ਦੇ ਪਿੰਡ ਮਹਾਰਾਜ ਵਿਖੇ ਕੀਤੀ ਗਈ ਰੈਲੀ ਵਿਚ ਸਰਗਰਮੀ ਨਾਲ ਹਿੱਸਾ ਲੈਣ ਲਈ ਕਿਹਾ।
ਪੰਜਾਬ ਦੇ ਕਿਸਾਨਾਂ ਵੱਲੋਂ ਬਣਾਈ ਗਈ ਕਈ ਜਥੇਬੰਦੀਆਂ ਦੀ ‘ਤਿਆਰ ਕਮੇਟੀ’ 23 ਫਰਵਰੀ ਨੂੰ ਮਹਿਰਾਜ ਵਿੱਚ ਰੈਲੀ ਕਰੇਗੀ। ਦੱਸ ਦਈਏ ਕਿ ਮਹਿਰਾਜ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦਾ ਜੱਦੀ ਪਿੰਡ ਹੈ। ਵੀਡੀਓ ਵਿਚ ਸਿਧਾਣਾ ਨੇ ਕਿਹਾ ਇਕ ਪੰਜਾਬੀ ਹੋਣ ’ਤੇ ਮਾਣ ਕਰੋ। ਆਪਣੀ ਮਾਂ ਬੋਲੀ ਅਪਣਾਓ। ਸਿਧਾਨਾ ਨੇ ਕਿਹਾ ਕਿ ਇਸ ਸਮੇਂ ਨਾ ਤਾਂ ਦੀਪ ਸਿੱਧੂ ਮਹੱਤਵਪੂਰਨ ਹੈ ਅਤੇ ਨਾ ਹੀ ਲੱਖਾ ਸਿਧਾਣਾ ਮਹੱਤਵਪੂਰਨ ਹੈ। ਸਿਰਫ ਕਿਸਾਨੀ ਅੰਦੋਲਨ ਮਹੱਤਵਪੂਰਨ ਹੈ।
ਦਿੱਲੀ ਹਿੰਸਾ ਦੇ ਦੋਸ਼ੀ ਨੇ ਕਿਹਾ ਕਿ ਅਸੀਂ ਸੱਤ ਮਹੀਨੇ ਤੋਂ ਲੜ ਰਹੇ ਹਾਂ ਪਰ 26 ਜਨਵਰੀ ਤੋਂ ਬਾਅਦ ਇਹ ਅੰਦੋਲਨ ਪੰਜਾਬ ਦੇ ਹੱਥੋਂ ਬਾਹਰ ਆ ਗਿਆ ਹੈ। ਹੁਣ ਸਮਾਂ ਆ ਗਿਆ ਹੈ ਕਿ ਪੰਜਾਬ ਇਸ ਅੰਦੋਲਨ ਨੂੰ ਵਾਪਸ ਆਪਣੇ ਹੱਥਾਂ ਵਿਚ ਲਈਏ। ਉਸ ਨੇ ਕਿਹਾ ਕਿ ਪੰਜਾਬ ਦਾ ਨੌਜਵਾਨ ਨਿਰਾਸ਼ ਹੋ ਗਿਆ ਹੈ, ਪਰ ਅਜਿਹਾ ਨਹੀਂ ਹੈ। ਉਸ ਨੇ ਕਿਸਾਨ ਨੇਤਾਵਾਂ ਨੂੰ ਆਪਸ ਵਿੱਚ ਨਾ ਲੜਨ ਲਈ ਕਿਹਾ। ਸਿਧਾਨਾ ਨੇ ਕਿਹਾ ਕਿ 21 ਫਰਵਰੀ ਨੂੰ ਮਾਂ ਬੋਲੀ ਦਿਵਸ ‘ਤੇ ਆਪਣੀ ਜ਼ੁਬਾਨ ਨੂੰ ਬਚਾਓ। ਹਰ ਭਾਸ਼ਾ ਸਿੱਖੋ ਪਰ ਆਪਣੀ ਬੋਲੀ ਨੂੰ ਨਾ ਭੁੱਲੋ।
