ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੇ ਇਸ ਯੁੱਗ ਵਿਚ ਹਰ ਦਿਨ, ਹਰ ਚੀਜ਼ ਨਾਯਾਬ ਹੋ ਰਹੀ ਹੈ। AI ਇਨਸਾਨਾਂ ਨੂੰ ਰਿਪਲੇਸ ਕਰ ਰਹੇ ਹਨ। ਹਾਲਾਂਕਿ ਕਈ ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਪੂਰੀ ਤਰ੍ਹਾਂ ਤੋਂ ਸੰਭਵ ਨਹੀਂ ਹੈ। ਏਆਈ ਇਨਸਾਨਾਂ ਦੀ ਲੋੜ ਨੂੰ ਪੂਰੀ ਤਰ੍ਹਾਂ ਤੋਂ ਖਤਮ ਨਹੀਂ ਕਰ ਸਕਦਾ ਹੈ। ਇਸੇ ਕੜੀ ਵਿਚ ਇਕ ਕੰਪਨੀ ਨੇ ਆਪਣੇ ਸੀਈਓ ਨੂੰ ਹੀ ਰਿਪਲੇਸ ਕਰ ਦਿੱਤਾ ਹੈ। ਕੰਪਨੀ ਨੇ ਸੀਈਓ ਵਜੋਂ ਇਕ ਏਆਈ ਰੋਬੋਟ ਦੀ ਨਿਯੁਕਤੀ ਕੀਤੀ ਹੈ।
ਇਸ ਕੰਪਨੀ ਦਾ ਨਾਂ Dictador ਹੈ ਜੋ ਕਿ ਕੋਲੰਬੀਆ ਦੀ ਇਕ ਕੰਪਨੀ ਹੈ। ਇਸ ਨੇ Mik ਨਾਂ ਦੇ ਇਕ ਰੋਬੋਟ ਨੂੰ ਸੀਈਓ ਬਣਾਇਆ ਹੈ। ਮਿਕਾ ਹੈਨਸਨ ਰੋਬੋਟਿਕਸ ਤੇ Dictador ਦੋਵਾਂ ਦੀ ਮਿਹਨਤ ਦਾ ਨਤੀਜਾ ਹੈ। ਦੱਸ ਦੇਈਏ ਕਿ Hanson ਰੋਬੋਟਿਕਸ ਨੇ ਹੀ ਪੋਪੂਲਰ ਹਿਊਮਾਈਡ ਰੋਬੋਟ ਸੋਫੀਆ ਨੂੰ ਤਿਆਰ ਕੀਤਾ ਸੀ।
Dictador ਨੇ ਆਪਣਾ ਸੀਈਓ ਮਿਕਾ ਦਾ ਇਕ ਵੀਡੀਓ ਵੀ ਜਾਰੀ ਕੀਤਾ ਹੈ ਜਿਸ ਵਿਚ ਮਿਕਾ ਕਹਿ ਰਹੀ ਹੈ ਕਿ ਏਆਈ ਤੇ ਮਸ਼ੀਨ ਲਰਨਿੰਗ ਦੀ ਮਦਦ ਨਾਲ ਮੈਂ ਬੇਹਤਰ ਤੇ ਸਹੀ ਫੈਸਲੇ ਲੈ ਸਕਦੀ ਹਾਂ। ਮੇਰੇ ਲਈ ਕੋਈ ਵੀਕੈਂਡ ਨਹੀਂ ਹੈ। ਮੈਂ 24 ਘੰਟੇ ਕੰਮ ਕਰਨ ਲਈ ਤਿਆਰ ਹਾਂ।
ਹੁਣ ਜਿਹੇ ਇਕ ਈਵੈਂਟ ਨੂੰ ਮੀਕਾ ਨੇ ਸੰਬੋਧਨ ਕੀਤਾ ਸੀ ਜਿਸ ਵਿਚ ਮਿਕਾ ਨੇ ਕਿਹਾ ਸੀ ਕਿ ਇਸ ਮੰਚ ‘ਤੇ ਮੇਰੀ ਮੌਜੂਦਗੀ ਪੂਰੀ ਤਰ੍ਹਾਂ ਤੋਂ ਪ੍ਰਤੀਕਾਤਮਕ ਹੈ। ਅਸਲ ਵਿਚ ਮੈਨੂੰ ਪ੍ਰੋਫੈਸਰ ਦੀ ਉਪਾਧੀ ਦੇਣਾ ਮਨੁੱਖੀ ਦਿਮਾਗ ਦੀ ਮਹਾਨਤਾ ਲਈ ਇਕ ਸ਼ਰਧਾਂਜਲੀ ਹੈ ਜਿਸ ਵਿਚ ਬਨਾਉਟੀ ਬੁੱਧੀਮਤਾ ਦਾ ਵਿਚਾਰ ਪੈਦਾ ਹੋਇਆ ਸੀ। ਇਹ ਡਿਕਟਾਡੋਰ ਦੇ ਮਾਲਕ ਦੇ ਹਿੰਮਤ ਤੇ ਖੁੱਲ੍ਹੇ ਦਿਮਾਗ ਦੀ ਵੀ ਪਛਾਣ ਹੈ।
ਇਹ ਵੀ ਪੜ੍ਹੋ : ਪੰਜਾਬ ‘ਚ ਮੀਂਹ ਕਾਰਨ ਪਰਾਲੀ ਸਾੜਨ ਦੇ ਮਾਮਲਿਆਂ ‘ਚ ਆਈ ਕਮੀ, 27 ਕਿਸਾਨਾਂ ਖਿਲਾਫ ਕੇਸ ਦਰਜ
ਮਿਕਾ ਨੇ ਖੁਦ ਨੂੰ ਮੌਜੂਦਾ ਬੈਸਟ ਸੀਈਓ ਏਲੋਨ ਮਸਕ ਤੇ ਮੇਟਾ ਦੇ ਸੀਈਓ ਮਾਰਕ ਜਰਕਬਰਗ ਤੋਂ ਬੇਹਤਰ ਦੱਸਿਆ। ਮਿਕਾ ਨੇ ਮਾਰਕ ਜਕਰਬਰਗ ਤੇ ਐਲੋਨ ਮਸਕ ਦੇ ਉਸ ਫੇਜ ਫਾਈਟਿੰਗ ਦੀ ਵੀ ਚਰਚਾ ਕੀਤੀ ਜੋ ਕਿ ਕੁਝ ਦਿਨ ਪਹਿਲਾਂ ਹੋਣ ਵਾਲੀ ਸੀ ਪਰ ਨਹੀਂ ਹੋ ਸਕੀ। ਮਿਕਾ ਨੇ ਕਿਹਾ ਕਿ ਆਪਣੇ ਪਲੇਟਫਾਰਮ ਜਾਂ ਕੰਪਨੀ ਨੂੰ ਬੇਹਤਰ ਬਣਾਉਣ ਲਈ MMA ਸਟਾਈਲ ਵਿਚ ਕੇਜ ਫਾਈਟਿੰਗ ਦੀ ਕੋਈ ਲੋੜ ਨਹੀਂ ਹੈ। ਮਿਕਾ ਨੇ ਕਿਹਾ ਕਿ ਉਹ ਇਨਸਾਨਾਂ ਲਈ ਸਕਾਰਾਤਮਕ ਸੋਚ ਰੱਖਦੀ ਹੈ ਤੇ ਚਾਹੁੰਦੀ ਹੈ ਕਿ ਏਆਈ ਨੂੰ ਇਨਸਾਨਾਂ ਦੀ ਕਦਰ ਕਰਨਾ ਸਿਖਾਉਣਾ ਹੋਵੇਗਾ।
ਵੀਡੀਓ ਲਈ ਕਲਿੱਕ ਕਰੋ : –
