neha aditya lockdown together:ਇੰਡੀਅਨ ਆਈਡਲ 11 ਦੀ ਜੱਜ ਨੇਹਾ ਕੱਕੜ ਆਪਣੇ ਲੁੱਕ ਅਤੇ ਬੇਬਾਕੀ ਦੇ ਲਈ ਚਰਚਾ ਵਿੱਚ ਰਹਿੰਦੀ ਹੈ। ਨੇਹਾ ਇਸ ਤੋਂ ਪਹਿਲਾਂ ਆਪਣੇ ਅਫੇਅਰ ਨੂੰ ਲੈ ਕੇ ਚਰਚਾ ਵਿੱਚ ਰਹੀ ਸੀ। ਨੇਹਾ ਅਤੇ ਆਦਿੱਤਿਆ ਨਾਰਾਇਣ ਦੀਆਂ ਖ਼ਬਰਾਂ ਨੇ ਖੂਬ ਸੁਰਖੀਆਂ ਬਟੋਰੀਆਂ ਸਨ। ਨੇਹਾ ਕੱਕੜ ਅਤੇ ਅਦਿੱਤਿਆ ਨਾਰਾਇਣ ਨੇ ਇੰਡੀਅਨ ਆਈਡਲ ਦੇ ਸੈੱਟ ‘ਤੇ ਹੀ ਵਿਆਹ ਦਾ ਐਲਾਨ ਕੀਤਾ ਸੀ। ਇਸ ਤੋਂ ਬਾਅਦ ਆਦਿੱਤਿਆ ਦੇ ਪਿਤਾ ਉਦਿਤ ਨਾਰਾਇਣ ਵੀ ਸ਼ੋਅ ਵਿੱਚ ਪਹੁੰਚੇ ਸਨ। ਦੋਨਾਂ ਨੇ 14 ਫਰਵਰੀ 2020 ਨੂੰ ਵਿਆਹ ਕਰਨ ਦਾ ਐਲਾਨ ਕੀਤਾ ਸੀ। ਹਾਲਾਂਕਿ ਵੈਲੇਨਟਾਈਨ ਡੇਅ ‘ਤੇ ਅਜਿਹਾ ਕੁਝ ਨਹੀਂ ਹੋਇਆ ਅਤੇ ਅਾਦਿੱਤਿਆ- ਨੇਹਾ ਨੇ ਵਿਆਹ ਦੀ ਗੱਲ ਤੋਂ ਮਨ੍ਹਾ ਕਰ ਦਿੱਤਾ। ਦਸ ਦੇਈਏ ਕਿ ਇਸ ਵਿਵਾਦ ਦਾ ਸਿੱਧਾ ਫਾਇਦਾ ਸ਼ੋਅ ਅਤੇ ਚੈਨਲ ਦੀ ਟੀਆਰਪੀ ਨੂੰ ਹੋਇਆ ਸੀ।
ਹੁਣ ਨੇਹਾ ਕੱਕੜ ਨੇ ਇੱਕ ਹੋਰ ਤਸਵੀਰ ਸ਼ੇਅਰ ਕੀਤੀ ਹੈ। ਜਿਸ ਦੀ ਇਸ ਦੌਰਾਨ ਕਾਫੀ ਚਰਚਾ ਹੋ ਰਹੀ ਹੈ। ਨੇਹਾ ਨੇ ਅਦਿੱਤਿਆ ਦੇ ਨਾਲ ਇਹ ਤਸਵੀਰ ਅੱਜ ਹੀ ਸ਼ੇਅਰ ਕੀਤੀ ਹੈ। ਇਸ ਵਿੱਚ ਦੋਨੋਂ ਇਕ ਦੂਸਰੇ ਦਾ ਹੱਥ ਫੜੇ ਨਜ਼ਰ ਆ ਰਹੇ ਹਨ। ਤਸਵੀਰ ਤੋਂ ਜਿਆਦਾ ਨੇਹਾ ਕੱਕੜ ਦਾ ਕੈਪਸ਼ਨ ਚਰਚਾ ਵਿੱਚ ਹੈ। ਨੇਹਾ ਨੇ ਇਸ ਸਪੈਸ਼ਲ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ ‘ਲਾਕਡਾਊਨ ਖਤਮ ਹੋਣ ਤੋਂ ਬਾਅਦ ਮੈਂ’। ਹੁਣ ਇਸ ਸਥਿਤੀ ਵਿੱਚ ਫੈਂਸ ਨੇ ਆਦਿੱਤਿਆ ਨੇਹਾ ਦੇ ਦੁਬਾਰਾ ਇਕੱਠੇ ਆਉਣ ਦੇ ਕਿਆਸ ਲਗਾਉਣੇ ਸ਼ੁਰੂ ਕਰ ਦਿੱਤੇ ਹਨ।
ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਨੇਹਾ ਕੱਕੜ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਇਸ ਦੇ ਜ਼ਰੀਏ ਹੀ ਉਹ ਆਪਣੇ ਫੈਨਝ ਨੂੰ ਆਪਣੇ ਬਾਰੇ ਹਰ ਇੱਕ ਅਪਡੇਟ ਦਿੰਦੀ ਰਹਿੰਦੀ ਹੈ। ਨੇਹਾ ਕੱਕੜ ਦੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਜ਼ਿਆਦਾ ਫੈਨ ਫਾਲੋਇੰਗ ਹੈ। ਨੇਹਾ ਕੱਕੜ ਬਾਲੀਵੁੱਡ ਦੀ ਇੱਕ ਮਸ਼ਹੂਰ ਗਾਇਕਾ ਹੈ। ਨੇਹਾ ਦੇ ਗੀਤਾਂ ਨੂੰ ਦਰਸ਼ਕਾਂ ਦੁਆਰਾ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਉਨ੍ਹਾਂ ਦੀ ਆਵਾਜ਼ ਦਿਲ ਨੂੰ ਸਕੂਨ ਦੇਣ ਵਾਲੀ ਹੈ।
