Passenger train services: ਨਵੀਂ ਦਿੱਲੀ: ਦੇਸ਼ ਵਿੱਚ ਜਾਰੀ ਕੋਰੋਨਾ ਵਾਇਰਸ ਸੰਕਟ ਵਿਚਕਾਰ ਰੇਲਵੇ ਮੰਤਰਾਲੇ ਵੱਲੋਂ ਇੱਕ ਵੱਡਾ ਫੈਸਲਾ ਲਿਆ ਗਿਆ ਹੈ । ਜਿਸ ਵਿੱਚ ਰੇਲਵੇ ਨੇ ਕੱਲ ਯਾਨੀ 12 ਮਈ ਤੋਂ 15 ਚੁਣੇ ਰੂਟਾਂ ‘ਤੇ ਟ੍ਰੇਨਾਂ ਚਲਾਉਣ ਦਾ ਫੈਸਲਾ ਲਿਆ ਹੈ । ਜਿਸਦੇ ਲਈ ਆਨਲਾਈਨ ਰਿਜ਼ਰਵੇਸ਼ਨ 11 ਮਈ ਸ਼ਾਮ 4 ਵਜੇ ਤੋਂ ਸ਼ੁਰੂ ਕੀਤੀ ਜਾਵੇਗੀ । ਇਸਦੇ ਨਾਲ ਹੀ ਰੇਲਵੇ ਵੱਲੋਂ ਯਾਤਰਾ ਕਰਨ ਲਈ ਕਈ ਦਿਸ਼ਾ ਨਿਰਦੇਸ਼ ਵੀ ਜਾਰੀ ਕੀਤੇ ਗਏ ਹਨ । ਜਿਸ ਵਿੱਚ ਯਾਤਰੀ ਨੂੰ ਯਾਤਰਾ ਤੋਂ ਇੱਕ ਘੰਟਾ ਪਹਿਲਾਂ ਸਟੇਸ਼ਨ ਜਾਣਾ ਪਵੇਗਾ ।ਰੇਲਵੇ ਨੇ ਕਿਹਾ ਹੈ ਕਿ ਹੁਣ ਏਸੀ ਕੋਚਾਂ ਵਿੱਚ ਕੰਬਲ ਸ਼ੀਟ ਅਤੇ ਤੌਲੀਏ ਨਹੀਂ ਮਿਲਣਗੇ । ਇਸ ਤੋਂ ਇਲਾਵਾ ਹੋਰ ਵੀ ਵੱਡਿਆਂ ਗੱਲਾਂ ਹਨ, ਜੋ ਕੀ ਹੇਠ ਲਿਖੇ ਅਨੁਸਾਰ ਹਨ:
ਟਿਕਟ ਕਾਊਂਟਰ ਤੋਂ ਮਿਲੇਗੀ ਟਿਕਟ
ਰੇਲਵੇ ਸਟੇਸ਼ਨਾਂ ‘ਤੇ ਟਿਕਟ ਬੁਕਿੰਗ ਖਿੜਕੀ ਬੰਦ ਰਹੇਗੀ, ਪਲੇਟਫਾਰਮ ਟਿਕਟ ਤੋਂ ਇਲਾਵਾ ਕੋਈ ਵੀ ਕਾਊਂਟਰ ਟਿਕਟ ਜਾਰੀ ਨਹੀਂ ਕੀਤੀ ਜਾਵੇਗੀ । ਸ਼ੁਰੂ ਵਿੱਚ ਸਿਰਫ ਚੁਣੇ ਗਏ ਰੂਟਾਂ ‘ਤੇ 15 ਟ੍ਰੇਨਾਂ (ਅਪ-ਡਾਉਨ ਸਮੇਤ 30 ਟ੍ਰੇਨਾਂ) ਚਲਾਈਆਂ ਜਾਣਗੀਆਂ । ਇਨ੍ਹਾਂ ਟ੍ਰੇਨਾਂ ਵਿੱਚ ਸੀਟਾਂ ਰਾਖਵੇਂ ਰੱਖਣ ਵਾਲੇ ਯਾਤਰੀਆਂ ਨੂੰ ਰਵਾਨਗੀ ਦੇ ਸਮੇਂ ਤੋਂ ਘੱਟੋ-ਘੱਟ ਇੱਕ ਘੰਟਾ ਪਹਿਲਾਂ ਰੇਲਵੇ ਸਟੇਸ਼ਨ ਪਹੁੰਚਣਾ ਹੋਵੇਗਾ । ਸ਼ੁਰੂਆਤੀ ਤੌਰ ‘ਤੇ ਸਾਰੀਆਂ 15 ਰਾਜਧਾਨੀ ਟ੍ਰੇਨਾਂ ਦੇ ਮਾਰਗਾਂ ‘ਤੇ ਏਅਰ ਕੰਡੀਸ਼ਨਡ ਸੇਵਾਵਾਂ ਸ਼ੁਰੂ ਹੋ ਜਾਣਗੀਆਂ ਅਤੇ ਉਨ੍ਹਾਂ ਦਾ ਕਿਰਾਇਆ ਸੁਪਰ-ਫਾਸਟ ਟ੍ਰੇਨਾਂ ਦੇ ਸਮਾਨ ਹੋਵੇਗਾ ।
ਕਿੱਥੇ-ਕਿੱਥੇ ਜਾਣਗੀਆਂ ਇਹ ਟ੍ਰੇਨਾਂ
ਇਹ ਵਿਸ਼ੇਸ਼ ਟ੍ਰੇਨਾਂ ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ ਤੋਂ ਚੱਲਣਗੀਆਂ ਅਤੇ ਡਿਬਰੂਗੜ, ਅਗਰਤਲਾ, ਹਾਵੜਾ, ਪਟਨਾ, ਬਿਲਾਸਪੁਰ, ਰਾਂਚੀ, ਭੁਵਨੇਸ਼ਵਰ, ਸਿਕੰਦਰਾਬਾਦ, ਬੰਗਲੁਰੂ, ਚੇੱਨਈ, ਤਿਰੂਵਨੰਤਪੁਰਮ, ਮਦਗਾਓਂ, ਮੁੰਬਈ ਸੈਂਟਰਲ, ਅਹਿਮਦਾਬਾਦ ਅਤੇ ਜੰਮੂ-ਤਵੀ ਲਈ ਜਾਣਗੀਆਂ । ਲੇਬਰ ਟ੍ਰੇਨਾਂ ਦੇ ਉਲਟ, ਇਨ੍ਹਾਂ ਰੇਲ ਗੱਡੀਆਂ ਦੇ ਕੋਚਾਂ ਵਿੱਚ ਸਾਰੀਆਂ 72 ਸੀਟਾਂ ਦੀ ਬੁਕਿੰਗ ਕੀਤੀ ਜਾਏਗੀ ਅਤੇ ਉਨ੍ਹਾਂ ਦੇ ਕਿਰਾਏ ਵਿੱਚ ਕੋਈ ਢਿੱਲ ਦੀ ਸੰਭਾਵਨਾ ਨਹੀਂ ਹੈ ।
ਟਿਕਟਾਂ ‘ਤੇ ‘ਕੀ ਕਰੋ ਜਾਂ ਕੀ ਨਾ ਕਰੋ’ ਲਿਖਿਆ ਹੋਵੇਗਾ
ਇਨ੍ਹਾਂ ਟ੍ਰੇਨਾਂ ਵਿੱਚ ਰਿਜ਼ਰਵੇਸ਼ਨ ਲਈ ਬੁਕਿੰਗ ਅੱਜ ਸ਼ਾਮ ਚਾਰ ਵਜੇ ਸ਼ੁਰੂ ਹੋਵੇਗੀ। ਬੁਕਿੰਗ ਸਿਰਫ ਆਈਆਰਸੀਟੀਸੀ ਦੀ ਵੈੱਬਸਾਈਟ ਰਾਹੀਂ ਕੀਤੀ ਜਾ ਸਕਦੀ ਹੈ । ‘ਕਰੋ ਅਤੇ ਕੀ ਨਾ ਕਰੋ’ ਰਿਜ਼ਰਵੇਸ਼ਨ ਦੌਰਾਨ ਪ੍ਰਾਪਤ ਟਿਕਟਾਂ ‘ਤੇ ਸਾਫ ਲਿਖਿਆ ਜਾਵੇਗਾ । ਇਸ ਵਿੱਚ ਦਿਸ਼ਾ ਨਿਰਦੇਸ਼ ਵੀ ਸ਼ਾਮਿਲ ਹੋਣਗੇ, ਜਿਵੇਂ ਕਿ ਰੇਲਵੇ ਸਟੇਸ਼ਨ ‘ਤੇ ਘੱਟੋ-ਘੱਟ ਇਕ ਘੰਟਾ ਪਹਿਲਾਂ ਪਹੁੰਚਣਾ, ਰਵਾਨਗੀ ਬਿੰਦੂ ‘ਤੇ ਡਾਕਟਰੀ ਚੈਕਅਪ, ਕੋਰੋਨਾ ਵਾਇਰਸ ਦੀ ਲਾਗ ਨਾਲ ਸਬੰਧਤ ਹੋਰ ਪ੍ਰੋਟੋਕੋਲ, ਮਾਸਕ ਦੀ ਲਾਜ਼ਮੀ ਵਰਤੋਂ ਅਤੇ ਅਰੋਗਿਆ ਸੇਤੂ ਐਪ ਨੂੰ ਡਾਊਨਲੋਡ ਕਰਨਾ ਆਦਿ ।
ਯਾਤਰਾ ਦੌਰਾਨ ਮਾਸਕ ਪਾਉਣਾ ਲਾਜ਼ਮੀ
ਸਿਰਫ ਯੋਗ ਰਾਖਵੇਂ ਟਿਕਟ ਧਾਰਕਾਂ ਨੂੰ ਹੀ ਰੇਲਵੇ ਸਟੇਸ਼ਨ ਵਿੱਚ ਦਾਖਲ ਹੋਣ ਦੀ ਆਗਿਆ ਹੋਵੇਗੀ । ਯਾਤਰੀਆਂ ਲਈ ਰਵਾਨਗੀ ਬਿੰਦੂ ‘ਤੇ ਮਾਸਕ ਅਤੇ ਸਿਹਤ ਜਾਂਚ ਕਰਨਾ ਲਾਜ਼ਮੀ ਹੋਵੇਗਾ, ਸਿਰਫ ਉਨ੍ਹਾਂ ਲੋਕਾਂ ਨੂੰ ਟ੍ਰੇਨ ਵਿੱਚ ਚੜ੍ਹਨ ਦੀ ਆਗਿਆ ਹੋਵੇਗੀ, ਜੋ ਵਾਇਰਸ ਨਾਲ ਸੰਕਰਮਣ ਦੇ ਕੋਈ ਸੰਕੇਤ ਨਹੀਂ ਦਿਖਾਉਣਗੇ । ਯਾਤਰਾ ਦੇ ਦੌਰਾਨ ਟ੍ਰੇਨ ਬਹੁਤ ਘੱਟ ਸਟੇਸ਼ਨਾਂ ‘ਤੇ ਰੁਕੇਗੀ ।
