rana daggubati engaged lockdown:ਆਪਣੀ ਅਦਾਕਾਰੀ ਦੇ ਨਾਲ ਲੋਕਾਂ ਦੇ ਦਿਲਾਂ ‘ਤੇ ਰਾਜ ਕਰਨ ਵਾਲੇ ਸਾਊਥ ਫ਼ਿਲਮਾਂ ਦੇ ਐਕਟਰ ਰਾਣਾ ਦਗਗੁਬਾਤੀ ਨੇ ਆਪਣੀ ਗਰਲਫ੍ਰੈਂਡ ਮਿਹਿਕਾ ਬਜਾਜ ਦੇ ਨਾਲ ਮੰਗਣੀ ਕਰਵਾ ਲਈ ਹੈ । ਉਨ੍ਹਾਂ ਨੇ ਆਪਣੇ ਇੰਸਟਾਗਰਾਮ ਅਕਾਉਂਟ ‘ਤੇ ਆਪਣੀ ਕੁੜਮਾਈ ਦੀ ਤਸਵੀਰ ਸ਼ੇਅਰ ਕਰਕੇ ਨੇ ਪ੍ਰਸ਼ੰਸਕਾਂ ਨੂੰ ਜਾਣਕਾਰੀ ਦਿੱਤੀ ਹੈ । ਜਿਸ ਤੋਂ ਬਾਅਦ ਵਧਾਈ ਵਾਲੇ ਮੈਸੇਜਾਂ ਦਾ ਤਾਂਤਾ ਲੱਗ ਗਿਆ ਹੈ । ਕੁਝ ਹੀ ਸਮੇਂ ਇਸ ਫੋਟੋ ਉੱਤੇ ਲੱਖਾਂ ਹੀ ਲਾਈਕਸ ਆ ਚੁੱਕੇ ਨੇ । ਬਾਲੀਵੁੱਡ ਕਲਾਕਾਰ ਦਿਆ ਮਿਰਜ਼ਾ, ਕ੍ਰਿਤੀ ਖਰਬੰਦਾ, ਖਿਡਾਰੀ ਪੀ.ਵੀ ਸਿੰਧੂ ਤੋਂ ਇਲਾਵਾ ਕਈ ਹੋਰ ਨਾਮੀ ਹਸਤੀਆਂ ਨੇ ਕਮੈਂਟ ਕਰਕੇ ਇਸ ਜੋੜੀ ਨੂੰ ਮੁਬਾਰਕਾਂ ਦਿੱਤੀਆਂ ਨੇ ।
ਕੁਝ ਦਿਨ ਪਹਿਲਾਂ ਹੀ ਰਾਣਾ ਦਗਗੁਬਾਤੀ ਨੇ ਆਪਣੀ ਗਰਲਫ੍ਰੈਂਡ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਦੱਸਿਆ ਸੀ ਕਿ ਮਿਹਿਕਾ ਬਜਾਜ ਨੇ ਹਾਂ ਕਰ ਦਿੱਤੀ ਹੈ । ਜਿਸ ਤੋਂ ਬਾਅਦ ਫੈਨਜ਼ ਕਮੈਂਟਸ ਰਾਹੀਂ ਆਪਣੀ ਖੁਸ਼ ਜਾਹਿਰ ਕਰ ਰਹੇ ਸਨ ।ਰਾਣਾ ਦਗਗੁਬਤੀ ਨੇ ਬਾਹੂਬਲੀ ਫ਼ਿਲਮ ਦੇ ਨਾਲ ਮਨੋਰੰਜਨ ਜਗਤ ‘ਚ ਵਾਹ ਵਾਹੀ ਖੱਟਣ ‘ਚ ਕਾਮਯਾਬ ਰਹੇ ਸਨ । ਇਸ ਫ਼ਿਲਮ ਦੁਨੀਆ ਭਰ ਚੋਂ ਰੱਜ ਕੇ ਪਿਆਰ ਮਿਲਿਆ ਸੀ । ਜੇ ਗੱਲ ਕਰੀਏ ਰਾਣਾ ਦਗਗੁਬਤੀ ਦੇ ਵਰਕ ਫਰੰਟ ਦੀ ਤਾਂ ਉਹ ‘ਹਾਥੀ ਮੇਰਾ ਸਾਥੀ’ ਨਾਂ ਦੀ ਫ਼ਿਲਮ ‘ਚ ਨਜ਼ਰ ਆਉਣਗੇ । ਕੋਰੋਨਾ ਵਾਇਰਸ ਦੇ ਚੱਲਦੇ ਇਸ ਫ਼ਿਲਮ ਦੀ ਰਿਲੀਜ਼ ਨੂੰ ਅੱਗੇ ਵਧਾ ਦਿੱਤਾ ਗਿਆ ਹੈ ।
#MiheekaBajajਦੱਸ ਦੇਈਏ ਕਿ ਕੁੱਝ ਦਿਨਾਂ ਪਹਿਲਾਂ ਰਾਣਾ ਦੱਗੁਬਾਤੀ ਨੇ ਮਿਹਿਕਾ ਬਜਾਜ ਨਾਲ ਇੱਕ ਤਸਵੀਰ ਸ਼ੇਅਰ ਕੀਤੀ ਸੀ।ਜਿਸ ਵਿੱਚ ਉਨ੍ਹਾਂ ਨੇ ਦੱਸਿਆ ਸੀ ਕਿ ਉਨ੍ਹਾਂ ਦੀ ਗਰਲਫ੍ਰੈਂੰਡ ਨਾ ਹਾਂ ਕਹਿ ਦਿੱਤੀ।ਇਸ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ ਕਿ ਰਾਣਾ ਦੁੱਗੁਬਾਤੀ ਦੀ ਗਰਲਫ੍ਰੈਂਡ ਮਿਹਿਕਾ ਪੇਸ਼ੇ ਤੋਂ ਇੱਕ ਇੰਟੀਰੀਅਰ ਡਿਜਾਈਨਰ ਹੈ। ਦੋਹਾਂ ਦੇ ਵਿਆਹ ਦੇ ਬਾਰੇ ਵਿੱਚ ਉਨ੍ਹਾਂ ਦੇ ਪਿਤਾ ਸੁਰੇਸ਼ ਬਾਬੂ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਉਨ੍ਹਾਂ ਦਾ ਵਿਆਹ ਇਸ ਹੀ ਸਾਲ ਹੋਵੇਗਾ , ਅਸੀਂ ਦਸੰਬਰ ਦੇ ਆਲੇ ਦੁਆਲੇ ਦੇਖ ਰਹੇ ਹਾਂ ਪਰ ਇਹ ਪਹਿਲਾਂ ਵੀ ਹੋ ਸਕਦਾ ਹੈ ਕਿ ਚੀਜਾਂ ਤੈਅ ਹੋ ਜਾਣ ਤੋਂ ਬਾਅਦ ਇਸ ਨਾਲ ਜੁੜੀ ਜਾਣਕਾਰੀ ਦੇਵਾਂਗੇ। ਤਹਾਨੂੰ ਦੱਸਦੇਈਏ ਕਿ ਦੋਹਾਂ ਦੀ ਇਹ ਲਵ ਮੈਰਿਜ ਹੋਵੇਗੀ।
