ਚੋਣ ਕਮਿਸ਼ਨ ਬਿਹਾਰ ਦ ਬਾਅਦ ਹੁਣ ਦੇਸ਼ ਦੇ ਹੋਰਨਾਂ ਸੂਬਿਆਂ ਵਿਚ ਵੋਟਰ ਸੂਚੀ ਦਾ SIR ਕਰਾਉਣ ਜਾ ਰਿਹਾ ਹੈ। ਇਸ ਦੇਸ਼ਵਿਆਪੀ SIR ਦਾ ਐਲਾਨ ਕਰਨ ਲਈ ਚੋਣ ਕਮਿਸ਼ਨ ਭਲਕੇ ਸ਼ਾਮ ਨੂੰ ਪ੍ਰੈੱਸ ਕਾਨਫਰੰਸ ਸੰਮੇਲਨ ਕਰੇਗਾ। ਹਾਲਾਂਕਿ ਇਹ ਅਜੇ ਤੈਅ ਨਹੀਂ ਹੈ ਕਿ SIR ਪੂਰੇ ਦੇਸ਼ ਵਿਚ ਸ਼ੁਰੂ ਹੋਵੇਗਾ ਜਾਂ ਅਜੇ ਸਿਰਫ ਚੁਣਾਵੀ ਸੂਬਿਆਂ ਵਿਚ ਹੋਵੇਗਾ।
ਹਾਲਾਂਕਿ ਪੂਰੀ ਜਾਣਕਾਰੀ ਦਾ ਅਜੇ ਇੰਤਜ਼ਾਰ ਹੈ ਪਰ ਚੋਣ ਕਮਿਸ਼ਨ ਵੱਲੋਂ ਪ੍ਰੈੱਸ ਕਾਨਫਰੰਸ ਵਿਚ SIR ਦੇ ਪਹਿਲੇ ਪੜਾਅ ਦਾ ਐਲਾਨ ਕੀਤੇ ਜਾਣ ਦੀ ਸੰਭਾਵਨਾ ਹੈ, ਜਿਸ ਵਿਚ 10 ਤੋਂ 15 ਸੂਬੇ ਸ਼ਾਮਲ ਹੋਣਗੇ। ਕਿਹਾ ਜਾ ਰਿਹਾ ਹੈ ਕਿ ਇਨ੍ਹਾਂ ਵਿਚ ਉਹ ਸੂਬੇ ਵਿਚ ਸ਼ਾਮਲ ਹੋਣਗੇ ਜਿਥੇ 2026 ਵਿਚ ਵਿਧਾਨ ਸਭਾ ਚੋਣਾਂ ਹੋਣੀਆਂ ਹਨ। ਤਮਿਲਨਾਡੂ, ਪੱਛਮੀ ਬੰਗਾਲ, ਕੇਰਲ, ਅਸਮ ਤੇ ਪੁਡੂਚੇਰੀ ਵਿਚ ਅਗਲੇ ਸਾਲ ਚੋਣਾਂ ਹੋਣੀਆਂ ਹਨ। ਕਿਹਾ ਜਾ ਰਿਹਾ ਹੈ ਕਿ ਜਿਹੜੇ ਸੂਬਿਆਂ ਵਿਚ ਇਸ ਸਮੇਂ ਸਥਾਨਕ ਲੋਕਲ ਬਾਡੀਜ਼ ਚੱਲ ਰਹੇ ਹਨ ਜਾਂ ਹੋਣ ਵਾਲੇ ਹਨ, ਇਥੇ ਫਿਲਹਾਲ ਇਹ ਪ੍ਰਕਿਰਿਆ ਨਹੀਂ ਹੋਵੇਗੀ।
ਇਹ ਵੀ ਪੜ੍ਹੋ : ਗੁਰੂ ਘਰ ਡਿਊਟੀ ‘ਤੇ ਜਾਂਦੇ ਪਾਠੀ ਸਿੰਘ ਦੀ ਸੜਕ ਹਾ.ਦ/ਸੇ ‘ਚ ਮੌ/ਤ, ਬਜ਼ੁਰਗ ਮਾਂ ਦਾ ਇਕਲੌਤਾ ਸਹਾਰਾ ਸੀ ਮ੍ਰਿ.ਤ/ਕ
ਬਿਹਾਰ ਵਿਚ ਹੁਣੇ ਜਿਹੇ ਇਹ ਖਾਸ ਨਿਰੀਖਣ ਪੂਰਾ ਹੋਇਆ ਹੈ ਜਿਸ ਦੇ ਬਾਅਦ ਇਥੇ ਨਵੀਂ ਵੋਟਰ ਸੂਚੀ ‘ਤੇ ਚੋਣਾਂ ਹੋ ਰਹੀਆਂ ਹਨ। ਇਥੇ ਅੰਤਿਮ ਵੋਟਰ ਸੂਚੀ 30 ਸਤੰਬਰ ਨੂੰ ਪ੍ਰਕਾਸ਼ਿਤ ਕੀਤੀ ਗਈ ਜਿਸ ਵਿਚ ਲਗਭਗ 7.42 ਕਰੋੜ ਨਾਂ ਦਰਜ ਹਨ। ਹਾਲਾਂਕਿ ਬਾਹਰ ਵਿਚ ਹੋਇਆ SIR ਵਿਵਾਦਾਂ ਨਾਲ ਘਿਰਿਆ ਰਿਹਾ। ਇਸ ਖਿਲਾਫ ਸੁਪਰੀਮ ਕੋਰਟ ਵਿਚ ਅਜੇ ਵੀ ਸੁਣਵਾਈ ਜਾਰੀ ਹੈ। ਬਿਹਾਰ ਦੀ ਤਰ੍ਹਾਂ ਹੀ ਹਰ ਸੂਬੇ ਵਿਚ ਪਿਛਲੀ ਵਾਰ ਹੋਏ SIR ਨੂੰ ਕੱਟਆਫ ਸਾਲ ਮੰਨਿਆ ਜਾਵੇਗਾ। ਜਿਵੇਂ ਬਿਹਾਰ ਵਿਚ 2003 ਦੀ ਸੂਚੀ ਨੂੰ ਆਧਾਰ ਬਣਾਇਆ ਗਿਆ ਸੀ, ਉਂਝ ਹੀ ਹੋਰਨਾਂ ਸੂਬਿਆਂ ਵਿਚ ਵੀ ਪਿਛਲੀ SIR ਨੂੰ ਮਾਣਕ ਵਜੋਂ ਅਪਣਾਇਆ ਜਾਵੇਗਾ। ਜ਼ਿਆਦਾਤਰ ਸੂਬਿਆਂ ਵਿਚ ਪਿਛਲਾ SIR 2002 ਤੋਂ 2004 ਦੇ ਵਿਚ ਹੋਇਆ ਸੀ। ਹੁਣ ਮੌਜੂਦ ਵੋਟਰਾਂ ਦੀ ਜਾਂਚ ਉਸੇ ਸੂਚੀ ਤੋਂ ਕੀਤੀ ਜਾਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
