SIT arrives in Punjab : ਸਿੱਖ ਵਿਰੋਧੀ ਦੰਗਿਆਂ ਦੀ ਜਾਂਚ ਕਰ ਰਹੀ ਐਸਆਈਟੀ ਪੰਜਾਬ ਪਹੁੰਚ ਗਈ ਹੈ। ਇੱਥੇ ਪੀੜਤ ਪਰਿਵਾਰਾਂ ਅਤੇ ਗਵਾਹਾਂ ਦੇ ਬਿਆਨ ਦਰਜ ਕਰਕੇ ਕਾਗਜ਼ੀ ਕਾਰਵਾਈ ਪੂਰੀ ਕੀਤੀ ਜਾਏਗੀ। ਟੀਮ ਨੇ ਲੁਧਿਆਣਾ ਦੇ ਕਈ ਪਰਿਵਾਰਾਂ ਨਾਲ ਵੀ ਸੰਪਰਕ ਕੀਤਾ ਹੈ। ਇਹ ਉਹ ਪਰਿਵਾਰ ਹਨ ਜੋ ਦੰਗਿਆਂ ਕਾਰਨ ਸ਼ਹਿਰ ਛੱਡ ਕੇ ਚਲੇ ਗਏ ਸਨ। ਐਸਆਈਟੀ 19 ਮਾਮਲਿਆਂ ਦੀ ਜਾਂਚ ਕਰ ਰਹੀ ਹੈ। ਇਸ ਵਿੱਚ ਅਰਮਾਪੁਰ ਦਾ ਕੇਸ ਵੀ ਸ਼ਾਮਲ ਹੈ, ਜਿਸ ਵਿੱਚ ਤੰਨ ਓਐਫਸੀ ਮੁਲਾਜ਼ਮਾਂ ਦੀ ਕੰਪਲੈਕਸ ਵਿੱਚ ਹੱਤਿ ਕਰ ਦਿੱਤੀ ਗਈ ਸੀ। ਇਸ ਤੋਂ ਇਲਾਵਾ ਨੌਬਸਤਾ ਅਤੇ ਪੀੜਤ ਪਰਿਵਾਰ ਦੇ ਇੱਕ ਕੇਸ ਨਾਲ ਜੁੜੇ ਗਵਾਹ ਵੀ ਪੰਜਾਬ ਗਏ ਹਨ। ਐਸਆਈਟੀ ਦੇ ਐਸਐਸਪੀ ਬਾਲੇਂਦੂ ਭੂਸ਼ਣ ਸਿੰਘ ਨੇ ਦੱਸਿਆ ਕਿ ਟੀਮ ਮੰਗਲਵਾਰ ਨੂੰ ਰਵਾਨਾ ਹੋਈ। ਪੰਜ ਮੈਂਬਰੀ ਟੀਮ ਉਥੇ ਚਾਰ-ਪੰਜ ਦਿਨ ਰੁਕੇਗੀ ਅਤੇ ਪੀੜਤਾਂ ਦੇ ਬਿਆਨ ਦਰਜ ਕਰੇਗੀ। ਇਸ ਤੋਂ ਬਾਅਦ ਸਾਰਿਆਂ ਦੇ ਬਿਆਨ ਅਦਾਲਤ ਵਿਚ ਦਿੱਤੇ ਜਾਣਗੇ।
ਇਸ ਬਾਰੇ ਸਬ-ਇੰਸਪੈਕਟਰ ਸੂਰੀਆ ਪੀ ਸਿੰਘ ਨੇ ਦੱਸਿਆ, “ਕਾਨਪੁਰ ਵਿੱਚ 1984 ਦੇ ਸਿੱਖ ਕਤਲੇਆਮ ਦੀ ਜਾਂਚ ਲਈ ਐਸਆਈਟੀ ਦਾ ਗਠਨ ਕੀਤਾ ਗਿਆ ਸੀ। ਸਾਡੇ ਰਿਟਾਇਰਡ ਡੀਜੀ ਅਤੁੱਲ ਕੁਮਾਰ ਮੁਖੀ ਹਨ। ਲਗਭਗ 40 ਮਾਮਲਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਜਿਸ ਵਿੱਚ 127 ਮਾਰੇ ਗਏ ਸਨ।” ਉਨ੍ਹਾਂ ਕਿਹਾ, “ਅਸੀਂ ਇਥੇ ਲੁਧਿਆਣਾ ਆਏ ਅਤੇ ਦੋ ਪਰਿਵਾਰਾਂ ਨਾਲ ਗੱਲਬਾਤ ਕੀਤੀ। ਹੁਣ ਅਸੀਂ ਹੋਰ ਪਰਿਵਾਰਾਂ ਨੂੰ ਲੱਭਣ ਦੀ ਕੋਸ਼ਿਸ਼ ਕਰ ਰਹੇ ਹਾਂ ਜੋ ਕਾਨਪੁਰ ਵਿੱਚ ਸਿੱਖ ਵਿਰੋਧੀ ਦੰਗਿਆਂ ਨਾਲ ਸਬੰਧਤ ਹਨ।
ਪੀੜਤਾਂ ਵਿਚੋਂ ਇਕ ਤਜਿੰਦਰ ਕੌਰ ਨੇ ਉਮੀਦ ਜਤਾਈ ਕਿ ਉਸ ਨੂੰ ਦੰਗਾ ਵਿਰੋਧੀ ਕੇਸ ਵਿਚ 36 ਸਾਲਾਂ ਬਾਅਦ ਇਨਸਾਫ ਮਿਲੇਗਾ। ਉਸ ਨੇ ਦੱਸਿਆ ਕਿ ਮੈਂ ਕਾਨਪੁਰ ਵਿਚ ਰਹਿੰਦੀ ਸੀ। ਕਾਨਪੁਰ ਵਿੱਚ ਸਿੱਖ ਵਿਰੋਧੀ ਦੰਗਿਆਂ ਦੌਰਾਨ ਮੇਰੇ ਪਤੀ ਨੂੰ ਗੋਲੀ ਮਾਰ ਦਿੱਤੀ ਗਈ ਸੀ। ਉਨ੍ਹਾਂ ਕਿਹਾ ਕਿ ਅੱਜ ਆਈ ਪੁਲਿਸ ਨੂੰ ਮੈਂ ਪਾਮੇ ਬਿਆਨ ਦਰਜ ਕਰਵਾ ਦਿੱਤੇ ਹਨ। ਇਕ ਹੋਰ ਪੀੜਤ ਨੇ ਕਿਹਾ, “1984 ਵਿਚ ਹੋਏ ਸਿੱਖ ਦੰਗਿਆਂ ਕਾਰਨ ਹਜ਼ਾਰਾਂ ਸਿੱਖ ਮਾਰੇ ਗਏ ਸਨ। ਸੁਪਰੀਮ ਕੋਰਟ ਨੇ ਹਾਲ ਹੀ ਵਿਚ ਨੋਟ ਕੀਤਾ ਸੀ ਕਿ ਕਈ ਕਮਿਸ਼ਨ ਬਣਾਏ ਗਏ ਸਨ, ਜੋ ਆਪਣੀ ਜਾਂਚ ਤੋਂ ਅੱਗੇ ਨਹੀਂ ਵਧੇ।”
