Sonu Sood Help People: ਬਾਲੀਵੁੱਡ ਦੇ ਰੋਬਿਨਹੁੱਡ ਨਾਮ ਤੋਂ ਮਸ਼ਹੂਰ ਹੋ ਚੁੱਕੇ ਅਦਾਕਾਰ ਸੋਨੂੰ ਸੂਦ ਨੇ ਬੀਤੇ ਦਿਨੀਂ ਆਪਣੀ ਦਰਿਆਦਿਲੀ ਦਿਖਾ ਕੇ ਹਰ ਦੇਸ਼ ਵਾਸੀ ਦਾ ਦਿਲ ਜਿੱਤ ਲਿਆ ਹੈ। ਦਰਅਸਲ ਸੋਨੂੰ ਸੂਦ ਇਨ੍ਹੀਂ ਦਿਨੀਂ ਉਨ੍ਹਾਂ ਲੋਕਾਂ ਦੀ ਮਦਦ ਕਰਨ ਦੇ ਲਈ ਸੜਕ ‘ਤੇ ਆਏ ਹਨ ਜੋ ਪੈਦਲ ਆਪਣੇ ਘਰ ਜਾ ਰਹੇ ਸਨ ਪਰ ਪ੍ਰਵਾਸੀਆਂ ਦੇ ਨਾਲ ਹੁਣ ਸੋਨੂੰ ਸੂਦ ਦੇ ਕੋਲ ਕੁਝ ਅਜਿਹੇ ਲੋਕਾਂ ਦੇ ਸੰਦੇਸ਼ ਵੀ ਆ ਰਹੇ ਹਨ ਜਿਨ੍ਹਾਂ ਨੂੰ ਦੇਖ ਕੇ ਤੁਸੀਂ ਵੀ ਹੱਸੋਗੇ। ਇਹ ਗੱਲ ਤਾਂ ਸੋਨੂੰ ਸੂਦ ਨੇ ਵੀ ਨਹੀਂ ਸੋਚੀ ਹੋਵੇਗੀ ਕਿ ਹੁਣ ਉਨ੍ਹਾਂ ਦੀ ਮਦਦ ਮੰਗਣ ਦੇ ਲਈ ਕਿਸੇ ਸ਼ਰਾਬੀ ਦਾ ਮੈਸੇਜ ਵੀ ਆ ਜਾਵੇਗਾ।
![Sonu Sood Help People](https://www.punjabi.dailypost.in/wp-content/uploads/2020/05/images-9-12.jpeg)
ਜੀ ਹਾਂ ਹੁਣ ਸੋਨੂ ਸੂਦ ਤੋਂ ਇੱਕ ਸ਼ਰਾਬੀ ਨੇ ਘਰ ਤੋਂ ਠੇਕੇ ‘ਤੇ ਪਹੁੰਚਾਉਣ ਦੇ ਲਈ ਮਦਦ ਮੰਗੀ ਹੈ। ਜਿਸ ਦੇ ਜਵਾਬ ਵਿੱਚ ਸੋਨੂੰ ਸੂਦ ਨੇ ਫਿਰ ਮਜ਼ੇਦਾਰ ਜਵਾਬ ਦੇ ਕੇ ਇੱਕ ਵਾਰ ਫਿਰ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ।ਸੋਨੂੰ ਨੂੰ ਇੱਕ ਸ਼ਰਾਬੀ ਨੇ ਟਵੀਟ ਕਰਕੇ ਕਿਹਾ ਸੋਨੂੰ ਭਰਾ ਮੈਂ ਆਪਣੇ ਘਰ ਵਿੱਚ ਫਸਿਆ ਹੋਇਆ ਹਾਂ ਮੈਨੂੰ ਠੇਕੇ ਤੱਕ ਪਹੁੰਚਾ ਦੋ। ਸੋਨੂੰ ਨੇ ਜਵਾਬ ਵਿੱਚ ਕਿਹਾ ਕਿ ਭਰਾ ਮੈਂ ਠੇਕੇ ਤੋਂ ਘਰ ਜਰੂਰ ਪਹੁੰਚਾ ਸਕਦਾ ਹਾਂ ਜਰੂਰਤ ਪਏ ਤਾਂ ਦੱਸ ਦੇਨਾ। ਤੇ ਨਾਲ ਹੀ ਉਹਨਾਂ ਨੇ ਦਿਲ ਵਾਲਾ ਇਮੋਜੀ ਵੀ ਬਣਾਇਆ ਹੈ। ਦਰਸ਼ਕਾਂ ਨੂੰ ਸੋਨੂੰ ਸੂਦ ਦਾ ਜਵਾਬ ਕਾਫੀ ਪਸੰਦ ਆ ਰਿਹਾ ਹੈ। ਉਨ੍ਹਾਂ ਦਾ ਇਹ ਟਵੀਟ ਕਾਫੀ ਵਾਇਰਲ ਹੋ ਰਿਹਾ ਹੈ।
![](https://www.punjabi.dailypost.in/wp-content/uploads/2020/05/images-11-8.jpeg)
ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦੱਸ ਦੇਈਏ ਕਿ ਸੋਨੂੰ ਸੂਦ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ ਅਤੇ ਇਸ ਦੇ ਜ਼ਰੀਏ ਹੀ ਉਹ ਆਪਣੇ ਫੈਨਜ਼ ਨੂੰ ਆਪਣੇ ਬਾਰੇ ਹਰ ਇੱਕ ਅਪਡੇਟ ਦਿੰਦੇ ਰਹਿੰਦੇ ਹਨ। ਸੋਨੂੰ ਸੂਦ ਦੀ ਫੈਨ ਫਾਲੋਇੰਗ ਸੋਸ਼ਲ ਮੀਡੀਆ ‘ਤੇ ਕਾਫੀ ਜ਼ਿਆਦਾ ਹੈ। ਉਨ੍ਹਾਂ ਨੇ ਹੁਣ ਤੱਕ ਜਿੰਨੀਆਂ ਵੀ ਫ਼ਿਲਮਾਂ ਕੀਤੀਆਂ ਹਨ ਸਭ ਸੁਪਰ ਹਿੱਟ ਸਾਬਿਤ ਹੋਈਆਂ ਹਨ।