Manoj Bajpayee 30years industry: ਮਨੋਜ ਵਾਜਪਾਈ ਬਾਲੀਵੁੱਡ ਫਿਲਮ ਇੰਡਸਟਰੀ ਦੇ ਇੱਕ ਅਜਿਹੇ ਅਦਾਕਾਰ ਹਨ, ਜੋ ਫਿਲਮਾਂ ਵਿੱਚ ਆਪਣੀ ਦਮਦਾਰ ਅਦਾਕਾਰੀ ਦੀ ਛਾਪ ਛੱਡਣ ਲਈ ਜਾਣੇ ਜਾਂਦੇ ਹਨ। ਆਪਣੇ ਅਦਾਕਾਰੀ ਕਰੀਅਰ ਦੌਰਾਨ, ਉਸਨੇ ਸ਼ੂਲ ਅਤੇ ‘ਦ ਫੈਮਿਲੀ ਮੈਨ’ ਵਰਗੀਆਂ ਵੈੱਬ ਸੀਰੀਜ਼ ਅਤੇ ਕਈ ਫਿਲਮਾਂ ਰਾਹੀਂ ਦਰਸ਼ਕਾਂ ਦਾ ਭਰਪੂਰ ਮਨੋਰੰਜਨ ਕੀਤਾ ਹੈ ।
Manoj Bajpayee 30years industry
ਮਨੋਜ ਬਾਜਪਾਈ ਨੇ ਹਿੰਦੀ ਸਿਨੇਮਾ ਜਗਤ ਵਿੱਚ ਇੱਕ ਕਲਾਕਾਰ ਵਜੋਂ 30 ਸਾਲਾਂ ਦਾ ਸ਼ਾਨਦਾਰ ਸਫ਼ਰ ਪੂਰਾ ਕੀਤਾ ਹੈ , ਜਿਸ ਦਾ ਜਸ਼ਨ ਵਿਦੇਸ਼ ਦੀ ਧਰਤੀ ਬਰਲਿਨ ਵਿੱਚ ਮਨਾਇਆ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਅਦਾਕਾਰ ਨੂੰ ਸਾਊਥ ਦੇ ਸੁਪਰਸਟਾਰ ਅੱਲੂ ਅਰਜੁਨ ਨਾਲ ਵੀ ਦੇਖਿਆ ਗਿਆ ਹੈ। ਇਸ ਸਮੇਂ ਮਨੋਜ ਵਾਜਪਾਈ ਜਰਮਨੀ ਦੀ ਰਾਜਧਾਨੀ ਬਰਲਿਨ ਵਿੱਚ ਮੌਜੂਦ ਹਨ। ਉਸਦੀ ਫਿਲਮ ਦ ਫੇਬਲ ਦਾ ਪ੍ਰੀਮੀਅਰ ਇੱਥੇ ਆਯੋਜਿਤ 74ਵੇਂ ਬਰਲਿਨ ਅੰਤਰਰਾਸ਼ਟਰੀ ਫਿਲਮ ਫੈਸਟੀਵਲ ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਇਸ ਦੌਰਾਨ ਬਰਲਿਨ ਸਥਿਤ ਭਾਰਤੀ ਦੂਤਾਵਾਸ ਦੇ ਟੈਗੋਰ ਸੈਂਟਰ ‘ਚ ਮਨੋਜ ਦੇ ਫਿਲਮੀ ਕਰੀਅਰ ਦੇ 30 ਸਾਲ ਪੂਰੇ ਹੋਣ ਦਾ ਜਸ਼ਨ ਮਨਾਇਆ ਗਿਆ। ਇਸ ਵਿਸ਼ੇਸ਼ ਪ੍ਰਾਪਤੀ ਲਈ ਅਦਾਕਾਰ ਲਈ ਇੱਕ ਵਿਸ਼ੇਸ਼ ਸਮਾਗਮ ਦਾ ਆਯੋਜਨ ਕੀਤਾ ਗਿਆ। ਮਨੋਜ ਵਾਜਪਾਈ ਨੇ ਇਸ ਮੌਕੇ ਕਿਹਾ- 30 ਸਾਲਾਂ ਦਾ ਲੰਬਾ ਸਫ਼ਰ ਪ੍ਰਸ਼ੰਸਕਾਂ ਦੇ ਪਿਆਰ ਅਤੇ ਸਮਰਥਨ ਤੋਂ ਬਿਨਾਂ ਸੰਭਵ ਨਹੀਂ ਸੀ। ਇਹ ਯਾਤਰਾ ਮੇਰੇ ਲਈ ਬਹੁਤ ਖਾਸ ਅਤੇ ਮਹੱਤਵਪੂਰਨ ਰਹੀ ਹੈ।
Manoj Bajpayee 30years industry
ਮੈਂ ਬਰਲਿਨ ਵਿੱਚ ਆਪਣੀ ਫਿਲਮ ਦ ਫੇਬਲ ਦੇ ਪ੍ਰੀਮੀਅਰ ਲਈ ਅਤੇ ਇਸ ਸਮਾਗਮ ਨੂੰ ਯਾਦਗਾਰੀ ਬਣਾਉਣ ਲਈ ਭਾਰਤੀ ਦੂਤਾਵਾਸ ਦੇ ਮੈਂਬਰਾਂ ਦਾ ਧੰਨਵਾਦ ਕਰਨਾ ਚਾਹਾਂਗਾ। ਦੱਸਣਯੋਗ ਹੈ ਕਿ ਮਨੋਜ ਬਾਜਪਾਈ ਨੇ 30 ਸਾਲ ਪਹਿਲਾਂ ਨਿਰਦੇਸ਼ਕ ਸ਼ੇਖਰ ਕਪੂਰ ਦੀ ਫਿਲਮ ‘ ਬੈਂਡਿਟ ਕੁਈਨ’ ਰਾਹੀਂ ਹਿੰਦੀ ਸਿਨੇਮਾ ‘ਚ ਡੈਬਿਊ ਕੀਤਾ ਸੀ। ਦੱਖਣ ਸਿਨੇਮਾ ਦੀ ਪੁਸ਼ਪਾ ਯਾਨੀ ਅੱਲੂ ਅਰਜੁਨ ਵੀ ਹਾਲ ਹੀ ਵਿੱਚ ਬਰਲਿਨ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ 2024 ਦਾ ਹਿੱਸਾ ਬਣੇ ਹਨ। ਇਸ ਦੌਰਾਨ ਮਨੋਜ ਵਾਜਪਾਈ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ ‘ਤੇ ਕੁਝ ਤਾਜ਼ਾ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਸ ‘ਚ ਉਸ ਨਾਲ ਅੱਲੂ ਅਰਜੁਨ ਨਜ਼ਰ ਆ ਰਹੇ ਹਨ। ਇਨ੍ਹਾਂ ਦੋਹਾਂ ਕਲਾਕਾਰਾਂ ਨੂੰ ਇਕੱਠੇ ਦੇਖ ਕੇ ਪ੍ਰਸ਼ੰਸਕ ਇਨ੍ਹਾਂ ਤਸਵੀਰਾਂ ‘ਤੇ ਖੂਬ ਲਾਈਕ ਅਤੇ ਕਮੈਂਟ ਕਰ ਰਹੇ ਹਨ।
ਵੀਡੀਓ ਲਈ ਕਲਿੱਕ ਕਰੋ –
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .
