Manoj Bajpayee BestActor award: ਬਾਲੀਵੁੱਡ ਅਦਾਕਾਰ ਮਨੋਜ ਬਾਜਪਾਈ ਆਪਣੀ ਦਮਦਾਰ ਅਦਾਕਾਰੀ ਕਾਰਨ ਅੱਜ ਲੱਖਾਂ ਲੋਕਾਂ ਦੇ ਦਿਲਾਂ ‘ਤੇ ਰਾਜ ਕਰਦੇ ਹਨ। ਅਦਾਕਾਰ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਦੂਰਦਰਸ਼ਨ ‘ਤੇ ਪ੍ਰਸਾਰਿਤ ਸੀਰੀਅਲ ‘ਸਵਾਭਿਮਾਨ’ ਨਾਲ ਕੀਤੀ ਸੀ। ਇਸ ਤੋਂ ਬਾਅਦ ਉਸ ਨੇ ‘ਬੈਂਡਿਟ ਕਵੀਨ’ ਨਾਲ ਫਿਲਮਾਂ ‘ਚ ਐਂਟਰੀ ਕੀਤੀ ਅਤੇ ਫਿਰ ਕਈ ਫਿਲਮਾਂ ਕੀਤੀਆਂ।
Manoj Bajpayee BestActor award
1998 ‘ਚ ‘ਸੱਤਿਆ’ ‘ਚ ਆਪਣੀ ਦਮਦਾਰ ਅਦਾਕਾਰੀ ਦਿਖਾਉਣ ਤੋਂ ਬਾਅਦ ਉਸ ਨੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਹੁਣ ਮਨੋਜ ਬਾਜਪਾਈ ਨੂੰ ਓਟੀਟੀ ‘ਤੇ ਰਿਲੀਜ਼ ਹੋਈਆਂ ਆਪਣੀਆਂ ਦੋ ਫਿਲਮਾਂ ਲਈ ਸਰਵੋਤਮ ਅਦਾਕਾਰ ਦਾ ਪੁਰਸਕਾਰ ਮਿਲਿਆ ਹੈ। ਮਨੋਜ ਵਾਜਪਾਈ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਇੰਸਟਾਗ੍ਰਾਮ ‘ਤੇ ਪੋਸਟ ਕੀਤਾ ਹੈ। ਇਸ ਪੋਸਟ ‘ਚ ਉਨ੍ਹਾਂ ਨੇ ਜਾਣਕਾਰੀ ਦਿੱਤੀ ਹੈ ਕਿ ਉਨ੍ਹਾਂ ਨੂੰ ਆਪਣੀਆਂ ਫਿਲਮਾਂ ‘ਗੁਲਮੋਹਰ’ ਅਤੇ ‘ਸਰਫ ਏਕ ਬੰਦਾ ਕਾਫੀ ਹੈ’ ਲਈ ਬੈਸਟ ਅਦਾਕਾਰ ਦਾ ਐਵਾਰਡ ਮਿਲ ਚੁੱਕਾ ਹੈ। ਆਪਣੀ ਫੋਟੋ ਸ਼ੇਅਰ ਕਰਦੇ ਹੋਏ, ਉਨ੍ਹਾਂ ਨੇ ਲਿਖਿਆ, ‘ਦੋ ਸ਼ਾਨਦਾਰ ਫਿਲਮਾਂ ‘ਗੁਲਮੋਹਰ’ ਅਤੇ ‘ਸਰਫ ਏਕ ਬੰਦਾ ਕਾਫੀ ਹੈ’ ਲਈ ਬਾਲੀਵੁੱਡ ਹੰਗਾਮਾ ਓਟੀਟੀ ਇੰਡੀਆ ਫੈਸਟ 2023 ਵਿੱਚ ਸਰਵੋਤਮ ਅਦਾਕਾਰ ਦਾ ਪੁਰਸਕਾਰ ਪ੍ਰਾਪਤ ਕੀਤਾ। ਉਨ੍ਹਾਂ ਨੇ ਅੱਗੇ ਲਿਖਿਆ, ‘ਮੇਰੇ ਸਹਿ ਕਲਾਕਾਰਾਂ ਦਾ ਬਹੁਤ ਬਹੁਤ ਧੰਨਵਾਦ, ਤੁਹਾਡੀ ਪ੍ਰਤਿਭਾ ਹਰ ਸੀਨ ਦਾ ਸਾਰ ਸੀ। ਸਾਡੇ ਕੰਮ ਨੂੰ ਸਵੀਕਾਰ ਕਰਨ ਅਤੇ ਸਾਰੇ ਯਤਨਾਂ ਨੂੰ ਸਾਰਥਕ ਬਣਾਉਣ ਲਈ ਹਾਜ਼ਰੀਨ ਦਾ ਹਮੇਸ਼ਾ ਧੰਨਵਾਦੀ ਹਾਂ।
ਇਸ ਤੋਂ ਬਾਅਦ ਉਨ੍ਹਾਂ ਨੇ ਗੁਲਮੋਹਰ ਦੇ ਨਿਰਦੇਸ਼ਕ ਰਾਹੁਲ ਚਿਟੈਲਾ ਅਤੇ ਸਿਰਫ ਏਕ ਬੰਦਾ ਕਾਫੀ ਹੈ ਦੇ ਨਿਰਦੇਸ਼ਕ ਅਪੂਰਵ ਸਿੰਘ ਕਾਰਕੀ ਦਾ ਧੰਨਵਾਦ ਕੀਤਾ। ਅਦਾਕਾਰ ਦੇ ਪ੍ਰਸ਼ੰਸਕ ਇਸ ਪੋਸਟ ‘ਤੇ ਉਨ੍ਹਾਂ ਨੂੰ ਸ਼ੁਭਕਾਮਨਾਵਾਂ ਦੇ ਰਹੇ ਹਨ। ਕੁਮੈਂਟ ਕਰਦੇ ਹੋਏ ਇੱਕ ਯੂਜ਼ਰ ਨੇ ਲਿਖਿਆ, ‘ਮੁਬਾਰਕਾਂ ਮਨੋਜ ਬਾਜਪਾਈ ਸਰ’। ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਵਧਾਈਆਂ ਸਰ, ਸੁਪਰ ਪ੍ਰੇਰਣਾਦਾਇਕ’। ਤੁਹਾਨੂੰ ਦੱਸ ਦੇਈਏ ਕਿ ਮਨੋਜ ਵਾਜਪਾਈ ਦੀ ਫਿਲਮ ‘ਗੁਲਮੋਹਰ’ ਇਸ ਸਾਲ ਮਾਰਚ ‘ਚ OTT ਪਲੇਟਫਾਰਮ ਡਿਜ਼ਨੀ ਪਲੱਸ ਹੌਟਸਟਾਰ ‘ਤੇ ਰਿਲੀਜ਼ ਹੋਈ ਸੀ। ਇਸ ਫਿਲਮ ‘ਚ ਉਨ੍ਹਾਂ ਨਾਲ ਸ਼ਰਮੀਲਾ ਟੈਗੋਰ, ਸੂਰਜ ਸ਼ਰਮਾ, ਸਿਮਰਨ, ਅਮੋਲ ਪਾਲੇਕਰ ਵੀ ਨਜ਼ਰ ਆਏ ਸਨ । ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਦੂਜੀ ਫਿਲਮ ‘ਸਰਫ ਏਕ ਬੰਦਾ ਕਾਫੀ ਹੈ’ ਵੀ 23 ਮਈ ਨੂੰ OTT ਪਲੇਟਫਾਰਮ ZEE5 ‘ ਤੇ ਰਿਲੀਜ਼ ਹੋਈ ਸੀ।
