Adityanath attends grand Deepotsav: ਅਯੁੱਧਿਆ ਵਿੱਚ ਦੀਵਾਲੀ ਦਾ ਜਸ਼ਨ ਸ਼ੁਰੂ ਹੋ ਗਿਆ ਹੈ । ਅੱਜ ਰਾਮਨਗਰੀ ਦੀ ਰੌਣਕ ਕਈ ਗੁਣਾ ਵੱਧ ਗਈ ਹੈ । 5 ਲੱਖ 84 ਹਜ਼ਾਰ ਚਮਕਦਾਰ ਦੀਵਿਆਂ ਨਾਲ ਰਾਮ ਨਗਰੀ ਜਗਮਗਾ ਗਈ ਹੈ। ਰਾਮ ਸ਼ਹਿਰ ਵਿੱਚ ਰਾਮ ਦੀ ਪ੍ਰਸ਼ੰਸਾ ਕੀਤੀ ਜਾ ਰਹੀ ਹੈ, ਪੂਰੀ ਅਯੁੱਧਿਆ ਵਿੱਚ ਸ੍ਰੀ ਰਾਮ ਦੇ ਜੈਕਾਰੇ ਲਗਾਏ ਜਾ ਰਹੇ ਹਨ। ਉੱਥੇ ਹੀ ਸਰਯੁ ਦੇ ਕਿਨਾਰੇ ਇੱਕ ਲੇਜ਼ਰ ਸ਼ੋਅ ਆਯੋਜਿਤ ਕੀਤਾ ਗਿਆ। ਇਸ ਲੇਜ਼ਰ ਸ਼ੋਅ ਰਾਹੀਂ ਰਾਮਾਇਣ ਨੂੰ ਦਿਖਾਇਆ ਗਿਆ।
ਇਸ ਵਾਰ ਅਯੁੱਧਿਆ ਵਿੱਚ ਦੀਵਾਲੀ ਬਹੁਤ ਧੂਮਧਾਮ ਨਾਲ ਮਨਾਈ ਜਾ ਰਹੀ ਹੈ । ਇਸ ਵਾਰ ਦੀ ਦੀਵਾਲੀ ਇਸ ਲਈ ਵੀ ਖ਼ਾਸ ਹੈ ਕਿਉਂਕਿ ਰਾਮ ਮੰਦਰ ਦੀ ਨੀਂਹ ਕੁਝ ਸਮਾਂ ਪਹਿਲਾਂ ਰੱਖੀ ਗਈ ਸੀ । ਇਸ ਖਾਸ ਮੌਕੇ ਯੂਪੀ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਵੀ ਅਯੁੱਧਿਆ ਪਹੁੰਚੇ ਹਨ। ਸੀਐਮ ਯੋਗੀ ਆਦਿੱਤਿਆਨਾਥ ਨੇ ਰਾਮ ਲਾਲਾ ਦੀ ਪੂਜਾ ਕੀਤੀ । ਮੰਤਰ ਜਾਪ ਕਰਦਿਆਂ ਮਾਹੌਲ ਸ਼ਰਧਾਵਾਨ ਹੋ ਗਿਆ । ਅਯੁੱਧਿਆ ਵਿੱਚ ਰਾਮ ਦੀ ਪਉੜੀ ਲੱਖਾਂ ਦੀਵਿਆਂ ਨਾਲ ਜਗਮਗਾ ਉੱਠੀ।
ਦੱਸ ਦੇਈਏ ਕਿ ਸੀਐਮ ਯੋਗੀ ਨੇ ਸਰਯੁ ਤੱਟ ‘ਤੇ ਆਰਤੀ ਕੀਤੀ ਅਤੇ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਸੀਐਮ ਯੋਗੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਤਾਰੀਫ ਕੀਤੀ । ਨਾਲ ਹੀ, ਸੀ.ਐੱਮ ਯੋਗੀ ਨੇ ਕਿਹਾ ਕਿ ਅਗਲੇ ਸਾਲ 7 ਲੱਖ 51 ਹਜ਼ਾਰ ਦੀਵੇ ਜਲਾਏ ਜਾਣਗੇ । ਇਸ ਖਾਸ ਮੌਕੇ ‘ਤੇ ਯੂਪੀ ਦੀ ਰਾਜਪਾਲ ਆਨੰਦੀ ਬੇਨ ਵੀ ਮੌਜੂਦ ਰਹੀ । ਰਾਮ ਮੰਦਰ ਦੀ ਨੀਂਹ ਤੋਂ ਬਾਅਦ ਅਯੁੱਧਿਆ ਪਹਿਲੀ ਵਾਰ ਦੀਵਾਲੀ ਮਨਾ ਰਹੀ ਹੈ । ਸੀਐਮ ਯੋਗੀ ਨੇ ਇਸ ਪਲ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਧੰਨਵਾਦ ਕੀਤਾ।
ਇਹ ਵੀ ਦੇਖੋ: ਹਰ ਕਿਸਾਨ ਨੂੰ ਸੁਣਨੀ ਚਾਹੀਦੀ ਹੈ ਇਹ Interview, ਜ਼ਿੰਮੀਦਾਰਾਂ ਦੇ ਪੁੱਤ ਕਿਉਂ ਨਹੀਂ ਕਰਦੇ ਵਾਹੀ ?
