ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦਾ ਇਸਤੇਮਾਲ ਅੱਜ ਲਗਭਗ ਸਾਰੇ ਖੇਤਰਾਂ ਵਿਚ ਹੋਣ ਲੱਗਾ ਹੈ। ਏਆਈ ਦਾ ਇਸਤੇਮਾਲ ਆਮ ਤੌਰ ‘ਤੇ ਭਵਿੱਖਬਾਣੀ ਲਈ ਨਹੀਂ ਹੁੰਦਾ ਹੈ ਪਰ ਹੁਣ ਏਆਈ ਵੀ ਕਬਜ਼ਾ ਕਰਨ ਲਈ ਤਿਆਰ ਹੈ। ਇਕ ਨਵੀਂ ਸੋਧ ਵਿਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਏਆਈ ਆਉਣ ਵਾਲੇ ਭੂਚਾਲ ਦੀ ਜਾਣਕਾਰੀ 70 ਫੀਸਦੀ ਤੱਕ ਠੀਕ ਦੇ ਸਕਦਾ ਹੈ। ਰਿਸਰਚ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਏਆਈ ਇਕ ਹਫਤੇ ਪਹਿਲਾਂ ਹੀ ਭੂਚਾਲ ਬਾਰੇ ਦੱਸ ਦੇਵੇਗਾ।
ਆਸਟਿਨ ਵਿਚ ਟੈਕਸਾਸ ਯੂਨੀਵਰਸਿਟੀ ਨੇ ਇਕ ਅਜਿਹੇ ਏਆਈ ਨੂੰ ਤਿਆਰ ਕੀਤਾ ਹੈ ਜਿਸ ਨੂੰ ਰੀਅਲ ਟਾਈਮ ਵਿਚ ਭੂਚਾਲ ਦਾ ਡਾਟਾ ਤਿਆਰ ਕਰਾਉਣ ਲਈ ਟ੍ਰੇਨਿੰਗ ਦਿੱਤੀ ਗਈ ਹੈ। ਟ੍ਰੇਨਿੰਗ ਦੌਰਾਨ ਇਸ ਏਆਈ ਨੂੰ ਪੁਰਾਣੇ ਭੂਚਾਲ ਦੇ ਡਾਟਾ ਨੂੰ ਦਿੱਤਾ ਗਿਆ ਸੀ। ਇਸ ਏਆਈ ਨੇ ਚੀਨ ਵਿਚ 7 ਮਹੀਨੇ ਦੀ ਟ੍ਰੇਨਿੰਗ ਦੌਰਾਨ 70 ਫੀਸਦੀ ਭੂਚਾਲਾਂ ਦੀ ਇਕ ਹਫਤੇ ਪਹਿਲਾਂ ਹੀ ਸਹੀ ਭਵਿੱਖਬਾਣੀ ਕੀਤੀ ਹੈ, ਜਿਸ ਨਾਲ ਉਮੀਦ ਜਗੀ ਹੈ ਕਿ ਇਸ ਦਾ ਇਸਤੇਮਾਲ ਭਵਿੱਖ ਵਿਚ ਭੂਚਾਲ ਨਾਲ ਹੋਣ ਵਾਲੇ ਨੁਕਸਾਨ ਨੂੰ ਸੀਮਤ ਕਰਨ ਲਈ ਕੀਤਾ ਜਾ ਸਕਦਾ ਹੈ
ਕਈ ਹਫਤਿਆਂ ਦੀ ਰਿਸਰਚ ਦੇ ਬਾਅਦ ਇਸ ਏਆਈ ਦੇ ਰਿਜ਼ਲਟ ਨੂੰ ਜਾਰੀ ਕੀਤਾ ਗਿਆ ਹੈ। ਇਸ AI ਮਾਡਲ ਨੇ ਇਕ ਹਫਤੇ ਪਹਿਲਾਂ ਲਗਭਗ 200 ਸਾਲ ਦੇ ਅੰਦਰ 14 ਭੂਚਾਲਾਂ ਦੀ ਭਵਿੱਖਬਾਣੀ ਕੀਤੀ ਸੀ। ਭੂਚਾਲ ਦੀ ਉਸੇ ਤੀਬਰਤਾ ਦੇ ਨਾਲ ਆਇਆ ਜਿੰਨੀ ਜਾਣਕਾਰੀ ਏਆਈਨੇ ਦਿੱਤੀ ਸੀ। ਹਾਲਾਂਕਿ 1 ਭੂਚਾਲ ਦਾ ਪਤਾ ਲਗਾਉਣ ਵਿਚ ਉਹ ਅਸਫਲ ਰਿਹਾ ਤੇ 8 ਬਾਰੇ ਗਲਤ ਚੇਤਾਵਨੀਆਂ ਦਿੱਤੀਆਂ। ਅਜੇ ਤੱਕ ਇਹ ਸਾਫ ਨਹੀਂ ਹੈ ਕਿ ਇਹ ਦੁਨੀਆ ਦੇ ਕਿਸੇ ਵੀ ਕੋਨੇ ਵਿਚ ਆਪਣਾ ਕੰਮ ਸਹੀ ਤਰੀਕੇ ਨਾਲ ਕਰ ਸਕੇਗਾ ਜਾਂ ਨਹੀਂ। ਸੋਧਕਰਤਾਵਾਂ ਦਾ ਕਹਿਣਾ ਹੈ ਕਿ ਇਸ ਏਆਈ ਦਾ ਇਸਤੇਮਾਲ ਅਮਰੀਕਾ, ਇਟਲੀ, ਜਾਪਾਨ, ਗ੍ਰੀਕ, ਤੁਰਕੀ ਤੇ ਟੈਕਸਾਸ ਵਿਚ ਭੂਚਾਲ ਟ੍ਰੈਕਿੰਗ ਨੈਟਵਰਕ ਨੂੰ ਬੇਹਤਰ ਬਣਾਉਣ ਵਿਚ ਕੀਤਾ ਜਾ ਸਕਦਾ ਹੈ।
