ਅੰਬਾਲਾ ‘ਚ ਗਾਹਕ ਬਣ ਕੇ ਆਏ ਚੋਰ ਦੁਕਾਨ ‘ਚੋਂ ਲੈ ਗਏ ਸੋਨੇ ਦੀਆਂ ਮੁੰਦਰੀਆਂ ਨਾਲ ਭਰਿਆ ਪੈਕਟ

ਹਰਿਆਣਾ ਦੇ ਅੰਬਾਲਾ ‘ਚ ਇਕ ਸੁਨਿਆਰੇ ਦੀ ਦੁਕਾਨ ‘ਤੇ ਗਾਹਕ ਬਣ ਕੇ ਆਏ ਲੁਟੇਰੇ ਚੋਰ ਸੋਨੇ ਦੀਆਂ ਮੁੰਦਰੀਆਂ ਨਾਲ ਭਰਿਆ ਪੈਕਟ ਲੈ ਕੇ ਫ਼ਰਾਰ ਹੋ ਗਏ। ਅਗਲੇ ਦਿਨ ਜਦੋਂ ਸੁਨਿਆਰੇ ਨੂੰ ਚੋਰੀ ਦੀ ਘਟਨਾ ਦਾ ਪਤਾ ਲੱਗਾ ਤਾਂ ਉਸ ਨੇ ਥਾਣਾ ਸਾਹਾ ਨੂੰ ਸ਼ਿਕਾਇਤ ਦੇ ਕੇ ਕਾਰਵਾਈ ਦੀ ਮੰਗ ਕੀਤੀ।

ਪ੍ਰਵੀਨ ਕੁਮਾਰ ਪਿੰਡ ਸਾਹਾ ਵਾਸੀ ਨੇ ਦੱਸਿਆ ਕਿ ਉਸ ਦੀ ਸਾਹਾ ਮੇਨ ਬਾਜ਼ਾਰ ਵਿੱਚ ਇੰਡੀਅਨ ਬੈਂਕ ਨੇੜੇ ਸੁਪਰ ਜਵੈਲਰਜ਼ ਨਾਮ ਦੀ ਦੁਕਾਨ ਹੈ। 5 ਜਨਵਰੀ ਨੂੰ ਉਹ ਆਪਣੀ ਮਾਂ ਨਾਲ ਦੁਕਾਨ ‘ਤੇ ਬੈਠਾ ਸੀ। ਦੁਪਹਿਰ ਸਵਾ ਦੋ ਵਜੇ ਦੇ ਕਰੀਬ ਦੋ ਗਾਹਕ ਉਸ ਦੀ ਦੁਕਾਨ ’ਤੇ ਆਏ ਅਤੇ ਸੋਨੇ ਦੇ ਮੰਗਲਸੂਤਰ ਦਿਖਾਉਣ ਲਈ ਕਿਹਾ। ਉਸ ਨੇ ਵੱਖ-ਵੱਖ ਪੈਕਟਾਂ ‘ਚੋਂ ਮੰਗਲ ਸੂਤਰ ਅਤੇ ਸੋਨੇ ਦੀਆਂ ਮੁੰਦਰੀਆਂ ਕੱਢ ਕੇ ਦਿਖਾਈਆਂ। ਸੁਨਿਆਰੇ ਨੇ ਦੱਸਿਆ ਕਿ ਲੁਟੇਰੇ ਚੋਰਾਂ ਨੇ ਚਕਮਾ ਦੇ ਕੇ ਉਸ ਦੇ 28 ਤੋਂ 30 ਮੁੰਦਰੀਆਂ ਦਾ ਪੈਕੇਟ ਚੋਰੀ ਕਰ ਲਿਆ। ਮੁੰਦਰੀਆਂ ਦਾ ਭਾਰ 90-95 ਗ੍ਰਾਮ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “

ਅਗਲੇ ਦਿਨ ਜਦੋਂ ਉਸ ਨੇ ਆਪਣਾ ਸਾਮਾਨ ਚੈੱਕ ਕੀਤਾ ਤਾਂ ਚੋਰੀ ਦਾ ਪਤਾ ਲੱਗਾ। ਦੁਕਾਨ ‘ਚ ਲੱਗੇ ਸੀਸੀਟੀਵੀ ਫੁਟੇਜ ਦੀ ਜਾਂਚ ਕਰਨ ‘ਤੇ ਦੇਖਿਆ ਗਿਆ ਕਿ 2 ਵਿਅਕਤੀਆਂ ‘ਚੋਂ ਇਕ ਵਿਅਕਤੀ ਉਸ ਦੀ ਮੁੰਦਰੀ ਚੋਰੀ ਕਰਦਾ ਨਜ਼ਰ ਆ ਰਿਹਾ ਹੈ। ਬਾਹਰ ਲੱਗੇ ਸੀਸੀਟੀਵੀ ਫੁਟੇਜ ਦੀ ਜਾਂਚ ਕਰਨ ‘ਤੇ ਪਤਾ ਲੱਗਾ ਕਿ ਇਕ ਨਹੀਂ ਸਗੋਂ 3 ਚੋਰ ਸਨ, ਜੋ ਬਾਈਕ ‘ਤੇ ਆਏ ਸਨ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।