baba ka dhaba opens a new restaurant: ਸੋਸ਼ਲ ਮੀਡੀਆ ‘ਤੇ ਚਰਚਾ ‘ਚ ਆਏ ਅਤੇ ਵਿਵਾਦਾਂ ‘ਚ ਘਿਰੇ ‘ਬਾਬਾ ਕਾ ਢਾਬਾ’ ਦਾ ਹੁਣ ਨਵਾਂ ਪਤਾ ਵੀ ਹੋਵੇਗਾ।ਉਨ੍ਹਾਂ ਨੇ ਮਾਲਵੀਯ ਨਗਰ ‘ਚ ਬਾਬਾ ਕਾ ਢਾਬਾ ਦੇ ਰੈਸਟੋਰੈਂਟ ਦਾ ਉਦਘਾਟਨ ਕੀਤਾ, ਹਾਲਾਂਕਿ ਰੈਸਟੋਰੈਂਟ ਦੇ ਨਾਲ ਪੁਰਾਣਾ ਢਾਬਾ ਵੀ ਚੱਲਦਾ ਰਹੇਗਾ।ਯੂਟਿਊਬਰ ਗੌਰਵ ਵਾਸਨ ਦੇ ਇੱਕ ਵੀਡੀਓ ਤੋਂ ਬਾਅਦ ਬਾਬਾ ਕਾ ਢਾਬਾ ਚਰਚਾ ‘ਚ ਆਇਆ ਸੀ।ਪਰ ਉਸ ਤੋਂ ਬਾਅਦ ਬਾਬਾ ਕਾ ਢਾਬ ਦੇ ਮਾਲਕ ਕਾਂਤਾ ਪ੍ਰਸਾਦ ਨੇ ਗੌਰਵ ‘ਤੇ ਪੈਸਿਆਂ ਦੀ ਹੇਰਾਫੇਰੀ ਦਾ ਦੋਸ਼ ਲਾਇਆ ਸੀ।ਹਾਲ ਹੀ ‘ਚ ਬਾਬਾ ਜਾ ਢਾਬਾ ਦੇ ਮਾਲਕ ਕਾਂਤਾ ਪ੍ਰਸਾਦ ਨੇ ਪੁਲਸ ‘ਚ ਸ਼ਿਕਾਇਤ ਕੀਤੀ ਸੀ ਕਿ ਉਨ੍ਹਾਂ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ ਮਿਲ ਰਹੀ ਸੀ।ਨਾਲ ਹੀ ਸ਼ਿਕਾਇਤ ‘ਚ ਇਹ ਵੀ ਦੋਸ਼ ਲਗਾਇਆ ਸੀ ਕਿ ਧਮਕੀ ਦੇਣ ਵਾਲੇ ਸਖਸ਼ ਨੇ ਆਪਣੇ ਆਪ ਨੂੰ ਗੌਰਵ ਵਾਸਨ ਦਾ ਭਰਾ ਦੱਸਿਆ ਸੀ।ਪਰ ਇਨਾਂ ਸਾਰੇ ਵਿਵਾਦਾਂ ਦੌਰਾਨ ਵੀ ਨਵੇਂ ਰੈਸਟੋਰੈਂਟ ਦੀ ਓਪਨਿੰਗ ਦੇ ਦਿਨ ਕਾਂਤਾ ਪ੍ਰਸਾਦ ਨੇ ਕਿਹਾ ਕਿ ਗੌਰਵ ਨਾਲ ਉਨ੍ਹਾਂ ਦੀ ਕੋਈ ਦੁਸ਼ਮਣੀ ਨਹੀਂ ਹੈ।ਉਹ ਚਾਹੁੰਦੇ ਹਨ ਕਿ ਉਨਾਂ੍ਹ ਦੇ ਰੈਸਟੋਰੈਂਟ ‘ਚ ਖਾਣਾ ਖਾਣ ਆਉਣ, ਉਨਾਂ ਦੀ ਵਜ੍ਹਾ ਨਾਲ ਹੀ ਉਹ ਇੱਥੇ ਤੱਕ ਪਹੁੰਚੇ ਹਨ।ਨਵੇਂ ਰੈਸਟੋਰੈਂਟ ਦੀ ਓਪਨਿੰਗ ਦੇ ਦਿਨ ਕਾਂਤਾ ਪ੍ਰਸਾਦ ਦੀਆਂ ਅੱਖਾਂ ‘ਚ ਹੰਝੂ ਆ ਗਏ।ਕਾਂਤਾ ਪ੍ਰਸਾਦ ਨੇ ਕਿਹਾ ਕਿ ਸਾਨੂੰ ਬਹੁਤ ਖੁਸ਼ੀ ਹੋ ਰਹੀ ਹੈ, ਅਸੀਂ ਕਦੇ ਨਹੀਂ ਸੋਚਿਆ ਸੀ ਕਿ ਅਜਿਹਾ ਰੈਸਰੋਟੈਂਟ ਖੋਲ ਸਕਾਂਗੇ।ਅਸੀਂ ਆਪਣੀ ਜਨਤਾ ਦਾ ਧੰਨਵਾਦ ਕਰਦੇ ਹਾਂ, ਜਿਨ੍ਹਾਂ ਨੇ ਸਾਨੂੰ ਇਹ ਖੁਸ਼ੀ ਦਿੱਤੀ ਹੈ,ਸਾਰਿਆਂ ਦਾ ਧੰਨਵਾਦ ਕੀਤਾ ਹੈ ਜਿਨ੍ਹਾਂ ਨੇ ਇਥੋਂ ਤੱਕ ਪਹੁੰਚਾਇਆ ਹੈ।ਕਾਂਤਾ ਪ੍ਰਸਾਦ ਦੇ ਰੈਸਟੋਰੈਂਟ ਦਾ ਵੀ ਨਾਮ ਵੀ ‘ਬਾਬਾ ਕਾ ਢਾਬਾ’ ਹੀ ਹੈ।ਪੁਰਾਣੇ ਢਾਬੇ ਤੋਂ 5 ਮਿੰਟ ਦੀ ਦੂਰੀ ‘ਤੇ
ਸਿਥਿਤ ਹਨ।ਕਾਂਤਾ ਪ੍ਰਸਾਦ ਨੇ ਇਹ ਥਾਂ ਕਿਰਾਏ ਲਈ ਹੈ।ਕਾਂਤਾ ਪ੍ਰਸਾਦ ਦੇ ਮੁਤਾਬਕ ਰੈਸਟੋਰੈਂਟ ਦੇ ਮੈਨਯੂ ‘ਚ ਇੰਡੀਅਨ ਅਤੇ ਚਾਈਨੀਜ਼ ਖਾਣਾ ਹੋਵੇਗਾ, ਹਾਲਾਂਕਿ ਮੈਨਯੂ ਕਾਰਡ ਬਣ ਕੇ ਆਉਣਾ ਬਾਕੀ ਹੈ।ਰੈਸਟੋਰੈਂਟ ‘ਤੇ ਖਾਣਾ ਬਣਾਉਣ ਲਈ 2 ਸ਼ੈਫ ਰੱਖੇ ਗਏ ਹਨ ਅਤੇ 1 ਸਪੋਰਟਿੰਗ ਸਟਾਫ ਹੈ।ਕਾਂਤਾ ਪ੍ਰਸਾਦ ਆਪਣਾ ਪੁਰਾਣਾ ਢਾਬਾ ਵੀ ਚਲਾਉਣਗੇ ਅਤੇ ਨਵੇਂ ਰੈਸਟੋਰੈਂਟ ਨੂੰ ਚਲਾਉਣ ‘ਚ ਉਨਾਂ ਦੇ ਬੇਟੇ ਉਨ੍ਹਾਂ ਦੀ ਮੱਦਦ ਕਰਨਗੇ।ਰੈਸਟੋਰੈਂਟ ਦੀ ਸਭ ਤੋਂ ਚੰਗੀ ਡਿਸ਼ ਦੇ ਬਾਰੇ ‘ਚ ਕਾਂਤਾਂ ਪ੍ਰਸਾਦ ਨੇ ਕਿਹਾ ਕਿ ਅਸੀਂ ਆਪਣੀ ਤਰ੍ਹਾਂ ਨਾਲ ਮਟਰ ਪਨੀਰ ਬਹੁਤ ਵਧੀਆ ਬਣਾਇਆ ਹੈ।ਬਾਕੀ ਜਨਤਾ ਨੂੰ ਪਸੰਦ ਆਉਣ ‘ਤੇ ਗੱਲ ਹੈ।ਗੌਰਵ ਵਾਸਨ ਦੇ ਨਾਲ ਵਿਵਾਦ ਅਤੇ ਪੁਲਸ ‘ਚ ਦਰਜ ਸ਼ਿਕਾਇਤ ਦੇ ਸਵਾਲ ‘ਤੇ ਕਾਂਤਾ ਪ੍ਰਸਾਦ ਨੇ ਕਿਹਾ ਕਿ ਸਾਨੂੰ ਵਿਵਾਦ ‘ਤੇ ਕੁਝ ਕਹਿਣਾ ਹੀ ਨਹੀਂ ਹੈ।ਸ਼ਿਕਾਇਤ ਦਰਜ ਕਰਾਉਣ ਤੋਂ ਬਾਅਦ ਸਾਨੂੰ ਕੋਈ ਧਮਕੀ ਨਹੀਂ ਮਿਲੀ।ਦੋ ਵਾਰ ਧਮਕੀ ਮਿਲੀ ਸੀ, ਇੱਕ ਵਾਰ ਕਿਹਾ ਸੀ ਕਿ ਅਸੀਂ ਤੁਹਾਡੀ ਦੁਕਾਨ ਸਾੜ ਦੇਵਾਂਗੇ ਅਤੇ ਦੂਜੀ ਵਾਰ ਕਿਹਾ ਸੀ ਤੈਨੂੰ ਜਾਨੋਂ ਮਾਰ ਦਿਆਗੇ।ਕਾਂਤਾ ਪ੍ਰਸਾਦ ਨੇ ਯੂਟਿਊਬਰ ਗੌਰਵ ਨੂੰ ਆਪਣੀ ਨਵੇਂ ਰੈਸਟੋਰੈਂਟ ‘ਚ ਆਉਣ ਦਾ ਸੱਦਾ ਦਿੱਤਾ ਹੈ।ਕਾਂਤਾ ਪ੍ਰਸਾਦ ਦਾ ਕਹਿਣਾ ਹੈ ਕਿ ਅਸੀਂ ਉਸਨੂੰ ਮਾਫ ਕਰ ਦਿੱਤਾ ਹੈ।
