covid 19 vaccine human trial: ਭੁਵਨੇਸ਼ਵਰ: ਕੋਰੋਨਾ ਵਾਇਰਸ ਮਹਾਂਮਾਰੀ ਵਿਰੁੱਧ ਭਾਰਤ ਦੀ ਜੰਗ ਜਾਰੀ ਹੈ। ਓਡੀਸ਼ਾ ਦੀ ਰਾਜਧਾਨੀ ਭੁਵਨੇਸ਼ਵਰ ਵਿੱਚ ਦੇਸੀ ਕੋਵਿਡ -19 ਟੀਕੇ ਦਾ ਟੈਸਟ ਹੋਣ ਜਾ ਰਿਹਾ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ‘ਕੋਵੈਕਸੀਨ’ ਦੇ ਮਨੁੱਖੀ ਅਜ਼ਮਾਇਸ਼ਾਂ ਦੇ ਦੂਜੇ ਪੜਾਅ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਮੈਡੀਕਲ ਸਾਇੰਸ ਅਤੇ ਐਸਯੂਐਮ ਹਸਪਤਾਲ ਦੇ ਮਾਹਿਰ ਡਾਕਟਰ ਈ. ਵੈਂਕਟਾ ਰਾਓ ਨੇ ਕਿਹਾ, “ਪੜਾਅ -1 ਦਾ ਟ੍ਰਾਇਲ ਚੱਲ ਰਿਹਾ ਹੈ। ਅਸੀਂ ਛੇਤੀ ਹੀ ਟੈਸਟ ਦੇ ਦੂਜੇ ਪੜਾਅ ਨੂੰ ਸ਼ੁਰੂ ਕਰਨ ਦੀ ਤਿਆਰੀ ਕਰ ਰਹੇ ਹਾਂ।” ਉਨ੍ਹਾਂ ਕਿਹਾ ਕਿ ਟੈਸਟ ਵਿੱਚ ਸ਼ਾਮਿਲ ਵਾਲਟੀਅਰ ਉੱਤੇ ਟੀਕੇ ਦੀ ਵਰਤੋਂ ਲਹੂ ਦੇ ਨਮੂਨਿਆਂ ਰਾਹੀਂ ਕੀਤੀ ਜਾ ਰਹੀ ਹੈ ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਇਹ ਟੀਕਾ ਪ੍ਰਤੀਰੋਧਕਤਾ ਪੈਦਾ ਕਰਨ ਵਿੱਚ ਕਿੰਨਾ ਪ੍ਰਭਾਵਸ਼ਾਲੀ ਹੈ। ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਅਜੇ ਤੱਕ ਟੀਕੇ ਦੇ ਟ੍ਰਾਇਲ ਦੇ ਪਹਿਲੇ ਪੜਾਅ ਵਿੱਚ ਕੋਈ ‘ਮਾੜਾ ਪ੍ਰਭਾਵ’ ਨਹੀਂ ਆਇਆ ਹੈ।
ਹਾਲਾਂਕਿ ਆਗਰਾ ਦੇ ਐਸ ਐਨ ਮੈਡੀਕਲ ਕਾਲਜ ਵਿਖੇ 1 ਸਤੰਬਰ ਤੋਂ ਸ਼ੁਰੂ ਹੋਣ ਜਾ ਰਿਹਾ ਕੋਵੈਕਸੀਨ ਦਾ ਟ੍ਰਾਇਲ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਇਹ ਡਾਟਾ ਇਕੱਤਰ ਕਰਨ ਦੀ ਪ੍ਰਕਿਰਿਆ ਵਿੱਚ ਆਈ ਦੇਰੀ ਅਤੇ ਆਈਸੀਐਮਆਰ ਦੇ ਪਹਿਲੇ ਪੜਾਅ ਦੇ ਵਿਸ਼ਲੇਸ਼ਣ ਦੇ ਕਾਰਨ ਹੋਇਆ ਹੈ। ਆਗਰਾ ਵਿੱਚ ਕੁੱਲ 700 ਵਾਲੰਟੀਅਰਾਂ ਦੀ ਜਾਂਚ ਕੀਤੀ ਜਾਣੀ ਸੀ। ਟੈਸਟ ਨਾਲ ਜੁੜੇ ਮਾਹਿਰ ਕਹਿੰਦੇ ਹਨ ਕਿ ਆਈ ਸੀ ਐਮ ਆਰ ਟੈਸਟ ਸ਼ੁਰੂ ਕਰਨ ਲਈ ਅਗਲੀ ਤਰੀਕ ਦਾ ਐਲਾਨ ਕਰੇਗੀ। ਉਸ ਤੋਂ ਬਾਅਦ ਹੀ ਆਗਰਾ ਵਿੱਚ ਟੀਕੇ ਦੀ ਜਾਂਚ ਕੀਤੀ ਜਾਏਗੀ। ਤੁਹਾਨੂੰ ਦੱਸ ਦੇਈਏ ਕਿ ਓਡੀਸ਼ਾ ਵਿੱਚ ਕੋਰੋਨਾ ਵਾਇਰਸ ਦੇ ਸੰਕਰਮਣ ਦੇ ਕੇਸ ਇੱਕ ਲੱਖ ਨੂੰ ਪਾਰ ਕਰ ਗਏ ਹਨ। 2 ਹਜ਼ਾਰ 602 ਨਵੇਂ ਕੇਸਾਂ ਦੀ ਆਮਦ ਤੋਂ ਬਾਅਦ ਮਰੀਜ਼ਾਂ ਦੀ ਕੁੱਲ ਗਿਣਤੀ ਇੱਕ ਲੱਖ ਤੋਂ ਪਾਰ ਹੋ ਗਈ ਹੈ। ਜਦੋਂ ਕਿ 10 ਮ੍ਰਿਤਕਾਂ ਦੀ ਗਿਣਤੀ ਦੇ ਨਾਲ, ਰਾਜ ਵਿਚ ਮਹਾਂਮਾਰੀ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ 492 ਤੱਕ ਪਹੁੰਚ ਗਈ ਹੈ।
