ਦਿੱਲੀ ਦੇ ਈਸਟ ਆਫ ਕੈਲਾਸ਼ ਵਿਚ ਸਥਿਤ ਸਿਸਟਮ ਮੈਕਸ ਪੈੱਟਸ ਕੇਅਰ ਹਸਪਤਾਲ ਜਾਨਵਰਾਂ ਦੇ ਇਲਾਜ ਲਈ ਸਭ ਤੋਂ ਨੰਬਰ ਵਨ ਹਸਪਤਾਲਾਂ ਵਿਚੋਂ ਇਕ ਹੈ। ਇਸ ਹਸਪਤਾਲ ਦੇ ਡਾਕਟਰ ਨੇ ਇਕ ਕੁੱਤੇ ਦਾ ਇਲਾਜ ਕਰਕੇ ਅਜਿਹਾ ਕਮਾਲ ਕੀਤਾ ਹੈ ਜੋ ਹੁਣ ਤੱਕ ਭਾਰਤ ਦੇ ਕਿਸੇ ਵੀ ਹੋਰ ਹਸਪਤਾਲ ਵਿਚ ਨਹੀਂ ਹੋਇਆ ਹੈ। ਇਸ ਡਾਕਟਰ ਨੇ ਕਿਵੇਂ ਜਾਨਵਰਾਂ ਦੇ ਮੈਡੀਕਲ ਦੇ ਖੇਤਰ ਵਿਚ ਇਹ ਚਮਤਕਾਰ ਕਰਕੇ ਦਿਖਾਇਆ ਹੈ।
ਦਰਅਸਲ ਇਸ ਸਰਜਰੀ ਦੀ ਕਾਰਡੀਓਲਾਜਿਸਟ ਡਾ. ਭਾਣੂ ਦੇਵ ਸ਼ਰਮਾ ਨੇ ਕੀਤਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਉਹ ਇਸ ਫੀਲਡ ਵਿਚ 16 ਸਾਲਾਂ ਤੋਂ ਜਾਨਵਰਾਂ ਦਾ ਇਲਾਜ ਕਰਨ ਦਾ ਕੰਮ ਕਰ ਰਹੇ ਹਨ। ਜਦੋਂ ਡਾਕਟਰਾਂ ਤੋਂ ਇਸ ਹਾਰਟ ਸਰਜਰੀ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਦਿੱਲੀ ਦਾ ਰਹਿਣ ਵਾਲਾ ਬੀਗਲ ਜੂਲੀਅਟ ਨਾ ਦਾ ਕੁੱਤਾ ਪਿਛਲੇ 2 ਸਾਲਾਂ ਤੋਂ ਮਾਈਟ੍ਰਲ ਵਾਲਵ ਦੀ ਬੀਮਾਰੀ ਨਾਲ ਪੀੜਤ ਸੀ। ਜਾਨਵਰ ਵਿਚ ਅਜਿਹੀ ਸਥਿਤੀ ਦੀ ਸ਼ੁਰੂਆਤ ਉਦੋਂ ਹੁੰਦੀ ਹੈ ਜਦੋਂ ਮਾਈਟ੍ਰਲ ਵਾਲਵ ਲੀਫਲੈਟਸ ਵਿਚ ਅੰਦਰੂਨੀ ਬਦਲਾਅ ਹੁੰਦੇ ਹਨ ਜਿਸ ਕਾਰਨ ਹਾਰਟ ਦੀ ਖੱਬੇ ਸਾਈਡ ਵਿਚ ਬਲਾਕੇਜ ਹੋਣ ਲੱਗਦੇ ਹਨ ਪਰ ਇਸ ਸਰਜਰੀ ਦੇ ਬਾਅਦ ਹਾਰਟ ਅੰਦਰ ਬਲੱਡ ਸਰਕੂਲੇਸ਼ਨ ਵਾਪਸ ਠੀਕ ਹੋ ਜਾਂਦਾ ਹੈ। ਜੇਕਰ ਇਸ ਬੀਮਾਰੀ ਦਾ ਇਲਾਜ ਸਮੇਂ ਰਹਿੰਦੇ ਨਾ ਕੀਤਾ ਗਿਆ ਤਾਂ ਹਾਰਟ ਫੇਲ ਹੋਣ ਦੀ ਸੰਭਾਵਨਾ ਹੋ ਸਕਦੀ ਹੈ ਜਿਸ ਵਜ੍ਹਾ ਤੋਂ ਕੁੱਤਿਆਂ ਦੀ ਜਾਨ ਚਲੀ ਜਾਂਦੀ ਹੈ।
ਇਸ ਤਰ੍ਹਾਂ ਦੀ ਬੀਮਾਰੀ ਵਿਚ ਸਿਰਫ ਮੈਡੀਸਨ ਤੇ ਡਾਇਲਸਿਸ ਦਾ ਸਹਾਰਾ ਲਿਆ ਜਾਂਦਾ ਸੀ ਪਰ ਕੁਝ ਸਾਲ ਪਹਿਲਾਂ ਚੀਨ ਦੇ ਸ਼ੰਘਾਈ ਵਿਚ ਇਕ ਟ੍ਰੇਨਿੰਗ ਸੈਂਟਰ ਵਿਚ ਸਰਜਰੀ ਬਾਰੇ ਸਭ ਤੋਂ ਪਹਿਲਾ ਰਿਸਰਚ ਕੀਤਾ ਗਿਆ ਸੀ ਜਿਸ ਵਿਚ ਡਾਕਟਰ ਵੀ ਸ਼ਾਮਲ ਸਨ। ਇਸ ਦੇ ਬਾਅਦ ਸਭ ਤੋਂ ਪਹਿਲਾਂ USA ਦੇ ਕੋਲੋਰਾਡੋ ਸਟੇਟ ਯੂਨੀਵਰਸਿਟੀ ਅੰਦਰ ਇਸ ਸਰਜਰੀ ਨੂੰ 2 ਸਾਲ ਪਹਿਲਾਂ ਕੀਤਾ ਗਿਆ ਸੀ। ਹੁਣ ਇਸ ਸਰਜਰੀ ਦੀ ਸਫਲਤਾ ਨਾਲ ਭਾਰਤ ਵਿਚ ਪਹਿਲੀ ਵਾਰ ਕੀਤਾ ਗਿਆ ਹੈ। ਜੇਕਰ ਪ੍ਰਾਈਵੇਟ ਹਸਪਤਾਲਾਂ ਵਿਚ ਦੇਖਿਆ ਜਾਵੇ ਤਾਂ ਇਹ ਏਸ਼ੀਆ ਦੀ ਸਭ ਤੋਂ ਪਹਿਲੀ ਸਰਜਰੀ ਹੈ। ਸਰਜਰੀ ਦੀ ਕੀਮਤ ਦੀ ਗੱਲ ਕਰੀਏ ਤਾਂ ਡਾਕਟਰ ਨੇ ਦੱਸਿਆ ਕਿ ਇਹ ਸਰਜਰੀ 8 ਤੋਂ 10 ਲੱਖ ਰੁਪਏ ਵਿਚ ਪੂਰੀ ਹੋ ਜਾਂਦੀ ਹੈ।
ਇਹ ਵੀ ਪੜ੍ਹੋ : ‘EVM ‘ਤੇ ਅਫਵਾਹ ਫੈਲਾਈ ਜਾ ਰਹੀ ਹੈ’, ਐਲੋਨ ਮਸਕ ਤੇ ਰਾਹੁਲ ਗਾਂਧੀ ਦੇ ਦੋਸ਼ਾਂ ‘ਤੇ ਚੋਣ ਕਮਿਸ਼ਨ ਦਾ ਜਵਾਬ
ਕੁੱਤੇ ਅੰਦਰ ਇਕ ਵਾਲਵ ਕਲੈਂਪ ਦਾ ਇਸਤੇਮਾਲ ਕਰਕੇ ਟ੍ਰਾਂਸਕੈਥੇਟਰ ਏਜ-ਟੂ-ਏਜ ਰਿਪੇਅਰ ਪ੍ਰਕਿਰਿਆ ਕੀਤੀ ਜਿਸ ਨੂੰ ਹਾਈਬ੍ਰਿਜ ਸਰਜਰੀ ਕਿਹਾ ਜਾਂਦਾ ਹੈ। ਇਹ ਇਕ ਮਾਈਕ੍ਰੋ ਸਰਜਰੀ ਤੇ ਇੰਟਰਵੈਂਸ਼ਨਰ ਪ੍ਰਕਿਰਿਆ ਦਾ ਜੋੜ ਹੈ। ਇਸ ਪ੍ਰਕਿਰਿਆ ਬਾਰੇ ਸਭ ਤੋਂ ਚੰਗੀ ਗੱਲ ਇਹ ਹੈ ਕਿ ਇਹ ਨਿਊਨਮਤ ਇਨਵੇਸਿਵ ਹੈ ਕਿਉਂਕਿ ਇਹ ਧੜਕਣ ਵਾਲੇ ਦਿਲ ਦੀ ਪ੍ਰਕਿਰਿਆ ਹੈ। ਇਹ ਓਪਨ ਹਾਰਟ ਸਰਜਰੀ ਦੀ ਤਰ੍ਹਾਂ ਨਹੀਂ ਹੈ ਜਿਸ ਲਈ ਦਿਲ, ਫੇਫੜੇ ਦੀ ਬਾਈਪਾਸ ਮਸ਼ੀਨ ਦੀ ਲੋੜ ਹੁੰਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
