Ganesh Chaturthi 2020: ਅੱਜ ਦੇਸ਼ ਭਰ ਵਿੱਚ ਗਣੇਸ਼ ਚਤੁਰਥੀ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਗਣਪਤੀ ਜੀ ਦਾ ਜਨਮ ਭਾਦਰਪਦ ਸ਼ੁਕਲ ਚਤੁਰਥੀ ਦੇ ਦਿਨ ਹੋਇਆ ਸੀ, ਇਸ ਲਈ ਇਸ ਦਿਨ ਨੂੰ ਗਣੇਸ਼ ਚਤੁਰਥੀ ਦੇ ਤੌਰ ‘ਤੇ ਮਨਾਇਆ ਜਾਂਦਾ ਹੈ। ਅੱਜ ਤੋਂ ਸ਼ੁਰੂ ਹੋਇਆ ਗਣਪਤੀ ਤਿਉਹਾਰ ਲਗਭਗ ਦਸ ਦਿਨ ਚੱਲੇਗਾ। ਇਸ ਤੋਂ ਬਾਅਦ ਅਨੰਤ ਚਤੁਰਾਦਸ਼ੀ ‘ਤੇ ਗਣਪਤੀ ਵਿਸਰਜਨ ਕੀਤਾ ਜਾਵੇਗਾ। ਮਹਾਰਾਸ਼ਟਰ ਵਿੱਚ ਇਹ ਤਿਉਹਾਰ ਗਣੇਸ਼ ਉਤਸਵ ਦੇ ਰੂਪ ਵਿੱਚ ਮਨਾਇਆ ਜਾਂਦਾ ਹੈ। ਇਸ ਦੌਰਾਨ ਗਣੇਸ਼ ਜੀ ਨੂੰ ਵਿਸ਼ਾਲ ਢੰਗ ਨਾਲ ਸਜਾ ਕੇ ਪੂਜਾ ਕੀਤੀ ਜਾਂਦੀ ਹੈ।
ਗਣੇਸ਼ ਚਤੁਰਥੀ ਦਾ ਸ਼ੁੱਭ ਮਹੂਰਤ
ਸਵੇਰੇ 11.07 ਤੋਂ 1.42 ਮਿੰਟ ਤੱਕ
ਸ਼ਾਮ 4.23 ਤੋਂ 7.22 ਮਿੰਟ ਤੱਕ
ਰਾਤ ਵਿੱਚ 9.12 ਮਿੰਟ ਤੋਂ 11.23 ਮਿੰਟ ਤੱਕ
ਚੰਦਰਮਾ ਦਰਸ਼ਨ ਨਾ ਕਰਨ ਦਾ ਸਮਾਂ: ਰਾਤ 9.07 ਤੋਂ ਲੈ ਕੇ 9.25 ਤੱਕ
ਗਣੇਸ਼ ਚਤੁਰਥੀ ਵਰਤ ਦੀ ਪੂਜਾ ਵਿਧੀ
-ਸਵੇਰੇ ਇਸ਼ਨਾਨ ਕਰਨ ਤੋਂ ਬਾਅਦ ਸੋਨੇ, ਤਾਂਬੇ ਅਤੇ ਮਿੱਟੀ ਦੀ ਗਣੇਸ਼ ਪ੍ਰਤਿਮਾ ਲਓ।
-ਇੱਕ ਕਲਸ਼ ਨੂੰ ਪਾਣੀ ਨਾਲ ਭਰ ਕੇ ਉਸਦੇ ਮੂੰਹ ‘ਤੇ ਲਾਲ ਕੱਪੜਾ ਬੰਨ੍ਹੋ ਅਤੇ ਉਸਦੇ ਉੱਤੇ ਗਣੇਸ਼ ਜੀ ਨੂੰ ਵਿਰਾਜਮਾਨ ਕਰੋ।
-ਗਣੇਸ਼ ਜੀ ਨੂੰ ਸਿੰਦੂਰ ਭੇਟ ਕਰੋ ਅਤੇ 21 ਲੱਡੂਆਂ ਦਾ ਭੋਗ ਲਗਾਓ।
— ਸ਼ਾਮ ਨੂੰ ਗਣੇਸ਼ ਚਤੁਰਥੀ ਦੀ ਕਥਾ, ਗਣੇਸ਼ ਚਾਲੀਸਾ ਅਤੇ ਆਰਤੀ ਪੜ੍ਹਨ ਤੋਂ ਬਾਅਦ ਚੰਦਰਮਾ ਨੂੰ ਅਰਘ ਦੇਣਾ ਚਾਹੀਦਾ ਹੈ।
ਗਣੇਸ਼ ਚਤੁਰਥੀ ਦਾ ਮਹੱਤਵ
ਦੱਸ ਦੇਈਏ ਕਿ ਕੋਈ ਵੀ ਕੰਮ ਸ਼ੁਰੂ ਕਰਨ ਤੋਂ ਪਹਿਲਾਂ ਗਣੇਸ਼ ਦੀ ਪੂਜਾ ਕੀਤੀ ਜਾਂਦੀ ਹੈ। ਬੱਪਾ ਗਣਾਂ ਦੇ ਸਵਾਮੀ ਹਨ, ਇਸੇ ਕਾਰਨ ਉਨ੍ਹਾਂ ਦਾ ਇੱਕ ਨਾਮ ਗਣਪਤੀ ਹੈ। ਗਣੇਸ਼ ਚਤੁਰਥੀ ਨੂੰ ਵਿਨਾਯਕ ਚਤੁਰਥੀ ਵੀ ਕਿਹਾ ਜਾਂਦਾ ਹੈ। ਬਹੁਤ ਸਾਰੀਆਂ ਥਾਵਾਂ ‘ਤੇ ਇਸਨੂੰ ਡੰਡਾ ਚੌਥ ਵੀ ਕਿਹਾ ਜਾਂਦਾ ਹੈ। ਗਣੇਸ਼ ਜੀ ਗਿਆਨ ਅਤੇ ਬੁੱਧੀ ਦਾ ਦਾਤਾ, ਵਿਘਰ-ਵਿਨਾਸ਼ਕਾਰੀ ਅਤੇ ਮੰਗਲਕਾ ਮੰਨੇ ਜਾਂਦੇ ਹਨ। ਗਣੇਸ਼ ਚਤੁਰਥੀ ‘ਤੇ ਵਿਸ਼ੇਸ਼ ਗਣੇਸ਼ ਜੀ ਦੀ ਪੂਜਾ ਕੀਤੀ ਜਾਂਦੀ ਹੈ। ਜਦੋਂ ਗਣੇਸ਼ ਚਤੁਰਥੀ ਮੰਗਲਵਾਰ ਦੇ ਦਿਨ ਆਉਂਦੀ ਹੈ, ਤਾਂ ਇਸਨੂੰ ਅੰਗਾਰਕ ਚਤੁਰਥੀ ਕਿਹਾ ਜਾਂਦਾ ਹੈ।
