Heavy Rain in Maharashtra: ਮੁੰਬਈ: ਮਹਾਰਾਸ਼ਟਰ ਦੇ ਕਈ ਜ਼ਿਲ੍ਹਿਆਂ ਵਿੱਚ ਮੀਂਹ ਆਫ਼ਤ ਬਣ ਗਿਆ ਹੈ। ਇਸ ਕਾਰਨ ਹੜ੍ਹਾਂ ਦੀ ਸਥਿਤੀ ਵੀ ਬਣ ਗਈ ਹੈ ਅਤੇ ਸੜਕਾਂ ਨਦੀ ਵਿੱਚ ਤਬਦੀਲ ਹੋ ਗਈਆਂ ਹਨ। ਪੁਣੇ, ਸੋਲਾਪੁਰ, ਸੰਗਲੀ ਜਿਹੇ ਕਈ ਜ਼ਿਲ੍ਹਿਆਂ ਵਿੱਚ ਹੜ ਵਰਗੇ ਹਾਲਾਤ ਹਨ। ਮੀਂਹ ਨੇ ਉਨ੍ਹਾਂ ਕਿਸਾਨਾਂ ਦੀ ਚਿੰਤਾ ਵਧਾ ਦਿੱਤੀ ਹੈ ਜਿਨ੍ਹਾਂ ਦੀ ਫਸਲ ਇਸ ਦੀ ਮਾਰ ਝੱਲ ਰਹੀ ਹੈ। ਆਂਧਰਾ ਪ੍ਰਦੇਸ਼ ਅਤੇ ਤੇਲੰਗਾਨਾ ਤੋਂ ਬਾਅਦ ਮਹਾਰਾਸ਼ਟਰ ਵਿੱਚ ਵੀ ਮੀਂਹ ਦਾ ਤੂਫਾਨ ਜਾਰੀ ਹੈ। ਰਾਜ ਦੇ ਕਈ ਜ਼ਿਲ੍ਹਿਆਂ ਵਿੱਚ ਪਏ ਤੇਜ਼ ਮੀਂਹ ਤੋਂ ਬਾਅਦ ਤਬਾਹੀ ਦੀਆਂ ਕਈ ਤਸਵੀਰਾਂ ਸਾਹਮਣੇ ਆਉਂਦੀਆਂ ਹਨ, ਕਈ ਇਲਾਕਿਆਂ ਵਿੱਚ ਕੁੱਝ ਘੰਟਿਆਂ ਤੋਂ ਰੈਡ ਅਲਰਟ ਜਾਰੀ ਹੈ। ਆਂਧਰਾ ਅਤੇ ਤੇਲੰਗਾਨਾ ਵਿੱਚ ਬਾਰਿਸ਼ ਕਾਰਨ ਦੋ ਦਰਜਨ ਤੋਂ ਵੱਧ ਲੋਕ ਆਪਣੀ ਜਾਨ ਗੁਆ ਚੁੱਕੇ ਹਨ। ਪੁਣੇ ਦੇ ਇੰਦਾਪੁਰ ਵਿੱਚ ਇੱਕ ਵਿਅਕਤੀ ਤੇਜ਼ ਵਹਾਅ ਵਿੱਚ ਵਹਿ ਰਿਹਾ ਸੀ, ਜੇਸੀਬੀ ਮਸ਼ੀਨ ਦੀ ਮਦਦ ਨਾਲ ਉਸ ਦੀ ਜਾਨ ਕਿਸੇ ਤਰ੍ਹਾਂ ਬਚਾਈ ਜਾ ਸਕੀ। ਸਾਂਗਲੀ ਵਿੱਚ ਵੀ ਹੜ ਵਰਗੇ ਹਾਲਾਤ ਦਿਖਾਈ ਦਿੱਤੇ। ਮੀਂਹ ਦੇ ਜ਼ੋਰ ਦੇ ਕਾਰਨ, ਇੱਕ ਬਜ਼ੁਰਗ ਔਰਤ ਨੂੰ ਮੋਢਿਆਂ ‘ਤੇ ਚੁੱਕ ਕੇ ਸੁਰੱਖਿਅਤ ਜਗ੍ਹਾ ਲਿਜਾਇਆ ਗਿਆ। ਸੋਲਾਪੁਰ ਵਿੱਚ ਵੀ, ਮੀਂਹ ਕਾਰਨ ਵੱਖ ਵੱਖ ਖੇਤਰਾਂ ਵਿੱਚ ਫਸੇ ਲੋਕਾਂ ਨੂੰ ਐਨਡੀਆਰਐਫ ਦੀ ਸਹਾਇਤਾ ਨਾਲ ਸੁਰੱਖਿਅਤ ਥਾਵਾਂ ਤੇ ਤਬਦੀਲ ਕਰ ਦਿੱਤਾ ਗਿਆ ਹੈ।
ਪਿੰਡਾਂ ਨੂੰ ਪਾਣੀ ਵਿੱਚ ਡੁੱਬਦਿਆਂ ਦੇਖ ਲੋਕ ਟਰੈਕਟਰਾਂ ਰਾਹੀਂ ਕਿਸੇ ਸੁਰੱਖਿਅਤ ਜਗ੍ਹਾ ਵੱਲ ਜਾਂਦੇ ਵੇਖੇ ਗਏ। ਕਈ ਨਦੀਆਂ ਮੀਂਹ ਕਾਰਨ ਖ਼ਤਰੇ ਦੇ ਨਿਸ਼ਾਨ ਨੂੰ ਪਾਰ ਕਰਨ ਵਾਲੀਆਂ ਹਨ। ਬਾਰਾਮਤੀ ਵਿੱਚ ਲੋਕਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਹਾਲ ਦੇ ਸਾਲਾਂ ਵਿੱਚ ਇੰਨੀ ਬਾਰਿਸ਼ ਨਹੀਂ ਵੇਖੀ ਹੈ! ਅਜਿਹੀ ਹੀ ਸਥਿਤੀ ਅਹਿਮਦਨਗਰ ਵਿੱਚ ਵੀ ਹੈ। ਮੀਂਹ ਕਾਰਨ ਫਸੇ ਲੋਕ ਸੁਰੱਖਿਅਤ ਢੰਗ ਨਾਲ ਬਾਹਰ ਨਿਕਲਣ ਦੇ ਯੋਗ ਹੋ ਗਏ ਹਨ। ਬੁੱਲਦਾਨਾ, ਸਾਂਗਲੀ, ਸੋਲਾਪੁਰ ਵਰਗੇ ਕਈ ਜ਼ਿਲ੍ਹਿਆਂ ਤੋਂ ਪੂਰੀ ਤਰ੍ਹਾਂ ਤਬਾਹ ਹੋਈ ਫਸਲਾਂ ਦੀਆਂ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ। ਮੀਂਹ ਕਾਰਨ ਮੁੰਬਈ ਦੇ ਕੁੱਝ ਨੀਵੇਂ ਇਲਾਕਿਆਂ ਵਿੱਚ ਵੀ ਪਾਣੀ ਭਰਿਆ ਦੇਖਿਆ ਗਿਆ ਹੈ। ਐਨਡੀਆਰਐਫ ਨੇ ਰਾਹਤ ਅਤੇ ਬਚਾਅ ਕਾਰਜਾਂ ਲਈ 3 ਟੀਮਾਂ ਮਹਾਰਾਸ਼ਟਰ ਭੇਜੀਆਂ ਹਨ, ਇਹ ਟੀਮਾਂ ਸੋਲਾਪੁਰ, ਪੁਣੇ ਅਤੇ ਲਾਤੂਰ ਵਿੱਚ ਤਾਇਨਾਤ ਕੀਤੀਆਂ ਗਈਆਂ ਹਨ। ਮੌਸਮ ਵਿਭਾਗ ਨੇ ਮੱਧ ਮਹਾਰਾਸ਼ਟਰ ਦੇ ਕੋਂਕਣ ਦੇ ਕੁੱਝ ਇਲਾਕਿਆਂ ਲਈ ਕੁੱਝ ਘੰਟਿਆਂ ਲਈ ਰੈਡ ਅਲਰਟ ਜਾਰੀ ਕੀਤਾ ਹੈ।
