icmr sero survey report: ਨਵੀਂ ਦਿੱਲੀ: ਦੇਸ਼ ਵਿੱਚ ਕੋਰੋਨਾ ਸੰਕਟ ਨੇ ਇੱਕ ਵੱਡਾ ਰੂਪ ਧਾਰਨ ਕਰ ਲਿਆ ਹੈ ਅਤੇ ਭਾਰਤ ‘ਚ 45 ਲੱਖ 50 ਹਜ਼ਾਰ ਤੋਂ ਜ਼ਿਆਦਾ ਕੋਰੋਨਾ ਸੰਕਰਮਣ ਦੇ ਮਾਮਲੇ ਸਾਹਮਣੇ ਆਏ ਹਨ। ਇਸ ਬਿਮਾਰੀ ਕਾਰਨ ਦੇਸ਼ ਵਿੱਚ 76 ਹਜ਼ਾਰ ਤੋਂ ਵੱਧ ਲੋਕ ਆਪਣੀ ਜਾਨ ਗੁਆ ਚੁੱਕੇ ਹਨ। ਇਸ ਦੌਰਾਨ ਇੱਕ ਅਜਿਹਾ ਅੰਕੜਾ ਸਾਹਮਣੇ ਆਇਆ ਹੈ ਜੋ ਤੁਹਾਨੂੰ ਹੈਰਾਨ ਕਰ ਦੇਵੇਗਾ। ICMR ਨੇ ਕੁੱਝ ਦਿਨ ਪਹਿਲਾਂ ਇੱਕ ਰਾਸ਼ਟਰੀ ਸੀਰੋਲੌਜੀਕਲ ਸਰਵੇ ਕੀਤਾ ਸੀ, ਜਿਸ ਦੇ ਨਤੀਜੇ ਸਾਹਮਣੇ ਆਏ ਹਨ। ਇੱਕ ਹੈਰਾਨ ਕਰਨ ਵਾਲੀ ਗੱਲ ਸਾਹਮਣੇ ਆਈ ਹੈ ਕਿ ਮਈ ਦੀ ਸ਼ੁਰੂਆਤ ਤੱਕ 64 ਲੱਖ (64,68,388) ਲੋਕਾਂ ਨੂੰ ਕੋਰੋਨਾ ਵਾਇਰਸ ਦਾ ਸਾਹਮਣਾ ਕਰਨਾ ਪਿਆ। ਜੇ ਅਸੀਂ ਇਸ ਨੂੰ ਪ੍ਰਤੀਸ਼ਤਤਾ ਵਿੱਚ ਵੇਖੀਏ ਤਾਂ ਇਹ 0.73 ਪ੍ਰਤੀਸ਼ਤ ਬਾਲਗਾਂ ਦੀ ਕੋਰੋਨਾ ਨਾਲ ਸੰਕਰਮਿਤ ਹੋਣ ਦੀ ਗੱਲ ਹੈ।ਇਹ ਰਾਸ਼ਟਰੀ ਸੀਰੋਲਾਜੀਕਲ ਸਰਵੇਖਣ 21 ਰਾਜਾਂ ਦੇ 70 ਜ਼ਿਲ੍ਹਿਆਂ ਦੇ 700 ਪਿੰਡਾਂ ਜਾਂ ਵਾਰਡਾਂ ਵਿੱਚ ਕੀਤਾ ਗਿਆ ਸੀ। ਇਨ੍ਹਾਂ ਵਿੱਚੋਂ 181 ਅਰਥਾਤ 25.9 ਫ਼ੀਸਦੀ ਸ਼ਹਿਰੀ ਖੇਤਰ ਸਨ। ਜੇ ਇਸ ਨੂੰ ਦੂਜੇ ਸ਼ਬਦਾਂ ਵਿੱਚ ਕਿਹਾ ਜਾਵੇ ਤਾਂ ਸਿਰੋ ਦੇ ਸਰਵੇਖਣ ਅਨੁਸਾਰ ਆਰਟੀ-ਪੀਸੀਆਰ ਤੋਂ ਇੱਕ ਪੁਸ਼ਟੀ ਕੀਤਾ ਸਕਾਰਾਤਮਕ ਕੇਸ ਸਾਹਮਣੇ ਆ ਰਿਹਾ ਸੀ ਜਦੋਂ ਕਿ ਮਈ ਦੌਰਾਨ ਉਸ ਸਮੇਂ ਕੋਰੋਨਾ ਦੀ ਲਾਗ ਦੇ 82 ਤੋਂ 130 ਮਾਮਲੇ ਸਾਹਮਣੇ ਆ ਰਹੇ ਸਨ।
ਸੀਰੋ ਸਰਵੇ ਦੇ ਅਨੁਸਾਰ, ਉਸ ਸਮੇਂ ਜਿੱਥੇ ਸੰਕਰਮਣ ਦੇ ਕੇਸ ਸਾਹਮਣੇ ਨਹੀਂ ਆਏ ਉਨ੍ਹਾਂ ਦਾ ਅਸਲ ਕਾਰਨ ਇਹ ਹੈ ਕਿ ਉਨ੍ਹਾਂ ਇਲਾਕਿਆਂ ਵਿੱਚ ਟੈਸਟਿੰਗ ਦੀ ਕੋਈ ਸਹੂਲਤ ਨਹੀਂ ਸੀ ਅਤੇ ਕੋਰੋਨਾ ਟੈਸਟਾਂ ਦੀ ਚੰਗੀ ਗਿਣਤੀ ਵੀ ਨਹੀਂ ਸੀ। ਇਸ ਤੋਂ ਇਲਾਵਾ, ਜਦੋਂ ਇਹ ਸਰਵੇਖਣ ਕੀਤਾ ਗਿਆ ਸੀ, ਉਸ ਸਮੇਂ ਦੇਸ਼ ਵਿੱਚ ਲੌਕਡਾਊਨ ਵੀ ਲੱਗਿਆ ਹੋਇਆ ਸੀ। ਇਹ ਸਰਵੇ 11 ਮਈ ਤੋਂ 4 ਜੂਨ ਦੇ ਵਿਚਕਾਰ ਕੀਤਾ ਗਿਆ ਸੀ ਅਤੇ ਇਸ ਵਿੱਚ 28,000 ਲੋਕਾਂ ਨੂੰ ਸ਼ਾਮਿਲ ਕੀਤਾ ਗਿਆ ਸੀ ਜਿਨ੍ਹਾਂ ਦੇ ਖੂਨ ਦੇ ਨਮੂਨਿਆਂ ਵਿੱਚ ਐਂਟੀਬਾਡੀ ਪਾਏ ਗਏ ਸਨ ਜੋ ਕੋਵਿਡ ਕਵਚ ELISA ਕਿੱਟ ਦੀ ਵਰਤੋਂ ਨਾਲ ਆਉਂਦੇ ਹਨ। ਇਸ ਸਰਵੇਖਣ ਵਿੱਚ 18 ਸਾਲ ਤੋਂ ਵੱਧ ਉਮਰ ਦੇ ਬਾਲਗਾਂ ਦੇ ਨਮੂਨੇ ਲਏ ਗਏ ਸੀ। ਸਰਵੇਖਣ ਦਾ ਨਮੂਨਾ ਅਕਾਰ 28,000 ਸੀ। ਜਦੋਂ ਉਨ੍ਹਾਂ ਨੇ 18 ਤੋਂ 45 ਸਾਲਾਂ ਦੇ ਵਿਚਕਾਰ ਬਾਲਗਾਂ ਦੇ ਕੀਤੇ ਗਏ ਟੈਸਟਾਂ ‘ਚ ਸਕਾਰਾਤਮਕ ਦਰ ਦੇਖੀ ਤਾ 43.3 ਫ਼ੀਸਦੀ ਲੋਕ ਸਕਾਰਾਤਮਕ ਸਨ। 46-60 ਸਾਲ ਦੀ ਉਮਰ ਸਮੂਹ ਵਿੱਚੋਂ 39.5 ਫ਼ੀਸਦੀ ਸਕਾਰਾਤਮਕ ਪਾਏ ਗਏ ਅਤੇ 60 ਸਾਲ ਤੋਂ ਉਪਰ ਉਮਰ ਸਮੂਹ ਵਿੱਚ 17.2 ਫ਼ੀਸਦੀ ਸਕਾਰਾਤਮਕ ਕੇਸ ਪਾਏ ਗਏ।
