Old woman wants land registry: ਉੱਤਰ ਪ੍ਰਦੇਸ਼ ਦੇ ਮੈਨਪੁਰੀ ਜ਼ਿਲ੍ਹੇ ਦੀ ਤਹਿਸੀਲ ਵਿੱਚ ਬੁੱਧਵਾਰ ਨੂੰ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ । ਇੱਥੇ ਇੱਕ ਬਜ਼ੁਰਗ ਮਹਿਲਾ ਆਪਣੀ ਸਾਰੀ ਜ਼ਮੀਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਨਾਮ ਕਰਨ ਲਈ ਤਹਿਸੀਲ ਪਹੁੰਚੀ । ਪ੍ਰਧਾਨ ਮੰਤਰੀ ਦੇ ਨਾਮ ‘ਤੇ ਖੇਤ ਕਰਨ ਦੀ ਗੱਲ ਸੁਣ ਕੇ ਵਕੀਲ ਵੀ ਹੈਰਾਨ ਰਹਿ ਗਏ। ਮਹਿਲਾ ਆਪਣੀ ਜ਼ਿੱਦ ‘ਤੇ ਅੜੀ ਹੋਈ ਹੈ ਕਿ ਉਹ ਆਪਣੇ ਸਾਰੇ ਖੇਤ ਖੇਤਰ ਪ੍ਰਧਾਨ ਮੰਤਰੀ ਮੋਦੀ ਦੇ ਨਾਮ ‘ਤੇ ਕਰੇਗੀ । ਇਸ ਦੇ ਪਿੱਛੇ ਦਾ ਕਾਰਨ ਭਾਵੁਕ ਕਰਨ ਵਾਲਾ ਹੈ।
ਵਿਕਾਸ ਖੰਡ ਕਿਸ਼ਨੀ ਦੇ ਪਿੰਡ ਚਿਤਾਯਨ ਦੀ ਰਹਿਣ ਵਾਲੀ 85 ਸਾਲਾ ਬਿੱਟਨ ਦੇਵੀ ਪਤਨੀ ਪੂਰਨ ਲਾਲ ਬੁੱਧਵਾਰ ਦੁਪਹਿਰ ਨੂੰ ਤਹਿਸੀਲ ਸਥਿਤ ਵਕੀਲ ਕ੍ਰਿਸ਼ਨਪ੍ਰਤਾਪ ਸਿੰਘ ਕੋਲ ਪਹੁੰਚੀ ਸੀ। ਉਸਨੇ ਵਕੀਲ ਨੂੰ ਕਿਹਾ ਕਿ ਉਹ ਆਪਣੀ ਸਾਢੇ 12 ਵਿੱਘੇ ਜ਼ਮੀਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਨਾਮ ‘ਤੇ ਕਰਨਾ ਚਾਹੁੰਦੀ ਹੈ । ਬਜ਼ੁਰਗ ਬਿੱਟਨ ਦੇਵੀ ਦੀ ਗੱਲ ਸੁਣ ਕੇ ਵਕੀਲ ਹੈਰਾਨ ਰਹਿ ਗਏ, ਪਰ ਫਿਰ ਤਸਦੀਕ ਵਿੱਚ ਵੀ ਉਹੀ ਗੱਲ ਕਹਿਣ ‘ਤੇ ਉਸ ਨੂੰ ਪੂਰੀ ਜਾਣਕਾਰੀ ਦਿੱਤੀ । ਵਕੀਲ ਨੇ ਉਨ੍ਹਾਂ ਨੂੰ ਮਨਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਬਿੱਟਨ ਦੇਵੀ ਜ਼ਿੱਦ ‘ਤੇ ਅੜੀ ਰਹੀ।
ਬਿੱਟਨ ਦੇਵੀ ਨੇ ਦੱਸਿਆ ਕਿ ਉਸ ਦੇ ਪਤੀ ਦੀ ਮੌਤ ਹੋ ਗਈ ਹੈ । ਉਸ ਦੇ ਦੋ ਪੁੱਤਰ ਅਤੇ ਨੂੰਹ ਉਸ ਦਾ ਧਿਆਨ ਨਹੀਂ ਰੱਖਦੇ। ਸਰਕਾਰ ਵੱਲੋਂ ਮਿਲ ਰਹੀ ਬੁਢਾਪਾ ਪੈਨਸ਼ਨ ਨਾਲ ਉਸਦਾ ਗੁਜ਼ਾਰਾ ਹੋ ਰਿਹਾ ਹੈ। ਅਜਿਹੀ ਸਥਿਤੀ ਵਿੱਚ ਉਹ ਆਪਣੀ ਰਜਿਸਟਰਡ ਜ਼ਮੀਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਨਾਮ ‘ਤੇ ਕਰਨਾ ਚਾਹੁੰਦੀ ਹੈ।
ਦੱਸ ਦੇਈਏ ਕਿ ਵਕੀਲਾਂ ਵੱਲੋਂ ਸਮਝਾਏ ਜਾਣ ਦੇ ਬਾਅਦ ਵੀ ਬਿੱਟਨ ਦੇਵੀ ਇੱਕ ਵੀ ਗੱਲ ਸੁਣਨ ਲਈ ਤਿਆਰ ਨਹੀਂ ਹੋਈ। ਇਸ ‘ਤੇ ਵਕੀਲ ਨੇ ਉਨ੍ਹਾਂ ਨੂੰ ਇਹ ਕਹਿ ਕੇ ਘਰ ਭੇਜਿਆ ਕਿ ਉਹ ਡਿਪਟੀ ਕੁਲੈਕਟਰ ਨਾਲ ਗੱਲਬਾਤ ਕਰਨਗੇ । ਬਜ਼ੁਰਗ ਮਹਿਲਾ ਦੋ ਦਿਨ ਬਾਅਦ ਦੁਬਾਰਾ ਵਾਪਸ ਆਉਣ ਲਈ ਕਹਿ ਕੇ ਵਾਪਸ ਚਲੀ ਗਈ।
ਇਹ ਵੀ ਦੇਖੋ: ਭਾਜਪਾ ਨੂੰ ਹੁਣ ਤੱਕ ਦਾ ਸਭ ਤੋਂ ਵੱਡਾ ਝੱਟਕਾ, Parkash Singh Badal ਨੇ ਵਾਪਸ ਕੀਤਾ ਪਦਮ ਵਿਭੂਸ਼ਣ
