pm narendra modi: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸੋਮਵਾਰ ਨੂੰ ਦਿੱਲੀ ਮੈਟਰੋ ਦੀ ‘ਮਜੇਂਟਾ ਲਾਈਨ’ ‘ਤੇ ਦੇਸ਼ ਦੀ ਪਹਿਲੀ ਬਿਨਾਂ ਡ੍ਰਾਈਵਰ ਟ੍ਰੇਨ ਸੇਵਾ ਦਾ ਵੀਡੀਓ ਕਾਨਫ੍ਰੰਸਿੰਗ ਦੇ ਰਾਹੀਂ ਉਦਘਾਟਨ ਕੀਤਾ।ਇਸਦੇ ਨਾਲ ਹੀ ਉਨ੍ਹਾਂ ਨੇ ‘ਏਅਰਪੋਰਟ ਐਕਰਪ੍ਰੈਸ ਲਾਈਨ’ ‘ਤੇ ‘ਨੈਸ਼ਨਲ ਕਾਮਨ ਮੋਬਾਲਿਟੀ ਕਾਰਡ’ (ਐੱਨਸੀਐੱਮਸੀ) ਸੇਵਾ ਦੀ ਵੀ ਸ਼ੁਰੂਆਤ ਕੀਤੀ।ਇਸ ਪ੍ਰੋਗਰਾਮ ‘ਚ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਵੀ ਸ਼ਾਮਲ ਹੋਏ।ਪੀਐੱਮ ਮੋਦੀ ਨੇ ਡ੍ਰਾਈਵਰਲਿਸ ਮੈਟਰੋ ਨੂੰ ਹਰੀ ਝੰਡੀ ਦਿਖਾਉਂਦਿਆਂ ਹੋਏ ਕਿਹਾ ਕਿ ਦੇਸ਼ ‘ਚ 2025 ਤੱਕ ਕਰੀਬ 25 ਸ਼ਹਿਰਾਂ ‘ਚ ਮੈਟਰੋ ਚਲਾਉਣ ਦਾ ਪਲਾਨ ਹੈ।ਪੀਐੱਮ ਮੋਦੀ ਨੇ ਕਿਹਾ ਕਿ ਅੱਜ ਤੋਂ 3 ਸਾਲ ਪਹਿਲਾਂ ਮੇਜੇਂਟਾ ਲਾਈਨ ਦੀ ਸ਼ੁਰੂਆਤ ਹੋਈ ਸੀ।ਹੁਣ ਇਸੇ ਲਾਈਨ ‘ਤੇ ਡ੍ਰਾਈਵਰਲਿਸ ਮੈਟਰੋ ਦੀ ਸ਼ੁਰੂਆਤ ਹੋ ਰਹੀ ਹੈ।ਪੀਐੱਮ ਮੋਦੀ ਨੇ ਇਸ ਦੇ ਨਾਲ ਹੀ ਪਿਛਲੀ ਸਰਕਾਰ ‘ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਪਹਿਲਾਂ ਦੇਸ਼ ‘ਚ ਮੈਟਰੋ ਨੂੰ ਲੈ ਕੇ ਕੋਈ ਨੀਤੀ ਨਹੀਂ ਸੀ, ਪਰ ਅਸੀਂ ਇਸ ਨੂੰ ਲੈ ਕੇ ਤੇਜੀ ਨਾਲ ਕੰਮ ਅਤੇ ਸ਼ਹਿਰਾਂ ਦੇ ਹਿਸਾਬ ਨਾਲ ਕੰਮ ਸ਼ੁਰੂ ਕਰ ਦਿੱਤਾ।ਉਨਾਂ੍ਹ ਨੇ ਕਿਹਾ, ‘ਅਟਲ ਜੀ ਦੇ ਯਤਨਾਂ ਸਦਕਾ ਦਿੱਲੀ ਨੂੰ ਪਹਿਲੀ ਮੈਟਰੋ ਮਿਲੀ, ਜਦੋਂ ਅਸੀਂ ਸੱਤਾ ‘ਚ ਆਏ ਤਾਂ ਸਿਰਫ 5 ਸ਼ਹਿਰਾਂ ‘ਚ ਮੈਟਰੋ ਸੀ ਹੁਣ 18 ਸ਼ਹਿਰਾਂ ‘ਚ ਮੈਟਰੋ ਹੈ।2005 ਤੱਕ 25 ਤੋਂ ਵੱਧ ਸ਼ਹਿਰਾਂ ‘ਚ ਮੈਟਰੋ ਟ੍ਰੇਨ ਹੋਵੇਗੀ।ਪ੍ਰਧਾਨ ਮੰਤਰੀ ਦਫਤਰ ਮੁਤਾਬਕ, ਇਹ ਇਨੋਵੇਸ਼ਨ ਸਫਰ ਨੂੰ ਆਸਾਨ ਬਣਾਉਣ ਦੇ ਇੱਕ ਨਵੇਂ ਯੁਗ ਦੀ ਸ਼ੁਰੂਆਤ ਕਰਨਗੇ।
ਪੀਐੱਮਓ ਦੇ ਬਿਆਨ ‘ਚ ਕਿਹਾ ਗਿਆ ਹੈ ਕਿ ਬਿਨਾਂ ਡ੍ਰਾਈਵਰ ਵਾਲੀ ਟ੍ਰੇਨ ਪੂਰੀ ਤਰ੍ਹਾਂ ਆਟੋਮੈਟਿਕ ਹੋਵੇਗੀ, ਜੋ ਕਿਸੇ ਵੀ ਮਨੁੱਖੀ ਗਲਤੀ ਦੀ ਸੰਭਾਵਨਾ ਨੂੰ ਖਤਮ ਕਰ ਦੇਵੇਗੀ।ਦਿੱਲੀ ਮੈਟਰੋ ਦੀ ਮਜੇਂਟਾ ਲਾਈਨ ‘ਤੇ ਡ੍ਰਾਈਵਰਲਿਸ ਟ੍ਰੇਨ ਸੇਵਾ ਸ਼ੁਰੂ ਹੋਣ ਤੋਂ ਬਾਅਦ ਪਿੰਕ ਲਾਈਨ ‘ਤੇ 2021 ਦੇ ਮਿਡ ‘ਚ ਬਿਨਾਂ ਡ੍ਰਾਈਵਰ ਟ੍ਰੇਨ ਸ਼ੁਰੂ ਹੋਣ ਦੀ ਉਮੀਦ ਹੈ।ਮਜੇਂਟਾ ਲਾਈਨ ‘ਤੇ ਜਨਕਪੁਰੀ-ਬਾਟੇਨਿਕਲ ਗਾਰਡਨ ਕਾਰੀਡੋਰ ‘ਤੇ 37 ਕਿਮੀ ਦੇ ਘੇਰਾ ਇਸ ਸੇਵਾ ਦੀ ਸ਼ੁਰੂਆਤ ਦੇ ਨਾਲ ਦਿੱਲੀ-ਐੱਨਸੀਆਰ ਦੇ ਯਾਤਰੀ ਆਧੁਨਿਕ ਸੇਵਾਵਾਂ ਦਾ ਆਪਣੀ ਸਹੂਲੀਅਤ ਦੇ ਲਈ ਇਸਤੇਮਾਲ ਕਰ ਸਕਣਗੇ।ਦੂਜੇ ਪਾਸੇ ਐੱਨਸੀਐੱਮਸੀ ਨੂੰ ਏਅਰਪੋਰਟ ਅਕਸਪ੍ਰੈਸ ‘ਤੇ ਪੂਰੀ ਤਰ੍ਹਾਂ ਨਾਲ ਸੰਚਾਲਿਤ ਕੀਤਾ ਜਾਵੇਗਾ।ਇਸਦੇ ਨਾਲ ਹੀ ਦੇਸ਼ ਦੇ ਕਿਸੇ ਵੀ ਹਿੱਸੇ ‘ਚ ਜਾਰੀ ਰੂਪੇ-ਡੇਬਿਟ ਕਾਰਡ ਰੱਖਣ ਵਾਲਾ ਕੋਈ ਵੀ ਵਿਅਕਤੀ ਇਸਦਾ ਉਪਯੋਗ ਕਰ ਕੇ ਯਾਤਰਾ ਕਰ ਸਕੇਗਾ।ਪੀਐੱਮਓ ਦਾ ਕਹਿਣਾ ਹੈ ਕਿ ਇਹ ਸੁਵਿਧਾ 2022 ਤੱਕ ਦਿੱਲੀ ਮੈਟਰੋ ਦੇ ਪੂਰੇ ਨੈੱਟਵਰਕ ‘ਤੇ ਉਪਲਬਧ ਹੋ ਜਾਵੇਗੀ।
ਗੁਰਦਾਸਪੁਰ ਤੋਂ ਆਈਆਂ MBBS ਦੀਆਂ ਵਿਦਿਆਰਥਣਾਂ ਨੇ ਬਣਾ ਦਿੱਤੀ ਮੋਦੀ ਦੀ ਰੇਲ, ਕੀਤੇ ਅਜਿਹੇ ਸਵਾਲ ਕਿ ਸਭ ਪਏ ਚੱਕਰਾਂ ‘ਚ
