rakesh tikait dialogue program: ਤਿੰਨ ਖੇਤੀ ਕਾਨੂੰਨਾਂ ਦੇ ਵਿਰੋਧ ‘ਚ ਰੈਲੀ ਕਰਨ ਲਈ ਕਿਸਾਨ ਨੇਤਾ ਰਾਕੇਸ਼ ਟਿਕੈਤ ਗੁਜਰਾਤ ਪਹੁੰਚੇ।2 ਦਿਨ ਦੇ ਦੌਰੇ ‘ਤੇ ਗੁਜਰਾਤ ਪਹੁੰਚੇ ਰਾਕੇਸ਼ ਟਿਕੈਤ ਸਫਲ ਨਹੀਂ ਹੋਏ।ਗੁਜਰਾਤ ਦੇ ਕਿਸਾਨਾਂ ਨੇ ਰਾਕੇਸ਼ ਟਿਕੈਤ ਨੂੰ ਆਪਣਾ ਸਮਰਥਨ ਨਹੀਂ ਦਿੱਤਾ।ਰਾਜਸਥਾਨ ਦੇ ਆਬੂ ਰੋਡ ਤੋਂ ਰਾਕੇਸ਼ ਟਿਕੈਤ ਨੇ ਗੁਜਰਾਤ ਦੇ ਆਪਣੇ 2 ਦਿਨ ਦੇ ਦੌਰੇ ਦੀ ਸ਼ੁਰੂਆਤ ਕੀਤੀ ਸੀ।
ਰਾਜਸਥਾਨ ਦੇ ਆਬੂਰੋਡ ਤਹਿਸੀਲ ਦੇ 1 ਪਿੰਡ ‘ਚ ਰਾਕੇਸ਼ ਟਿਕੈਤ ਨੇ ਕਿਸਾਨ ਸੰਮੇਲਨ ਕੀਤਾ ਅਤੇ ਉੱਥੋਂ ਟ੍ਰੈਕਟਰ ਯਾਤਰਾ ਸ਼ੁਰੂ ਕਰਕੇ ਉਹ ਗੁਜਰਾਤ ਪਹੁੰਚਣ ਵਾਲੇ ਸਨ।ਦੱਸਣਯੋਗ ਹੈ ਕਿ ਰਾਜਸਥਾਨ ਦੇ ਕਿਸਾਨ ਸੰਵਾਦ ‘ਚ ਵੀ ਕਿਸਾਨ ਨਹੀਂ ਦਿਸੇ ਜੋ ਵੀ ਲੋਕ ਦਿਸੇ ਉਹ ਕਾਂਗਰਸ ਦੇ ਸਨ ਅਤੇ ਉਹ ਵੀ ਗੁਜਰਾਤ ਤੋਂ ਰਾਜਸਥਾਨ ਗਏ ਹੋਏ ਕਾਂਗਰਸ ਦੇ।ਦੂਜੇ ਪਾਸੇ ਟ੍ਰੈਕਟਰ ਯਾਤਰਾ ਦੀ ਗੱਲ ਕੀਤੀ ਗਈ ਸੀ ਜਿਸ ‘ਚ ਘੱਟ ਤੋਂ ਘੱਟ 100 ਟ੍ਰੈਕਟਰ ਸ਼ਾਮਲ ਹੋਣ ਵਾਲੇ ਸਨ ਪਰ ਮੁਸ਼ਕਿਲ ਨਾਲ 10 ਟ੍ਰੈਕਟਰ ਵੀ ਦਿਖਾਈ ਨਹੀਂ ਦਿੱਤੇ।
ਛਾਤਰੀ ਬਾਰਡਰ ਤੋਂ ਰਾਕੇਸ਼ ਟਿਕੈਤ ਅਤੇ ਉਨਾਂ੍ਹ ਦੇ ਸਾਥੀ ਗੁਜਰਾਤ ਪਹੁੰਚੇ ਇੱਥੋਂ ਉਹ ਲੋਕ ਸਿੱਧੇ ਅੰਬਾਜੀ ਮੰਦਰ ਮਾਂ ਅੰਬਾ ਦੇ ਦਰਸ਼ਨ ਕਰਨ ਗਏ।ਪਾਲਨਪੁਰ ‘ਚ ਰਾਕੇਸ਼ ਟਿਕੈਤ ਦਾ ਕਾਲਾ ਝੰਡਾ ਦਿਖਾ ਕੇ ਵਿਰੋਧ ਵੀ ਕੀਤਾ ਗਿਆ।ਪਾਲਨਪੁਰ ਦੇ ਕਿਸਾਨ ਸੰਵਾਦ ‘ਚ ਵੀ ਮੁਸ਼ਕਿਲ ਨਾਲ 100 ਲੋਕ ਦਿਸ ਰਹੇ ਸਨ।ਉਨਾਂ੍ਹ ‘ਚ ਵੀ ਜਿਆਦਾਤਰ ਲੋਕ ਕਾਂਗਰਸ ਦੇ ਵਰਕਰ ਸਨ।ਗੁਜਰਾਤ ਦੇ ਸਾਬਕਾ ਮੁੱਖ ਮੰਤਰੀ ਸ਼ੰਕਰ ਸਿੰਘ ਵਾਘੇਲਾ ਨੇ ਰਾਕੇਸ਼ ਟਿਕੈਤ ਨੂੰ ਗੁਜਰਾਤ ‘ਚ ਸੱਦਾ ਦਿੱਤਾ ਸੀ।ਇਸ ਰੈਲੀ ‘ਚ ਉਨਾਂ੍ਹ ਦੇ ਕੁਝ ਸਮਰਥਕ ਦਿਖਾਈ ਦੇ ਰਹੇ ਸਨ।
ਅਸਲ ‘ਚ ਦੇਖਿਆ ਜਾਵੇ ਤਾਂ ਗੁਜਰਾਤ ਦੇ ਕਿਸਾਨ ਰਾਕੇਸ਼ ਟਿਕੈਤ ਦੇ ਪ੍ਰੋਗਰਾਮ ‘ਚ ਨਹੀਂ ਦਿਸੇ।ਪਾਲਨਪੁਰ ਬਨਾਸਕਾਂਠਾ ਜ਼ਿਲੇ ਦੇ ਅੰਦਰ ਆਉਂਦਾ ਹੈ ਬਨਾਸਕਾਂਠਾ ‘ਚ ਜਿਆਦਾਤਰ ਕਿਸਾਨ ਆਲੂ ਦੀ ਖੇਤੀ ਕਰਦੇ ਹਨ ਅਤੇ ਦੇਖਿਆ ਜਾਵੇ ਤਾਂ ਭਾਅ ਉਨਾਂ੍ਹ ਨੂੰ ਘੱਟ ਮਿਲ ਰਹੇ ਹਨ।ਜੇਕਰ ਕਿਸਾਨ ਨਵੇਂ ਬਣਾਏ ਹੋਏ ਤਿੰਨ ਖੇਤੀ ਕਾਨੂੰਨਾਂ ਦੇ ਵਿਰੋਧ ‘ਚ ਹੁੰਦੇ ਹਨ ਤਾਂ ਪਾਲਨਪੁਰ ‘ਚ ਕਿਸਾਨਾਂ ਦੀ ਭੀੜ ਦੇਖਣ ਨੂੰ ਮਿਲਦੀ ਪਰ ਅਜਿਹਾ ਨਹੀਂ ਹੋਇਆ।ਕਿਸਾਨਾਂ ਦੇ ਨਾਲ ਗੱਲਬਾਤ ‘ਚ ਰਾਕੇਸ਼ ਟਿਕੈਤ ਦੱਸ ਰਹੇ ਸਨ ਕਿ ਗੁਜਰਾਤ ‘ਚ ਲੋਕਾਂ ਨੂੰ ਡਰਾਇਆ ਜਾ ਰਿਹਾ ਹੈ।ਗੁਜਰਾਤ ਸਰਕਾਰ ਕਿਸਾਨਾਂ ਨੂੰ ਅੰਦੋਲਨ ਨਹੀਂ ਕਰਨ ਦੇ ਰਹੀ ਹੈ।ਕਾਂਗਰਸ ਦਾ ਕਹਿਣਾ ਹੈ ਕਿ ਨਵੇਂ ਤਿੰਨ ਖੇਤੀ ਕਾਨੂੰਨਾਂ ਦੇ ਵਿਰੁੱਧ ਪਹਿਲੇ ਦਿਨ ਤੋਂ ਹੀ ਕਾਂਗਰਸ ਅੰਦੋਲਨ ਕਰ ਰਹੀ ਹੈ ਪਰ ਇਹ ਗੱਲ ਸੱਚ ਹੈ ਕਿ ਕਿਸਾਨਾਂ ਦੇ ਨਾ ‘ਤੇ ਸਿਆਸਤ ਕਰ ਰਹੀ ਕਾਂਗਰਸ ਦੇ ਨਾਲ ਵੀ ਕਿਸਾਨ ਨਹੀਂ ਜੁੜ ਰਹੇ ਹਨ।
