sc daughter law right stay parents: ਸੁਪਰੀਮ ਕੋਰਟ ਨੇ ਨੂੰਹ ਦੇ ਪੱਖ ‘ਚ ਵੀਰਵਾਰ ਨੂੰ ਇੱਕ ਇਤਿਹਾਸਕ ਫੈਸਲਾ ਦਿੱਤਾ ਹੈ।ਸੁਪਰੀਮ ਕੋਰਟ ਨੇ ਕਿਹਾ ਕਿ ਘਰੇਲੂ ਹਿੰਸਾ ਐਕਟ ਤਹਿਤ ਨੂੰਹ ਨੂੰ ਆਪਣੇ ਪਤੀ ਦੇ ਮਾਤਾ-ਪਿਤਾ ਦੇ ਘਰ ‘ਚ ਰਹਿਣ ਦਾ ਅਧਿਕਾਰ ਹੈ।ਜਸਟਿਸ ਅਸ਼ੋਕ ਭੂਸ਼ਣ ਦੀ ਪ੍ਰਧਾਨਗੀ ਵਾਲੀ 3 ਜੱਜਾਂ ਦੀ ਬੈਂਚ ਨੇ ਤਰੁਣ ਬੱਤਰਾ ਮਾਮਲੇ ‘ਚ ਦੋ ਜੱਜਾਂ ਦੇ ਫੈਸਲੇ ਨੂੰ ਠੁਕਰਾ ਦਿੱਤਾ ਹੈ।ਮਹੱਤਵਪੂਰਨ ਹੈ
![](https://dailypost.in/wp-content/uploads/2020/10/sc_3-sixteen_nine.jpg)
ਕਿ ਤਰੁਣ ਬੱਤਰਾ ਮਾਮਲੇ ‘ਚ ਦੋ ਜੱਜਾਂ ਦੀ ਬੈਂਚ ਨੇ ਕਿਹਾ ਸੀ ਕਿ ਕਾਨੂੰਨ ‘ਚ ਬੇਟੀਆਂ, ਆਪਣੇ ਪਤੀ ਦੇ ਮਾਤਾ-ਪਿਤਾ ਭਾਵ ਕਿ ਸੱਸ-ਸਹੁਰੇ ਦੀ ਮਾਲਕੀਅਤ ਵਾਲੀ ਜਾਇਦਾਦ ‘ਚ ਨਹੀਂ ਰਹਿ ਸਕਦੀ ਹੈ।ਹੁਣ 3 ਮੈਂਬਰੀ ਬੈਂਚ ਨੇ ਤਰੁਣ ਬੱਤਰਾ ਦੇ ਫੈਸਲੇ ਨੂੰ ਠੁਕਰਾਉਂਦੇ ਹੋਏ 6-7 ਸਵਾਲਾਂ ਦੇ ਜਵਾਬ ਦਿੱਤੇ ਹਨ।ਕੋਰਟ ਨੇ ਕਿਹਾ ਕਿ ਪਤੀ ਦੀ ਵੱਖ-ਵੱਖ ਜਾਇਦਾਦ ‘ਚ ਹੀ ਨਹੀਂ, ਸਗੋਂ ਸਾਂਝੇ ਘਰ ‘ਚ ਵੀ ਬੇਟੀ ਦਾ ਅਧਿਕਾਰ ਹੈ।