22 ਜਨਵਰੀ ਨੂੰ ਅਯੁੱਧਿਆ ਦੇ ਰਾਮ ਮੰਦਰ ਵਿਚ ਭਗਵਾਨ ਰਾਮ ਦੀ ਪ੍ਰਤਿਮਾ ਦਾ ਪ੍ਰਾਣ ਪ੍ਰਤਿਸ਼ਠਾ ਹੋਣ ਜਾ ਰਿਹਾ ਹੈ। ਇਸ ਨੂੰ ਲੈ ਕੇ ਅਯੁੱਧਿਆ ਸਣੇ ਪੂਰੇ NCR ਵਿਚ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਪ੍ਰਸ਼ਾਸਨ ਵੱਲੋਂ ਪਹਿਲਾਂ ਹੀ ਕਿਹਾ ਜਾ ਚੁੱਕਾ ਹੈ ਕਿ ਪ੍ਰਾਣ ਪ੍ਰਤਿਸ਼ਠਾ ਦੇ ਦਿਨ ਯਾਨੀ 22 ਜਨਵਰੀ ਨੂੰ ਅਯੁੱਧਿਆ ਵਿਚ ਸਿਰਫ ਅਜਿਹੇ ਲੋਕਾਂ ਦੀ ਐਂਟਰੀ ਹੋਵੇਗੀ ਜਿਨ੍ਹਾਂ ਨੂੰ ਸੱਦਾ ਮਿਲਿਆ ਹੈ ਪਰ ਬਾਵਜੂਦ ਇਸ ਦੇ ਲੋਕ VIP ਐਂਟਰੀ ਲਈ ਤਰ੍ਹਾਂ-ਤਰ੍ਹਾਂ ਦੇ ਜੁਗਾੜ ਲਗਾ ਰਹੇ ਹਨ।
ਅਯੁੱਧਿਆ ਵਿਚ 22 ਜਨਵਰੀ ਨੂੰ ਐਂਟਰੀ ਲਈ ਵ੍ਹਟਸਐਪ ‘ਤੇ ਵੀਆਈਪੀ ਪਾਸ ਭੇਜੇ ਜਾ ਰਹੇ ਹਨ। ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਇਹ ਪਾਸ ਪ੍ਰਸ਼ਾਸਨ ਵੱਲੋਂ ਨਹੀਂ ਸਗੋਂ ਸਾਈਬਰ ਠੱਗਾਂ ਵੱਲੋਂ ਭੇਜੇ ਜਾ ਰਹੇ ਹਨ। ਵ੍ਹਟਸਐਪ ‘ਤੇ ਭੇਜੇ ਜਾ ਰਹੇ ਮੈਸੇਜ ਵਿਚ ਲਿਖਿਆ ਹੈ-ਤੁਹਾਨੂੰ 22 ਜਨਵਰੀ ਨੂੰ ਰਾਮ ਮੰਦਰ ਦੇ ਉਦਘਾਟਨ ਵਿਚ ਵੀਆਈਪੀ ਪਾਸ ਮਿਲ ਰਿਹਾ ਹੈ। ਐਪਲੀਕੇਸ਼ਨ ਇੰਸਟਾਲ ਕਰਕੇ ਵੀਆਈਪੀ ਪਾਸ ਡਾਊਨਲੋਡ ਕਰੋ।
ਕਈ ਲੋਕਾਂ ਨੂੰ WhatsApp ‘ਤੇ ਇਕ ਮੈਸੇਜ ਮਿਲਿਆ ਹੈ ਜਿਸ ਵਿਚ ਕਿਹਾ ਗਿਆ ਹੈ ਕਿ ਇਸ ਨੂੰ ਸੇਵ ਕਰਕੇ ਰੱਖ ਲਓ। ਇਸ ਪਾਸ ਨੂੰ ਦਿਖਾ ਕੇ 22 ਜਨਵਰੀ ਨੂੰ ਪ੍ਰਾਣ ਪ੍ਰਤਿਸ਼ਠਾ ਸਮਾਰੋਹ ਵਿਚ ਤੁਹਾਡੀ ਐਂਟਰੀ ਹੋ ਜਾਵੇਗੀ। ਇਸ ਮੈਸੇਜ ਦੇ ਨਾਲ ਹੀ ਇਕ ਐਪ ਦੀ APK ਫਾਈਲ ਵੀ ਭੇਜੀ ਜਾ ਰਹੀ ਹੈ ਤੇ ਲੋਕਾਂ ਨੂੰ ਕਿਹਾ ਜਾ ਰਿਹਾ ਹੈ ਕਿ ਫ੍ਰੀ ਵੀਆਈਪੀ ਪਾਸ ਲਈ ਇਸ ਐਪ ਨੂੰ ਡਾਊਨਲੋਡ ਕਰੋ।
ਦਰਅਸਲ ਇਸ ਏਪੀਕੇ ਫਾਈਲ ਜ਼ਰੀਏ ਹੈਕਰਸ ਤੁਹਾਡੇ ਫੋਨ ਵਿਚ ਮੈਲਵੇਅਰ ਇੰਸਟਾਲ ਕਰ ਰਹੇ ਹਨ। ਇਕ ਵਾਰ ਮੈਲਵੇਅਰ ਦੇ ਇੰਸਟਾਲ ਹੋ ਜਾਣ ਦੇ ਬਾਅਦ ਉਹ ਤੁਹਾਡੇ ਫੋਨ ਨੂੰ ਪੂਰੀ ਤਰ੍ਹਾਂ ਤੋਂ ਦੂਰ ਬੈਠੇ ਹੀ ਕੰਟਰੋਲ ਕਰ ਸਕਦੇ ਹਨ। ਉਸ ਦੇ ਬਾਅਦ ਉਹ ਤੁਹਾਡੇ ਬੈਂਕ ਅਕਾਊਂਟ ਨੂੰ ਵੀ ਚੂਨਾ ਲਗਾ ਸਕਦੇ ਹਨ।
ਇਹ ਵੀ ਪੜ੍ਹੋ : ਆਮ ਆਦਮੀ ਵੀ ਕਰ ਸਕੇਗਾ ਅਯੁੱਧਿਆ ਰਾਮ ਮੰਦਰ ਦਾ ਹਵਾਈ ਦਰਸ਼ਨ, ਇਨ੍ਹਾਂ 6 ਸ਼ਹਿਰਾਂ ਤੋਂ ਹੈਲੀਕਾਪਟਰ ਸੇਵਾ ਸ਼ੁਰੂ
ਬੇਹਤਰ ਇਹੀ ਹੈ ਕਿ ਵੀਆਈਪੀ ਪਾਸ ਦੇ ਚੱਕਰ ਵਿਚ ਨਾ ਪਓ ਤੇ 22 ਜਨਵਰੀ ਦੇ ਬਾਅਦ ਹੀ ਅਯੁੱਧਿਆ ਯਾਤਰਾ ਦੀ ਪਲਾਨਿੰਗ ਕਰੋ। ਇਸ ਮੈਸੇਜ ਦੇ ਇਲਾਵਾ ਵੀ ਕਈ ਫਰਜ਼ੀ ਵੈੱਬਸਾਈਟ ਜ਼ਰੀਏ ਅਯੁੱਧਿਆ ਕੋਲ ਪਾਸ ਦੇਣ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ। ਇਸ ਤਰ੍ਹਾਂ ਦੀ ਸਾਈਟ ਤੇ ਮੈਸੇਜ ਤੋਂ ਦੂਰ ਰਹੋ।
