ਬਜਟ 2026 ਦੇ ਪੇਸ਼ ਹੋਣ ਮਗਰੋਂ ਸ਼ੇਅਰ ਮਾਰਕੀਟ ਵਿਚ ਹਾਹਾਕਾਰ ਮਚ ਗਿਆ ਹੈ ਅਤੇ ਵੱਡੀਆਂ ਕੰਪਨੀਆਂ ਦੇ ਸ਼ੇਅਰ ਤਾਸ਼ ਦੇ ਪੱਤਿਆਂ ਵਾਂਗ ਡਿੱਗ ਗਏ ਹਨ। ਬਜਟ ਪੇਸ਼ ਕਰਨ ਦੌਰਾਨ ਬੰਬੇ ਸਟਾਕ ਐਕਸਚੇਂਜ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ ਅਚਾਨਕ ਕਰੈਸ਼ ਹੋ ਗਿਆ, ਜਦੋਂਕਿ ਨੈਸ਼ਨਲ ਸਟਾਕ ਐਕਸਚੇਂਜ ਵਿੱਚ ਵੀ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ। ਬੀਐਸਈ ਸੈਂਸੈਕਸ ਇੱਕ ਝਟਕੇ ਵਿੱਚ 2300 ਅੰਕਾਂ ਤੋਂ ਵੱਧ ਡਿੱਗ ਗਿਆ, ਜਦੋਂਕਿ ਐਨਐਸਈ ਨਿਫਟੀ 750 ਅੰਕਾਂ ਤੱਕ ਡਿੱਗ ਗਿਆ। ਮਾਰਕੀਟ ਕਰੈਸ਼ ਕਾਰਨ ਰਿਲਾਇੰਸ, ਬੀਈਐਲ ਅਤੇ ਅਡਾਨੀ ਪੋਰਟਸ ਸਮੇਤ ਕਈ ਵੱਡੀਆਂ ਕੰਪਨੀਆਂ ਦੇ ਸ਼ੇਅਰਾਂ ਵਿੱਚ ਭਾਰੀ ਗਿਰਾਵਟ ਆਈ।
ਬਜਟ ਪੇਸ਼ ਕੀਤੇ ਜਾਣ ਤੋਂ ਪਹਿਲਾਂ ਬੀਐਸਈ ਸੈਂਸੈਕਸ 82,388.97 ‘ਤੇ ਖੁੱਲ੍ਹਿਆ, ਜੋਕਿ ਇਸਦੇ ਪਿਛਲੇ 82,269 ਦੇ ਬੰਦ ਹੋਣ ਤੋਂ ਵੱਧ ਸੀ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੇ ਸੰਸਦ ਵਿੱਚ ਬਜਟ ਭਾਸ਼ਣ ਦੌਰਾਨ ਇਹ ਉਤਾਰ-ਚੜ੍ਹਾਅ ਹੁੰਦਾ ਰਿਹਾ। ਬਜਟ ਦੇ ਅਖੀਰ ਵਿੱਚ ਸੈਂਸੈਕਸ ਅਚਾਨਕ 2,370 ਅੰਕ ਡਿੱਗ ਗਿਆ।
ਸੈਂਸੈਕਸ ਵਾਂਗ ਐਨਐਸਈ ਨਿਫਟੀ ਵੀ ਇੱਕ ਨਾਜ਼ੁਕ ਸਥਿਤੀ ਵਿੱਚ ਦਿਖਾਈ ਦਿੱਤਾ। ਸ਼ੁਰੂਆਤੀ ਉਤਰਾਅ-ਚੜ੍ਹਾਅ ਤੋਂ ਬਾਅਦ ਇਸਦੀ ਗਿਰਾਵਟ ਤੇਜ਼ ਹੋ ਗਈ, ਅਤੇ ਇਹ ਲਗਭਗ 750 ਅੰਕ ਹੇਠਾਂ ਵਪਾਰ ਕਰ ਰਿਹਾ ਸੀ।
ਇਹ ਵੀ ਪੜ੍ਹੋ : Budget 2026 : ਕੰਟੈਂਟ ਕ੍ਰਿਏਟਰਸ ਦੀਆਂ ਮੌਜਾਂ! ਸਕੂਲਾਂ-ਕਾਲਜਾਂ ‘ਚ ਖੁੱਲ੍ਹਣਗੀਆਂ ਲੈਬਸ, ਗੇਮਿੰਗ ‘ਚ ਨੌਕਰੀਆਂ
ਮਿੰਟਾਂ ਵਿੱਚ 8 ਲੱਖ ਕਰੋੜ ਰੁਪਏ ਦਾ ਨੁਕਸਾਨ
ਸਟਾਕ ਮਾਰਕੀਟ ਵਿੱਚ ਇਸ ਅਚਾਨਕ ਗਿਰਾਵਟ ਨੇ ਨਿਵੇਸ਼ਕਾਂ ਦੀ ਦੌਲਤ ਨੂੰ ਵੀ ਪ੍ਰਭਾਵਿਤ ਕੀਤਾ ਹੈ। ਉਨ੍ਹਾਂ ਦੇ ਨੁਕਸਾਨ ਦੀ ਹੱਦ ਦਾ ਅੰਦਾਜ਼ਾ MSE ਮਾਰਕੀਟ ਕੈਪ ਡੇਟਾ ਨੂੰ ਦੇਖ ਕੇ ਲਗਾਇਆ ਜਾ ਸਕਦਾ ਹੈ। ਦਰਅਸਲ, BSE ਮਾਰਕੀਟ ਪੂੰਜੀਕਰਣ ਵਿੱਚ ਕਾਫ਼ੀ ਗਿਰਾਵਟ ਆਈ ਹੈ। ਪਿਛਲੇ ਹਫ਼ਤੇ ਦੇ ਆਖਰੀ ਵਪਾਰਕ ਦਿਨ ਸ਼ੁੱਕਰਵਾਰ ਨੂੰ BSE ਮਾਰਕੀਟ ਕੈਪ 460 ਲੱਖ ਕਰੋੜ ਰੁਪਏ ਸੀ, ਜੋ ਅੱਜ 8 ਲੱਖ ਕਰੋੜ ਰੁਪਏ ਘੱਟ ਕੇ 52 ਲੱਖ ਕਰੋੜ ਰੁਪਏ ਹੋ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
