Weather Update: ਮੌਸਮ ਵਿਭਾਗ ਦੇ ਅਨੁਸਾਰ, ਰਾਸ਼ਟਰੀ ਰਾਜਧਾਨੀ ਘੱਟ ਤੋਂ ਘੱਟ 10 ਸਾਲ ‘ਚ, ਨਵੰਬਰ ਤੋਂ ਸਭ ਤੋਂ ਘੱਟ ਤਾਪਮਾਨ ਦਰਜ ਕਰਨ ਲਈ ਤਿਆਰ ਹੈ, ਇਸ ਪੂਰੇ ਮਹੀਨੇ ਦਿੱਲੀ ਦਾ ਨਿਊਨਤਮ ਤਾਪਮਾਨ 10 ਡਿਗਰੀ ਸੈਲਸੀਅਸ ਦੇ ਆਸਪਾਸ ਰਿਹਾ ਜਦੋਂ ਕਿ ਔਸਤ ਨਿਊਨਤਮ ਤਾਪਮਾਨ 12.9 ਡਿਗਰੀ ਸੈਲਸੀਅਸ ਰਿਹਾ ਹੈ।ਆਈਐੱਮਡੀ ਅਨੁਸਾਰ, 1 ਨਵੰਬਰ ਤੋਂ 29 ਨਵੰਬਰ ਤੱਕ, ਸ਼ਹਿਰ ‘ਚ ਨਿਊਨਤਮ ਤਾਪਮਾਨ 10.3 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ ਹੈ, ਬੀਤੇ ਇੱਕ ਦਹਾਕੇ ਤੋਂ ਸਭ ਤੋਂ ਘੱਟ ਹੈ।ਪਿਛਲੇ ਸਾਲ ਨਿਊਨਤਮ ਤਾਪਮਾਨ 15 ਡਿਗਰੀ ਸੈਲਸੀਅਸ, 2018 ‘ਚ 13.4 ਡਿਗਰੀ ਸੈਲਸੀਅਸ ਅਤੇ 2017 ਅਤੇ 2016 ‘ਚ 12.8 ਡਿਗਰੀ ਸੈਲਸੀਅਸ ਸੀ।ਇਸ ਲਿਹਾਜ ਤੋਂ ਇਸ ਸਾਲ ਦਾ ਨਵੰਬਰ ਬੀਤੇ ਸਾਲ ਤੋਂ ਜਿਆਦਾ ਠੰਡਾ ਰਿਹਾ।ਐਤਵਾਰ ਨੂੰ ਦਿੱਲੀ ਦਾ ਨਿਊਨਤਮ ਤਾਪਮਾਨ 7 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ ਹੈ।ਇਹ ਇਸ ਮਹੀਨੇ ਦਾ 7ਵਾਂ ਦਿਨ ਹੈ ਜਦੋਂ ਨਿਊਨਤਮ ਤਾਪਮਾਨ 10 ਡਿਗਰੀ ਸੈਲਸੀਅਸ ਤੋਂ ਹੇਠਾਂ ਰਿਹਾ ਹੈ।
ਕੱਲ ਸ਼ਨੀਵਾਰ ਨੂੰ ਵੀ ਦਿੱਲੀ ਦਾ ਨਿਊਨਤਮ ਤਾਪਮਾਨ 7 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ ਸੀ।ਮੌਸਮ ਵਿਭਾਗ ਦੇ ਅਨੁਸਾਰ, ਸੋਮਵਾਰ ਨੂੰ ਵੀ ਨਿਊਨਤਮ ਤਾਪਮਾਨ 7 ਡਿਗਰੀ ਸੈਲਸੀਅਸ ਦੇ ਆਸਪਾਸ ਰਹਿਣ ਦੀ ਸੰਭਾਵਨਾ ਹੈ।ਆਈਐੱਮਡੀ ਦੇ ਰੀਜਨਲ ਫੋਰਕਾਸਟਿੰਗ ਸੈਂਟਰ ਦੇ ਪ੍ਰਮੁੱਖ ਕੁਲਦੀਪ ਸ਼੍ਰੀਵਾਸਤਵ ਦੇ ਅਨੁਸਾਰ, 23 ਨਵੰਬਰ ਨੂੰ ਦਿੱਲੀ ‘ਚ ਨਿਊਨਤਮ ਤਾਪਮਾਨ 6.3 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ।ਜੋ ਨਵੰਬਰ 2003 ਤੋਂ ਬਾਅਦ ਇਸ ਮਹੀਨੇ ਦਾ ਸਭ ਤੋਂ ਘੱਟ ਨਿਊਨਤਮ ਤਾਪਮਾਨ ਸੀ।ਆਈਐੱਮਡੀ ਅਧਿਕਾਰੀਆਂ ਮੁਤਾਬਕ ਇਸ ਮਹੀਨੇ ਨਿਊਨਤਮ ਤਾਪਮਾਨ 16 ਨਵੰਬਰ ਨੂੰ ਹੋਰ ਦਿਨਾਂ ਦੀ ਤੁਲਨਾ ‘ਚ 2-3 ਡਿਗਰੀ ਘੱਟ ਰਿਹਾ ਜੋ ਕਿ ਦਿਨਭਰ ਬੱਦਲ ਨਾ ਰਹਿਣ ਦੇ ਕਾਰਨ ਹੋਇਆ।ਰਾਸ਼ਟਰੀ ਰਾਜਧਾਨੀ ‘ਚ ਅਕਤੂਬਰ ਦਾ ਮਹੀਨਾ 58 ਸਾਲ ਤੋਂ ਸਭ ਤੋਂ ਠੰਡਾ ਸੀ।ਇਸ ਸਾਲ ਅਕਤੂਬਰ ‘ਚ ਨਿਊਨਤਮ ਤਾਪਮਾਨ 17.2 ਡਿਗਰੀ ਸੈਲਸੀਅਸ ਸੀ, ਜੋ 1962 ਦੇ 16.9 ਡਿਰਗੀ ਸੈਲਸੀਅਸ ਤੋਂ ਬਾਅਦ ਸਭ ਤੋਂ ਘੱਟ ਸੀ।
