Our friendship not like today : ਟੀਵੀ ਦੇ ਰਿਐਲਿਟੀ ਸ਼ੋਅਜ਼ ਦੀ ਗੱਲ ਕਰੀਏ ਤਾਂ ਦਰਸ਼ਕ ਇਨ੍ਹਾਂ ਨੂੰ ਕਾਫੀ ਪਸੰਦ ਕਰਦੇ ਹਨ ਪਰ ਕਲਰਸ ਚੈਨਲ ‘ਤੇ ਇੱਕ ਅਜਿਹਾ ਸ਼ੋਅ ਆਉਂਦਾ ਹੈ ਜੋ ਕਿ ਦਰਸ਼ਕਾਂ ਦੁਆਰਾ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਜਿਸ ਦਾ ਨਾਮ ਹੈ ਬਿੱਗ ਬੌਸ। ਜਿਸ ਨੂੰ ਸਲਮਾਨ ਖਾਨ ਹੋਸਟ ਕਰਦੇ ਹਨ। ਟੀਵੀ ਅਦਾਕਾਰ ਵਿਸ਼ਾਲ ਅਦਿੱਤਿਆ ਸਿੰਘ ਅਤੇ ‘ਬਿੱਗ ਬੌਸ 13’ ਦੇ ਉਪ ਜੇਤੂ ਅਾਸਿਮ ਰਿਆਜ਼ ਬਹੁਤ ਚੰਗੇ ਦੋਸਤ ਹਨ। ਬਿੱਗ ਬੌਸ ਦੇ ਘਰ ਵਿਚ ਦੋਨਾਂ ਦੀ ਚੰਗੀ ਦੋਸਤੀ ਸੀ ਜੋ ਅਜੇ ਵੀ ਬਰਕਰਾਰ ਹੈ। ਅਦਾਕਾਰ ਵਿਸ਼ਾਲ ਦਾ ਕਹਿਣਾ ਹੈ ਕਿ ਦੋਵੇਂ ਹਮੇਸ਼ਾਂ ਦੋਸਤ ਰਹਿਣਗੇ। ਹਾਲ ਹੀ ਵਿਚ ਵਿਸ਼ਾਲ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਅਾਸਿਮ ਉਹਨਾਂ ਦਾ ਬਹੁਤ ਚੰਗਾ ਦੋਸਤ ਹੈ।
ਟੀਵੀ ਅਦਾਕਾਰ ਵਿਸ਼ਾਲ ਨੇ ਕਿਹਾ, ‘ਮੈਨੂੰ ਨਹੀਂ ਪਤਾ ਕਿ ਮੈਂ ਕਿੰਨੀ ਵਾਰ ਇਸ ਸਵਾਲ ਦਾ ਜਵਾਬ ਦੇ ਚੁੱਕਾ ਹਾਂ ਕਿ ਮੈਂ ਅਸੀਮ ਰਿਆਜ਼ ਦੇ ਸੰਪਰਕ ਵਿਚ ਹਾਂ। ਅਸੀਂ ਦੋਵੇਂ ਉਹ ਨਹੀਂ ਜੋ ਰੋਜ਼ ਸਾਡੀ ਇੰਸਟਾ ਸਟੋਰੀ ‘ਤੇ ਇਕ ਦੂਜੇ ਦੀਆਂ ਤਸਵੀਰਾਂ ਸ਼ੇਅਰ ਕਰੀਏ, ਰੋਜ਼ ਇਕ ਦੂਜੇ ਨੂੰ ਕਾਲ ਕਰੀਏ। ਅਸੀਂ ਦੋਵੇਂ ਅਜਿਹਾ ਨਹੀਂ ਕਰਦੇ। ਅਸੀਂ ਦੋਵੇਂ ਮੈਸੇਜ਼ ‘ਤੇ ਗੱਲ ਕਰਦੇ ਹਾਂ, ਮੈਸੇਜ਼ ਵਿਚ ਇਕ ਦੂਜੇ ਦਾ ਹਾਲਚਾਲ ਪੁੱਛਦੇ ਹਾਂ। ਅਸੀਂ ਦੋਸਤ ਹਾਂ ਅਤੇ ਹਮੇਸ਼ਾਂ ਦੋਸਤ ਰਹਾਂਗੇ।
ਬਿੱਗ ਬੌਸ ਬਾਰੇ ਗੱਲ ਕਰਦੇ ਹੋਏ ਵਿਸ਼ਾਲ ਨੇ ਕਿਹਾ, ‘ਇਕ ਘੰਟੇ ਦਾ ਐਪੀਸੋਡ ਜੋ ਦਰਸ਼ਕ ਦੇਖਦੇ ਹਨ, ਉਹ ਪੂਰਾ ਸੱਚ ਨਹੀਂ ਹੁੰਦਾ। ਇਹ ਇਕ ਸ਼ੋਅ ਹੈ, ਜਦੋਂ ਹਰ ਕੋਈ ਇਕ ਦੂਜੇ ਨਾਲ ਮੁਕਾਬਲਾ ਕਰਦੇ ਹਨ, ਹਰ ਇਕ ਨੇ ਸ਼ੋਅ ਜਿੱਤਣਾ ਹੁੰਦਾ ਹੈ, ਸਾਰੇ ਸ਼ੋਅ ਨੂੰ ਜਿੱਤਣ ਦੇ ਇਰਾਦੇ ਨਾਲ ਸ਼ੋਅ ਵਿਚ ਹੁੰਦੇ ਹਨ। ਇਸ ਲਈ ਕਾਫੀ ਲੜਾਈ ਹੁੰਦੀ ਹੈ ਪਰ ਜੋ ਸਿਰਫ ਇਕ ਘੰਟੇ ਵਿੱਚ ਦਰਸ਼ਕਾਂ ਨੂੰ ਨਜ਼ਰ ਆਉਂਦਾ ਹੈ ਉਹ ਸੱਚ ਨਹੀਂ ਹੁੰਦਾ। ਮੁਕਾਬਲੇਬਾਜ਼ ਸਿਰਫ ਉਸ ਘਰ ਵਿਚ ਲੜਦੇ ਨਹੀਂ ਰਹਿੰਦੇ। ਇਸ ਸੰਸਾਰ ਵਿਚ ਕੋਈ ਵੀ ਨਹੀਂ ਹੈ ਜੋ ਇਕ ਦਮ ਸੰਪੂਰਨ ਹੋਵੇ। ਆਖਰਕਾਰ, ਅਸੀਂ ਸਾਰੇ ਇਨਸਾਨ ਹੀ ਹਾਂ।’ ਦਸ ਦੇਈਏ ਕਿ ਵਿਸ਼ਾਲ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਅੈਕਟਿਵ ਰਹਿੰਦੇ ਹਨ ਅਤੇ ਇਸ ਦੇ ਜ਼ਰੀਏ ਹੀ ਉਹ ਆਪਣੇ ਫੈਨਜ਼ ਨੂੰ ਆਪਣੇ ਬਾਰੇ ਅਪਡੇਟ ਕਰਦੇ ਰਹਿੰਦੇ ਹਨ। ਬਿੱਗ ਬੌਸ ਵਿੱਚ ਜਾਣ ਤੋਂ ਬਾਅਦ ਵਿਸ਼ਾਲ ਨੂੰ ਕਾਫੀ ਪਾਪੂਲੈਰਿਟੀ ਮਿਲ ਗਈ ਹੈ।
