ਲੋਹੀਆਂ ਖਾਸ ਦੇ ਪਿੰਡ ਸਭੂਵਾਲ ਵਿੱਚ ਇੱਕ ਪਰਿਵਾਰ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਦੀ ਬੇਬੇ ਬਸੰਤ ਕੌਰ ਦੁਨੀਆ ਦੀ ਸਭ ਤੋਂ ਬਜ਼ੁਰਗ ਔਰਤ ਹੈ। ਇਥੇ ਪੰਜ ਪੀੜ੍ਹੀਆਂ ਨਾਲ ਰਹਿੰਦੀ ਬਸੰਤ ਕੌਰ ਕੋਲ ਸਬੂਤ ਵਜੋਂ ਵੋਟਰ ਕਾਰਡ ਹੈ, ਜਿਸ ਵਿੱਚ ਉਸਦੀ ਉਮਰ ਸਾਲ 1995 ਵਿੱਚ 98 ਸਾਲ ਹੈ। ਇਸ ਅਰਥ ਵਿਚ ਉਸ ਦੀ ਮੌਜੂਦਾ ਉਮਰ ਲਗਭਗ 124 ਸਾਲ ਹੈ।
ਉਸਨੇ ਤਿੰਨ ਸਦੀਆਂ ਵੇਖੀਆਂ ਹਨ। ਉਨ੍ਹਾਂ ਦਾ ਜਨਮ 19ਵੀਂ ਸਦੀ ਵਿਚ ਹੋਇਆ। ਪੂਰੀ 20 ਵੀਂ ਸਦੀ ਨੂੰ ਦੇਖਣ ਤੋਂ ਬਾਅਦ, ਉਹ ਹੁਣ 21 ਵੀਂ ਸਦੀ ਵਿਚ ਜ਼ਿੰਦਗੀ ਦਾ ਆਨੰਦ ਲੈ ਰਹੀ ਹੈ। ਹਾਲਾਂਕਿ ਰਿਸ਼ਤੇਦਾਰ ਦਾਅਵਾ ਕਰਦੇ ਹਨ ਕਿ ਉਨ੍ਹਾਂ ਦੀ ਅਸਲ ਉਮਰ 132 ਸਾਲ ਹੈ। ਬਸੰਤ ਕੌਰ ਦੇ ਪਤੀ ਜਵਾਲਾ ਸਿੰਘ ਦੀ ਵੀ 105 ਸਾਲ ਦੀ ਉਮਰ ਵਿੱਚ ਮੌਤ ਹੋ ਗਈ। ਮਾਤਾ ਬਸੰਤ ਕੌਰ ਦਾ ਜਨਮ ਲੋਹੀਆਂ ਖਾਸ ਦੇ ਪਿੰਡ ਲਾਇਲੇ ਵਿੱਚ ਹੋਇਆ ਸੀ ਜਦੋਂ ਕਿ ਉਸਦਾ ਵਿਆਹ ਕਪੂਰਥਲਾ ਦੇ ਪਿੰਡ ਬੰਤਾਵਾਲੀ ਵਿੱਚ ਜਵਾਲਾ ਸਿੰਘ ਨਾਲ ਹੋਇਆ ਸੀ। ਹੁਣ ਉਹ ਆਪਣੀ ਜ਼ਿੰਦਗੀ ਦੇ ਲੰਬੇ ਪੜਾਅ ਤੈਅ ਕਰਕੇ ਪੋਤੇ-ਪੋਤੀਆਂ ਨਾਲ ਜ਼ਿੰਦਗੀ ਜੀਅ ਰਹੀ ਹੈ। ਬਸੰਤ ਕੌਰ ਦੇ ਪੰਜ ਲੜਕਿਆਂ ਦੀ ਮੌਤ ਹੋ ਗਈ ਹੈ। ਇਕ ਦੀ 94 ਸਾਲ ਦੀ ਉਮਰ ਵਿਚ ਮੌਤ ਹੋ ਗਈ। ਬੇਟੀਆਂ ਵਿਚੋਂ ਨਸੀਬ ਕੌਰ (66) ਦੀ ਮੌਤ ਹੋ ਗਈ। ਭਜਨ ਕੌਰ (65), ਧਿਆਨ ਕੌਰ (63) ਜੀਵਤ ਹਨ। ਅੱਜ ਉਸ ਦੇ ਪਰਿਵਾਰ ਵਿੱਚ ਤਿੰਨ ਦਰਜਨ ਤੋਂ ਵੱਧ ਮੈਂਬਰ ਹਨ। 12 ਪੋਤੇ ਅਤੇ 13 ਪੋਤੀਆਂ ਹਨ।
ਇਹ ਵੀ ਪੜ੍ਹੋ : ਜਬਰ ਜਨਾਹ ਮਾਮਲਾ : ਹਾਈਕੋਰਟ ਨੇ ਸਿਮਰਜੀਤ ਬੈਂਸ ਦੀ ਪਟੀਸ਼ਨ ਖਾਰਿਜ ਕਰ ਦਿੱਤਾ ਵੱਡਾ ਝਟਕਾ
ਕਪੂਰਥਲਾ ਵਿਚ ਰਹਿਣ ਵਾਲਾ ਉਸ ਦਾ ਪੋਤਰਾ ਵਰਿੰਦਰ ਸਿੰਘ (27) ਦਾਅਵਾ ਕਰਦਾ ਹੈ ਕਿ ਉਨ੍ਹਾਂ ਦੀ ਉਮਰ 132 ਸਾਲ ਹੈ। ਦਸਤਾਵੇਜ਼ਾਂ ਵਿਚ ਉਸ ਦੀ ਉਮਰ ਘੱਟ ਦੱਸੀ ਗਈ ਹੈ। ਅਸਲ ਉਮਰ 132 ਸਾਲ ਹੈ। ਉਸਦਾ ਨਾਂ ਦੁਨੀਆ ਦੀ ਸਭ ਤੋਂ ਪੁਰਾਣੀ ਔਰਤ ਦੇ ਰੂਪ ਵਿੱਚ ਦਰਜ ਹੋਣਾ ਚਾਹੀਦਾ ਹੈ। ਬਸੰਤ ਕੌਰ ਨੇ ਦੱਸਿਆ ਕਿ ਉਸ ਦੇ ਪਤੀ ਅਤੇ ਪੰਜ ਲੜਕਿਆਂ ਦੀ ਮੌਤ ਹੋ ਗਈ ਹੈ। ਬਸੰਤ ਕੌਰ ਨੇ ਕਿਹਾ ਕਿ ਉਨ੍ਹਾਂ ਨੂੰ ਹੁਣ ਘੱਟ ਦਿਖਦਾ ਹੈ। ਕਿਸੇ ਦੀ ਗੱਲ ਸੁਣਨ ਵਿਚ ਵੀ ਥੋੜ੍ਹੀ ਮੁਸ਼ਕਲ ਆਉਂਦੀ ਹੈ। ਇਸ ਤੋਂ ਇਲਾਵਾ, ਉਸਨੂੰ ਕੋਈ ਸਮੱਸਿਆ ਨਹੀਂ ਹੈ ਅਤੇ ਉਹ ਪੂਰੀ ਤਰ੍ਹਾਂ ਤੰਦਰੁਸਤ ਹੈ। ਉਹ ਹਰ ਰੋਜ਼ ਸਬਜ਼ੀ, ਦਹੀਂ ਨਾਲ ਦੋ ਰੋਟੀਆਂ ਖਾਂਧੇ ਹਨ। ਉਹ ਮਿੱਠਾ ਖਾਣਾ ਵੀ ਪਸੰਦ ਕਰਦੇ ਹਨ। ਬਸੰਤ ਕੌਰ ਨੇ ਕਿਹਾ ਕਿ ਉਸਨੇ ਤਿੰਨ ਸਦੀਆਂ ਵੇਖੀਆਂ ਹਨ ਅਤੇ ਹੁਣ ਉਹ ਆਪਣੀ ਪੰਜਵੀਂ ਪੀੜ੍ਹੀ ਨਾਲ ਖੁਸ਼ੀ-ਖੁਸ਼ੀ ਜੀਵਨ ਬਤੀਤ ਕਰ ਰਹੀ ਹੈ।
ਇਹ ਵੀ ਪੜ੍ਹੋ : Breaking : ਬਰਗਾੜੀ ਬੇਅਦਬੀ ਮਾਮਲੇ ‘ਚ ਡੇਰਾ ਕਮੇਟੀ ਦੇ 3 ਮੈਂਬਰਾਂ ਖਿਲਾਫ ਗ੍ਰਿਫਤਾਰੀ ਵਾਰੰਟ ਜਾਰੀ
