ਐਕਸੀਡੈਂਟ ਵਿੱਚ ਮਰਨ ਵਾਲੇ ਟਿੰਕੂ ਮਸੀਹ ਦੇ ਭਰਾ ਰਿੰਕਾ ਮਸੀਹ ਨੇ ਦੱਸਿਆ ਕਿ ਮ੍ਰਿਤਕ ਟਿੰਕੂ ਮਸੀਹ ਆਪਣੇ ਪਿੰਡ ਮਲਕਪੁਰ ਤੋਂ ਮੋਟਰਸਾਈਕਲ ਤੇ ਸਵਾਰ ਹੋਕੇ ਬਟਾਲਾ ਆ ਰਿਹਾ ਸੀ ਕੇ ਰਸਤੇ ਵਿਚ ਪਿੰਡ ਸ਼ਾਹਬਾਦ ਦੇ ਕੋਲ ਦੂਸਰੇ ਮੋਟਰਸਾਈਕਲ ਨਾਲ ਉਸਦੇ ਮੋਟਰਸਾਇਕਲ ਦੀ ਆਹਮਣੇ ਸਾਹਮਣੇ ਟੱਕਰ ਹੋ ਗਈ। ਟੱਕਰ ‘ਚ ਚਾਰ ਲੋਕ ਜ਼ਖਮੀ ਹੋਏ ਜਿਸ ਵਿਚੋਂ ਟਿੰਕਾ ਮਸੀਹ ਦੀ ਹਸਪਤਾਲ ਲਿਜਾਂਦੇ ਹੋਏ ਮੌਤ ਹੋ ਗਈ। ਦੱਸਿਆ ਜਾ ਰਿਹਾ ਮ੍ਰਿਤਕ ਤਿੰਨ ਬੱਚਿਆਂ ਦਾ ਬਾਪ ਸੀ।
ਸਿਵਲ ਹਸਪਤਾਲ ਦੀ ਡਾਕਟਰ ਨੇ ਦੱਸਿਆ ਕਿ ਐਕਸੀਡੈਂਟ ਕੇਸ ਆਇਆ ਹੈ। ਜਿਸ ਵਿੱਚ ਚਾਰ ਲੋਕ ਜ਼ਖਮੀ ਹੋਏ ਜਿਹਨਾਂ ਵਿਚੋਂ ਟਿੰਕਾ ਮਸੀਹ ਦੀ ਮੌਤ ਹੋ ਚੁੱਕੀ ਹੈ ਅਤੇ ਮਲਕੀਤ ਸਿੰਘ ਨਾਮਕ ਜ਼ਖਮੀ ਦੀ ਗੰਭੀਰ ਹਾਲਤ ਦੇਖਦੇ ਹੋਏ ਉਸਨੂੰ ਅੰਮ੍ਰਿਤਸਰ ਰੈਫਰ ਕਰ ਦਿੱਤਾ ਗਿਆ ਹੈ ਅਤੇ ਦੋ ਜ਼ਖਮੀਆਂ ਦਾ ਇਲਾਜ਼ ਸਿਵਲ ਹਸਪਤਾਲ ਬਟਾਲਾ ਵਿੱਚ ਚੱਲ ਰਿਹਾ ਹੈ।
