ਘਟਨਾ ਦੇਰ ਸ਼ਾਮ ਦੀ ਹੈ ਜਦ ਬਜ਼ੁਰਗ ਆਪਣੇ ਘਰ ਦੇ ਵਿੱਚ ਇਕੱਲੀ ਸੀ ਤਾਂ ਤਿੰਨ ਲੁਟੇਰਿਆਂ ਜਿਨ੍ਹਾਂ ਵਿੱਚ ਔਰਤ ਵੀ ਸੀ ਵੱਲੋਂ ਹੱਥ ਵਿੱਚ ਕਾਪਾ ਲੈ ਘਰ ਦੇ ਅੰਦਰ ਪਹੁੰਚੇ। ਘਰ ਦੇ ਅੰਦਰ ਦਾਖ਼ਲ ਹੋ ਕੇ ਲੁਟੇਰਿਆਂ ਦੇ ਨਾਲ ਆਈ ਔਰਤ ਨੇ ਬਜ਼ੁਰਗ ਨੂੰ ਉਸ ਦੀ ਬੇਟੀ ਦੇ ਬਾਰੇ ਪੁੱਛਿਆ ਤਾਂ ਬਜ਼ੁਰਗ ਨੇ ਕਿਹਾ ਕਿ ਉਸ ਦੀ ਬੇਟੀ ਪਿੰਡ ਗਈ ਹੋਈ ਹੈ। ਇਸ ‘ਤੇ ਉਕਤ ਔਰਤ ਕਹਿਣ ਲੱਗੀ ਕਿ ਤੁਸੀਂ ਮੇਰੀ ਆਪਣੀ ਬੇਟੀ ਦੇ ਨਾਲ ਫੋਨ ‘ਤੇ ਗੱਲ ਕਰਵਾ ਦਿਓ।
ਬਜ਼ੁਰਗ ਨੇ ਗੱਲ ਕਰਨ ਤੋਂ ਨਾਂਹ ਕਰ ਦਿੱਤੀ ਅਤੇ ਕਿਹਾ ਕਿ ਤੁਸੀਂ ਮੈਨੂੰ ਹੀ ਦੱਸੋ ਕਿ ਕੀ ਕੰਮ ਹੈ। ਐਨੇ ਨੂੰ ਉਕਤ ਔਰਤ ਨੇ ਕਿਹਾ ਕਿ ਪਹਿਲਾਂ ਪਾਣੀ ਪਿਲਾਓ ਅਤੇ ਜਦ ਬਜ਼ੁਰਗ ਔਰਤ ਰਸੋਈ ਦੇ ਵਿਚ ਪਾਣੀ ਲੈਣ ਗਈ ਤਾਂ ਘਰ ਦੇ ਵਿਚ ਇਕ ਹੋਰ ਨੌਜਵਾਨ ਦਾਖ਼ਲ ਹੋ ਗਿਆ ਜਿਸ ਨੇ ਬਜ਼ੁਰਗ ਨੂੰ ਧੌਣ ਤੋਂ ਪਕੜ ਲਿਆ ਅਤੇ ਉਸ ਦੀ ਸਾਥੀ ਔਰਤ ਦੇ ਵੱਲੋਂ ਬਜ਼ੁਰਗ ਦੇ ਕੰਨਾਂ ਵਿੱਚੋਂ ਵਾਲੀਆਂ ਖਿੱਚ ਲਈਆਂ ਗਈਆਂ।
ਵੀਡੀਓ ਲਈ ਕਲਿੱਕ ਕਰੋ -:
Vidhan Sabha ‘ਚ ਭਿੜੇ CM Channi, Sidhu, Majithia ਹੱਥੋਪਾਈ ਤੱਕ ਪਹੁੰਚੀ ਨੌਬਤ”
ਬਜ਼ੁਰਗ ਔਰਤ ਦੇ ਮੁਤਾਬਕ ਤਿੰਨ ਲੁਟੇਰੇ ਸਨ। ਦੋ ਘਰ ਦੇ ਵਿੱਚ ਦਾਖ਼ਲ ਹੋਏ ਅਤੇ ਇਕ ਬਾਹਰ ਮੋਟਰਸਾਈਕਲ ‘ਤੇ ਹੀ ਬੈਠਾ ਰਿਹਾ। ਜਿਨ੍ਹਾਂ ਦੇ ਵੱਲੋਂ ਤੇਜ਼ਧਾਰ ਹਥਿਆਰਾਂ ਦੇ ਦਮ ‘ਤੇ ਇਸ ਲੁੱਟ ਨੂੰ ਅੰਜਾਮ ਦਿੱਤਾ ਗਿਆ। ਇਸ ਸਾਰੀ ਘਟਨਾ ਦੀ ਪੁਸ਼ਟੀ ਗਲੀ ਦੇ ਵਿੱਚ ਲੱਗੇ ਸੀਸੀਟੀਵੀ ਕੈਮਰੇ ਤੋਂ ਹੋਈ ਜਿਸ ਦੇ ਵਿੱਚ ਆਰੋਪੀ ਮੋਟਰਸਾਇਕਲ ‘ਤੇ ਦਿਖਾਈ ਦੇ ਰਹੇ ਸਨ। ਜਿਸ ਤੋਂ ਬਾਅਦ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ ਅਤੇ ਮੌਕੇ ‘ਤੇ ਥਾਣਾ ਸਿਟੀ ਫਾਜ਼ਿਲਕਾ ਦੀ ਪੁਲਿਸ ਪਹੁੰਚੀ ਅਤੇ ਪੁਲਿਸ ਵੱਲੋਂ ਜਾਂਚ ਸ਼ੁਰੂ ਕਰ ਦਿੱਤੀ ਗਈ।
