ਪੰਜਾਬ ਵਿਚ ਆਏ ਦਿਨ ਕਤਲ ਦੀਆਂ ਘਟਨਾਵਾਂ ਆਮ ਜਿਹੀ ਗੱਲ ਹੋ ਗਈ ਤੇ ਛੋਟੀ ਜਿਹੀ ਗੱਲ ਤੇ ਕਤਲ ਕਰ ਦਿੱਤੇ ਜਾਂਦੇ ਹਨ ਤੇ ਪੁਲਿਸ ਪ੍ਰਸ਼ਾਸ਼ਨ ਦਾ ਕੋਈ ਡਰ ਨਹੀਂ ਰਿਹਾ। ਦੇਰ ਰਾਤ ਬਾਘਾ ਪੁਰਾਣਾ ਦੇ ਪਿੰਡ ਨਾਥੇਵਾਲਾ ਵਿਚ 2 ਕਤਲ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਮਿਲੀ ਜਾਣਕਾਰੀ ਅਨੁਸਾਰ ਦੇਰ ਰਾਤ 2 ਕਤਲ ਕਰ ਦਿੱਤੇ ਗਏ। ਇਹ ਕਤਲ ਕਿਸੇ ਤੇਜਧਾਰ ਹਥਿਆਰ ਨਾਲ ਕੀਤੇ ਦੱਸੇ ਜਾ ਰਹੇ ਹਨ ਤੇ ਕਤਲ ਖੇਤਾਂ ਵਿੱਚ ਹੋਏ ਹਨ ਜਿਨ੍ਹਾਂ 2 ਵਿਅਕਤੀਆਂ ਪਾਲ ਸਿੰਘ ਅਤੇ ਜਸਵਿੰਦਰ ਸਿੰਘ ਦੇ ਕਤਲ ਹੋਏ ਹਨ। ਉਹਨਾਂ ਦੀ ਉਮਰ ਤਕਰੀਬਨ 52 ਸਾਲ ਤੇ ਦੂਜੇ ਦੀ 42 ਸਾਲ ਦੱਸੀ ਜਾ ਰਹੀ ਹੈ ਉਹ ਮੋਗਾ ਦੇ ਪਿੰਡ ਝੰਡੇਅਨਾ ਦੇ ਦੱਸੇ ਜਾ ਰਹੇ ਹਨ ਪੁਲਿਸ ਪਾਰਟੀ ਮੌਕੇ ‘ਤੇ ਘਟਨਾ ਸਥਾਨ ‘ਤੇ ਪਹੁੰਚੀ ਅਤੇ ਕਤਲ ਹੋਏ ਕਾਰਨਾਂ ਦਾ ਪਤਾ ਲਗਾਇਆ ਜਾ ਰਿਹਾ ਤੇ ਕਿਸਨੇ ਇਹ ਕਤਲ ਕੀਤੇ ਅਜੇ ਜਾਂਚ ਦਾ ਵਿਸ਼ਾ ਬਣਿਆ ਹੋਇਆ ਹੈ।
ਮੌਕੇ ‘ਤੇ ਪਹੁੰਚੇ ਪਾਲ ਸਿੰਘ ਦੇ ਰਿਸ਼ਤੇਦਾਰ ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਦੇਰ ਰਾਤ ਉਸਨੂੰ ਉਸਦੇ ਚਾਚੇ ਦਾ ਫੋਨ ਆਇਆ। ਉਸਨੇ ਕਿਹਾ ਕਿ ਪਵਨੈ ਦਾ ਫੋਨ ਆਇਆ ਕਿ ਉਸਨੂੰ ਖੇਤਾਂ ਵਿੱਚ ਬੰਦੇ ਮਾਰਨ ਵਾਸਤੇ ਪੈ ਗਏ। ਉਸਨੇ ਦੱਸਿਆ ਕਿ ਜਦੋਂ ਅਸੀਂ ਉੱਥੇ ਪਹੁੰਚੇ ਤਾਂ ਦੇਖਿਆ ਕਿ ਉਸਦਾ ਰਿਸ਼ਤੇਦਾਰ ਤੇ ਉਸਦਾ ਦੋਸਤ ਜਮੀਨ ‘ਤੇ ਮਾਰੇ ਪਏ ਸਨ ਅਤੇ ਪਵਨੈ ਦੇ ਹੱਥ ਵਿੱਚ ਕਿਰਚ ਫੜ੍ਹੀ ਹੋਈ ਸੀ ਤੇ ਉਹ ਉਹਨਾਂ ਨੂੰ ਦੇਖ ਕੇ ਭੱਜ ਗਿਆ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਯਕੀਨ ਹੈ ਕਿ ਇਹ ਕਤਲ ਪਵਨੈ ਨੇ ਹੀ ਕੀਤੇ ਹਨ।
Sooji Parshad | Sooji Halwa | ਸੂਜ਼ੀ ਦਾ ਦਾਣੇਦਾਰ ਪ੍ਰਸ਼ਾਦ | Semolina Halwa | Ashtami Recipe
ਮ੍ਰਿਤਕ ਪਾਲ ਸਿੰਘ ਦੇ ਸਪੁੱਤਰ ਨੇ ਦੱਸਿਆ ਕਿ ਉਸਦੇ ਮਾਮਾ ਜੀ ਦਾ ਫੋਨ ਆਇਆ ਕਿ ਪਾਲ ਸਿੰਘ ਤੇ ਉਸਦੇ ਦੋਸਤ ਜਸਵਿੰਦਰ ਸਿੰਘ ਦਾ ਕਤਲ ਹੋ ਗਿਆ ਹੈ ਜਗਦੀਪ ਸਿੰਘ ਨੇ ਕਿਹਾ ਕਿ ਸਾਡੀ ਕਿਸੇ ਨਾਲ ਕੋਈ ਦੁਸ਼ਮਣੀ ਨਹੀਂ ਤੇ ਪਹਿਲਾ ਵੀ 5-7 ਦਿਨ ਬਾਅਦ ਝੰਡੇਅਨਾ ਤੋਂ ਨਾਥੇਵਾਲ ਮਾਮਾ ਜੀ ਕੋਲ ਆ ਜਾਂਦੇ ਸੀ ਤੇ ਪਵਨ ਨੇ ਉਸਦੇ ਪਾਪਾ ਤੇ ਚਾਚਾ ਦਾ ਕਿਰਚ ਮਾਰਕੇ ਕਤਲ ਕੀਤਾ ਹੈ। ਬਾਘਾ ਪੁਰਾਣਾ ਦੇ ਐਸ.ਐਚ.ਓ ਹਰਮਨਜੀਤ ਸਿੰਘ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਇਹ ਕਤਲ ਦੇਰ ਰਾਤ ਕੀਤੇ ਗਏ ਹਨ ਤੇ ਉਨ੍ਹਾਂ ਨੂੰ ਸਵੇਰੇ ਇਸ ਦੀ ਜਾਣਕਾਰੀ ਮਿਲੀ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਜਦੋਂ ਉਨ੍ਹਾਂ ਨੇ ਇਥੇ ਆ ਕੇ ਦੇਖਿਆ ਤਾਂ 2 ਵਿਅਕਤੀਆਂ ਦਾ ਕਤਲ ਹੋਇਆ ਸੀ। ਇਹ ਖੇਤਾਂ ਵਿੱਚ ਕਤਲ ਹੋਏ ਹਨ ਤੇ ਖੇਤਾਂ ਵਿੱਚ ਗੋਭੀ ਦੀ ਫਸਲ ਲੱਗੀ ਹੋਈ ਹੈ ਤੇ ਸੁਖਦੇਵ ਸਿੰਘ ਨੂੰ ਮਿਲਣ ਆਏ ਸਨ। ਐਸ.ਐਚ.ਓ ਨੇ ਕਿਹਾ ਕਿ ਮਾਮਲੇ ਦੀ ਜਾਂਚ ਕਰ ਰਹੇ ਹਾਂ ਕਿ ਕਿਸਨੇ ਇਹਨਾਂ 2 ਵਿਅਕਤੀਆਂ ਦੇ ਕਤਲ ਕੀਤੇ ਹਨ।
