ਅਬੋਹਰ ਦੇ ਮਲੋਟ ਵਿਚ 3 ਸਾਲਾ ਬੱਚੇ ਦੀ ਘਰ ਵਿਚ ਬਣੇ ਡਿੱਗੀ ਵਿਚ ਡਿੱਗ ਕੇ ਡੁੱਬਣ ਨਾਲ ਮੌਤ ਹੋ ਗਈ। ਉਹ ਪਿਛਲੇ ਕੁਝ ਦਿਨਾਂ ਤੋਂ ਰਾਮਪੁਰਾ ਨਾਰਾਇਣਪੁਰਾ ਵਿਚ ਰਹਿਣ ਵਾਲੇ ਆਪਣੇ ਨਾਨਾ-ਨਾਨੀ ਦੇ ਘਰ ਆਇਆ ਹੋਇਆ ਸੀ। ਘਟਨਾ ਦੇ ਬਾਅਦ ਪਰਿਵਾਰ ਵਾਲਿਆਂ ਨੇ ਤੁਰੰਤ ਉਸ ਨੂੰ ਬਾਹਰ ਕੱਢਿਆ ਤੇ ਹਸਪਤਾਲ ਲੈ ਕੇ ਆਏ ਜਿਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਮਲੋਟ ਦੀ ਇਕਬਾਲ ਕਾਲੋਨੀ ਵਾਸੀ ਗੁਰਪ੍ਰੀਤ ਸਿੰਘ ਦੀ ਪਤਨੀ ਮਨਪ੍ਰੀਤ ਕੌਰ ਤਿੰਨ ਸਾਲੇ ਇਕਲੌਤੇ ਬੇਟੇ ਏਕਮ ਨੂੰ ਮਨਪ੍ਰੀਤ ਦੇ ਮਾਤਾ ਗੁਰਸੇਵਕ ਸਿੰਘ ਦੀ ਪਤਨੀ ਨਾਲ ਆਪਣੇ ਨਾਲ ਰਾਮਪੁਰਾ ਲੈ ਆਈ ਸੀ। ਏਕਮ ਜ਼ਿਆਦਾਤਰ ਗੁਰਸੇਵਕ ਦੀ ਪਤਨੀ ਦੇ ਨਾਲ ਹੀ ਰਹਿੰਦਾ ਸੀ ਜਦੋਂ ਕਿ ਉਸ ਦੀ ਮਾਂ ਮਨਪ੍ਰੀਤ ਆਪਣੇ ਪੇਕੇ ਮਲੋਟ ਵਿਚ ਰਹਿੰਦੀ ਹੈ।
ਅੱਜ ਜਦੋਂ ਏਕਮ ਖੇਡ ਰਿਹਾ ਸੀ ਤਾਂ ਘਰ ਵਿਚ ਬਣੇ ਪਾਣੀ ਦੇ ਭਾਂਡੇ ਦਾ ਪਲਾਸਟਿਕ ਦਾ ਢੱਕਣ ਖੁੱਲ੍ਹ ਗਿਆ ਤੇ ਉਹ ਉਸ ਵਿਚ ਡਿੱਗ ਗਿਆ। ਜਦੋਂ ਗੁਰਸੇਵਕ ਦੀ ਪਤਨੀ ਨੂੰ ਕਾਫੀ ਦੇਰ ਤੱਕ ਏਕਮ ਦਿਖਾਈ ਨਹੀਂ ਦਿੱਤਾ ਤਾਂ ਉਸ ਨੇ ਇਧਰ-ਉਧਰ ਦੇਖਿਆ ਤਾਂ ਢੱਕਣ ਖੁੱਲ੍ਹਾ ਸੀ ਤੇ ਅੰਦਰ ਝਾਕ ਕੇ ਦੇਖਿਆ ਤਾਂ ਏਕਮ ਉਸ ਵਿਚ ਡੁੱਬਿਆ ਹੋਇਆ ਸੀ।
ਇਹ ਵੀ ਪੜ੍ਹੋ : ਡੇਰਾ ਬੱਸੀ ‘ਚ ਕੈਮੀਕਲ ਫੈਕਟਰੀ ‘ਚ ਲੱਗੀ ਭਿਆਨਕ ਅੱ/ਗ, ਮੌਕੇ ‘ਤੇ ਪਹੁੰਚੀਆਂ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ
ਉਸ ਨੇ ਤੁਰੰਤ ਆਸ-ਪਾਸ ਦੇ ਲੋਕਾਂ ਦੀ ਮਦਦ ਨਾਲ ਏਕਮ ਨੂੰ ਬਾਹਰ ਕੱਢਿਆ ਤੇ ਹਸਪਤਾਲ ਲੈ ਗਈ। ਜਿਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਇਸ ਦੇ ਬਾਅਦ ਗੁਰਸੇਵਕ ਦੇ ਪਰਿਵਾਰ ਨੇ ਬੱਚੇ ਦੀ ਮਾਂ ਨੂੰ ਘਟਨਾ ਦੀ ਜਾਣਕਾਰੀ ਦਿੱਤੀ।
ਵੀਡੀਓ ਲਈ ਕਲਿੱਕ ਕਰੋ -:
