ਸਾਲ 2023 ਦੇ ਆਖਰੀ ਦਿਨ ਰਾਹੁਲ ਗਾਂਧੀ ਨੇ ਆਪਣੇ ਯੂਟਿਊਬ ਚੈਨਲ ‘ਤੇ ਸੰਤਰੇ ਦਾ ਮੁਰੱਬਾ ਬਣਾਉਣ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਨੂੰ ਬਣਾਉਣ ‘ਚ ਸੋਨੀਆ ਗਾਂਧੀ ਉਨ੍ਹਾਂ ਦੀ ਮਦਦ ਕਰਦੀ ਨਜ਼ਰ ਆ ਰਹੀ ਹੈ। 5 ਮਿੰਟ ਦੀ ਇਸ ਵੀਡੀਓ ‘ਚ ਦੋਵਾਂ ਨੂੰ ਕੱਚ ਦੇ ਜਾਰ ‘ਚ ਮੁਰੱਬਾ ਭਰਦੇ ਦੇਖਿਆ ਜਾ ਸਕਦਾ ਹੈ। ਇਨ੍ਹਾਂ ਜਾਰਾਂ ‘ਤੇ ਇਕ ਟੈਗ ਹੈ, ਜਿਸ ‘ਤੇ ਲਿਖਿਆ ਹੈ- ਵਿਦ ਲਵ, ਸੋਨੀਆ ਅਤੇ ਰਾਹੁਲ।
ਵੀਡੀਓ ‘ਚ ਇਕ ਪਲ ਇਹ ਵੀ ਨਜ਼ਰ ਆ ਰਿਹਾ ਹੈ ਜਦੋਂ ਰਾਹੁਲ ਸੋਨੀਆ ਨੂੰ ਕਹਿੰਦੇ ਹਨ ਕਿ ਜੇ ਭਾਜਪਾ ਵਾਲੇ ਚਾਹੁਣ ਤਾਂ ਇਹ ਜੈਮ ਮਿਲ ਸਕਦਾ ਹੈ। ਇਸ ‘ਤੇ ਸੋਨੀਆ ਮਜ਼ਾਕ ਵਿਚ ਕਹਿੰਦੀ ਹੈ- ਉਹ ਇਸ ਨੂੰ ਸਾਡੇ ‘ਤੇ ਵਾਪਸ ਸੁੱਟ ਦੇਣਗੇ।
ਜਦੋਂ ਮਾਂ-ਪੁੱਤਰ ਦੋਵੇਂ ਰਸੋਈ ਵਿਚ ਸਨ ਤਾਂ ਸੋਨੀਆ ਗਾਂਧੀ ਨੇ ਦੱਸਿਆ ਕਿ ਰਾਹੁਲ ਦੀ ਜ਼ਿੱਦ ਉਨ੍ਹਾਂ ਨੂੰ ਬਹੁਤ ਪਰੇਸ਼ਾਨ ਕਰਦੀ ਹੈ। ਸੋਨੀਆ ਦਾ ਕਹਿਣਾ ਹੈ ਕਿ ਉਹ ਖੁਦ ਬਹੁਤ ਜ਼ਿੱਦੀ ਹੈ। ਰਾਹੁਲ ਦਾ ਇਕ ਗੁਣ ਇਹ ਵੀ ਹੈ ਜੋ ਉਸ ਨੂੰ ਸਭ ਤੋਂ ਜ਼ਿਆਦਾ ਪਸੰਦ ਹੈ ਕਿ ਰਾਹੁਲ ਬਹੁਤ ਪਰਵਾਹ ਕਰਨ ਵਾਲਾ ਹੈ।
ਵਾਇਨਾਡ ਦੇ ਐਮਪੀ ਰਾਹੁਲ ਵੀਡੀਓ ਵਿੱਚ ਕਹਿੰਦੇ ਹਨ ਕਿ ਇਹ ਉਨ੍ਹਾਂ ਦੀ ਭੈਣ ਪ੍ਰਿਅੰਕਾ ਦੀ ਰੈਸਿਪੀ ਹੈ। ਇਹ ਪ੍ਰਿਯੰਕਾ ਸੀ ਜਿਸ ਨੇ ਇਸ ਰੈਸਿਪੀ ਨੂੰ ਲੱਭਿਆ ਅਤੇ ਇਸ ਨੂੰ ਸੁਧਾਰਿਆ। ਉਹ ਬਸ ਇਸ ਨੂੰ ਬਣਾ ਰਹੇ ਹਨ। ਇਹ ਉਨ੍ਹਾਂ ਦੀ ਮਾਂ ਸੋਨੀਆ ਦਾ ਮਨਪਸੰਦ ਜੈਮ ਹੈ। ਰਾਹੁਲ ਦਾ ਕਹਿਣਾ ਹੈ, ਪਹਿਲਾਂ ਉਨ੍ਹਾਂ ਨੂੰ ਅਚਾਰ ਵੀ ਪਸੰਦ ਨਹੀਂ ਸੀ, ਪਰ ਹੁਣ ਉਹ ਪਸੰਦ ਕਰਦੇ ਹਨ। ਰਾਹੁਲ ਨੇ ਇਹ ਵੀ ਕਿਹਾ ਕਿ ਪਰਿਵਾਰ ਵਿੱਚ ਸਭ ਤੋਂ ਵਧੀਆ ਕੁੱਕ ਸੋਨੀਆ ਗਾਂਧੀ ਦੀ ਮਾਂ ਸੀ, ਜਿਨ੍ਹਾਂ ਨੇ ਗਾਂਧੀ ਪਰਿਵਾਰ ਦੇ ਕਸ਼ਮੀਰੀ ਰਿਸ਼ਤੇਦਾਰਾਂ ਤੋਂ ਕਈ ਪਕਵਾਨ ਸਿੱਖੇ ਸਨ।
ਵੀਡੀਓ ‘ਚ ਸੋਨੀਆ ਕਹਿੰਦੀ ਹੈ-ਜਦੋਂ ਕੋਈ ਭਾਰਤੀ ਵਿਦੇਸ਼ ਜਾਂਦਾ ਹੈ ਤਾਂ ਮੈਂ ਅੱਜ ਦੀ ਗੱਲ ਨਹੀਂ ਕਰ ਰਹੀ ਕਿਉਂਕਿ ਹੁਣ ਹਰ ਜਗ੍ਹਾ ਭਾਰਤੀ ਰੈਸਟੋਰੈਂਟ ਹਨ…ਤੁਸੀਂ ਬ੍ਰਿਟੇਨ ਜਾਂ ਹੋਰ ਥਾਵਾਂ ‘ਤੇ ਖਾਣੇ ਦਾ ਮੇਲ ਨਹੀਂ ਕਰ ਸਕਦੇ। ਜਦੋਂ ਮੈਂ ਇੱਥੇ ਆਈ ਤਾਂ ਮੈਨੂੰ ਐਡਜਸਟ ਹੋਣ ਵਿੱਚ ਸਮਾਂ ਲੱਗਿਆ।
ਇਹ ਵੀ ਪੜ੍ਹੋ : ਸ਼ਹੀਦ ਊਧਮ ਸਿੰਘ ਦੇ ਬੁੱਤ ਦਾ ਅਪਮਾਨ ਕਰਨ ਵਾਲਾ ਦੋਸ਼ੀ 24 ਘੰਟਿਆਂ ਅੰਦਰ ਕਾਬੂ, ਦੂਜਾ ਫਰਾਰ
ਸੋਨੀਆ ਨੇ ਕਿਹਾ ਕਿ ਉਨ੍ਹਾਂ ਨੂੰ ਭਾਰਤੀ ਸੁਆਦਾਂ, ਖਾਸ ਤੌਰ ‘ਤੇ ਮਿਰਚ ਅਤੇ ਧਨੀਆ ਨਾਲ ਤਾਲਮੇਲ ਬਿਠਾਉਣ ਵਿੱਚ ਸਮਾਂ ਲੱਗਾ। ਹੁਣ ਜਦੋਂ ਵੀ ਉਹ ਵਿਦੇਸ਼ ਤੋਂ ਆਉਂਦੇ ਹਨ ਤਾਂ ਸਭ ਤੋਂ ਪਹਿਲਾਂ ਉਹ ਅਰਹਰ ਦੀ ਦਾਲ ਤੇ ਚੌਲ ਹੀ ਚਾਹੁੰਦੇ ਹਨ।
ਰਾਹੁਲ ਗਾਂਧੀ ਨੇ ਇਸ ਵੀਡੀਓ ‘ਚ ਇਹ ਵੀ ਦੱਸਿਆ ਹੈ ਕਿ ਜਦੋਂ ਉਹ ਇੰਗਲੈਂਡ ‘ਚ ਪੜ੍ਹ ਰਹੇ ਸਨ ਤਾਂ ਉਨ੍ਹਾਂ ਨੇ ਖਾਣਾ ਪਕਾਉਣ ਦੇ ਬੁਨਿਆਦੀ ਹੁਨਰ ਸਿੱਖੇ ਕਿਉਂਕਿ ਉਨ੍ਹਾਂ ਕੋਲ ਉਦੋਂ ਕੋਈ ਵਿਕਲਪ ਨਹੀਂ ਸੀ। ਰਾਹੁਲ ਕਹਿੰਦੇ ਹਨ- ਖਾਣੇ ਨੂੰ ਲੈ ਕੇ ਕਾਫੀ ਸਿਆਸੀ ਲੜਾਈ ਹੋਈ ਹੈ। ਗਾਂਧੀ ਜੀ ਦਾ ਭੋਜਨ – ਸ਼ਾਕਾਹਾਰੀ, ਬੱਕਰੀ ਦਾ ਦੁੱਧ ਅਤੇ ਉਨ੍ਹਾਂ ਕੋਲ ਨਿਊਟ੍ਰੀਸ਼ਨਲ ਫੂਡ ਦਾ ਸੈੱਟ ਸੀ। ਮੇਰੇ ਕੋਲ ਵੀ ਇੱਕ ਨਿਊਟ੍ਰੀਸ਼ਨਲ ਫੂਡਸੈੱਟ ਹੈ, ਜੋ ਗਾਂਧੀ ਜੀ ਤੋਂ ਥੋੜ੍ਹਾ ਵੱਖਰਾ ਹੈ।
ਵੀਡੀਓ ਲਈ ਕਲਿੱਕ ਕਰੋ –
“ਰੇਡਾਂ ਮਾਰਨ ਵਾਲਾ ਧਾਕੜ ਅਫ਼ਸਰ ਕਿਉਂ ਰੋ ਪਿਆ ? ਕਹਿੰਦਾ, ਕਦੇ ਵੀ ਵਿਆਹ ਦੀ ਰੋਟੀ ਨਾ ਖਾਓ”
