ਪੰਜਾਬੀ ਸੰਗੀਤ ਜਗਤ ਦੇ ਮਹਾਨ ਫਨਕਾਰ ਵਜੋਂ ਆਪਣਾ ਸ਼ੁਮਾਰ ਤੇ ਸ਼ਾਨਦਾਰ ਮੌਜੂਦਗੀ ਦਰਜ ਕਰਵਾਉਣ ‘ਚ ਸਫਲ ਰਹੇ ਮਰਹੂਮ ਗਾਇਕ ਸਰਦੂਲ ਸਿਕੰਦਰ ਦੇ ਜਨਮ ਦਿਨ ਮੌਕੇ ਪੰਜਾਬੀ ਗਾਇਕ ਗਿੱਪੀ ਗਰੇਵਾਲ ਅਤੇ ਹੰਬਲ ਮਿਊਜ਼ਿਕ ਨੇ ਨਵਾਂ ਗਾਣਾ ਲਾਂਚ ਕੀਤਾ ਹੈ- ‘ਠੀਕ ਹੈ ਨਾ ਤੂੰ’। ਇਸ ਗਾਣੇ ਰਾਹੀਂ ਮਰਹੂਮ ਸਰਦੂਲ ਸਿਕੰਦਰ ਜੀ ਦੇ ਪੁੱਤਰ ਸਾਰੰਗ ਸਿਕੰਦਰ ਨੂੰ ਲਾਂਚ ਕੀਤਾ ਗਿਆ ਹੈ।
ਖਾਸ ਗੱਲ ਹੈ ਕਿ ਇਸ ਗਾਣੇ ਰਾਹੀਂ ਗਿੱਪੀ ਗਰੇਵਾਲ ਨੇ ਮਰਹੂਮ ਸਰਦੂਲ ਸਿਕੰਦਰ ਜੀ ਨਾਲ ਕੀਤਾ ਆਪਣਾ ਵਾਅਦਾ ਵੀ ਪੂਰਾ ਕਰ ਦਿੱਤਾ ਹੈ। ਉਨ੍ਹਾਂ ਮਰਹੂਮ ਗਾਇਕ ਨਾਲ ਵਾਅਦਾ ਕੀਤਾ ਸੀ ਕਿ ਉਹ ਸਾਰੰਗ ਸਿਕੰਦਰ ਦਾ ਗਾਣਾ ਲਾਂਚ ਕਰਨਗੇ।
ਗਿੱਪੀ ਗਰੇਵਾਲ ਦੇ ਘਰੇਲੂ ਸੰਗੀਤਕ ਲੇਬਲ ‘ਹੰਬਲ ਮੋਸ਼ਨ ਮਿਊਜ਼ਿਕ’ ਵੱਲੋਂ ਪੇਸ਼ ਕੀਤਾ ਗਿਆ ਇਸ ਪ੍ਰਤਿਭਾਸ਼ਾਲੀ ਗਾਇਕ ਸਾਰੰਗ ਸਿਕੰਦਰ ਦਾ ‘ਠੀਕ ਹੈਂ ਨਾ ਤੂੰ’ ਟਰੈਕ ਦਾ ਮਿਊਜ਼ਿਕ ਬੀ ਪਰਾਕ ਵੱਲੋਂ ਤਿਆਰ ਕੀਤਾ ਗਿਆ ਹੈ, ਜੋ ਅੱਜਕੱਲ੍ਹ ਬਾਲੀਵੁੱਡ ਅਤੇ ਪਾਲੀਵੁੱਡ ਵਿੱਚ ਇੱਕ ਕਾਮਯਾਬ ਸਿੰਗਰ-ਸੰਗੀਤਕਾਰ ਦੇ ਤੌਰ ‘ਤੇ ਕਰੀਅਰ ਦੀ ਪੀਕ ‘ਤੇ ਹਨ।
ਇਹ ਵੀ ਪੜ੍ਹੋ : ਭੱਜਿਆ ਆਇਆ ਪੈਸੇਂਜਰ ਤੇ ਪਾਇਲਟ ਨੂੰ ਮਾਰ ਦਿੱਤਾ ਮੁੱਕਾ, IndiGo ਦੀ ਲਾਈਟ ‘ਚ ਹੰਗਾਮਾ
ਗੀਤ ਦੇ ਬੋਲ ਮਸ਼ਹੂਰ ਗੀਤਕਾਰ ਜਾਨੀ ਵੱਲੋਂ ਲਿਖੇ ਗਏ ਹਨ। ਗੀਤ ਦੇ ਲਫ਼ਜ਼ਾਂ ਤੇ ਮਿਊਜ਼ਿਕ ਨੂੰ ਸਾਰੰਗ ਸਿਕੰਦਰ, ਜਿਨ੍ਹਾਂ ਦੇ ਮਾਤਾ ਅਮਰ ਨੂਰੀ ਜੀ ਤੇ ਪਿਤਾ ਮਰਹੂਮ ਸਰਦੂਲ ਸਿਕੰਦਰ ਦੋਵੇਂ ਹੀ ਪੰਜਾਬੀ ਗਾਇਕੀ ਦੇ ਵਿੱਚ ਮਸ਼ਹੂਰ ਨਾਂ ਹਨ, ਨੇ ਆਪਣੀ ਆਵਾਜ਼ ਦੇ ਕੇ ਜਾਨਦਾਰ ਬਣਾ ਦਿੱਤਾ ਹੈ। ਤਿੰਨਾਂ ਟੇਲੈਂਟਿਡ ਫਨਕਾਰਾਂ ਦੇ ਸੁਮੇਲ ਨਾਲ ਬਣਿਆ ਇਹ ਗਾਣਾ ਦਿਲ ਦੀਆਂ ਡੂੰਘਾਈਆਂ ਤੱਕ ਛੂਹੰਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ –
“ਰੇਡਾਂ ਮਾਰਨ ਵਾਲਾ ਧਾਕੜ ਅਫ਼ਸਰ ਕਿਉਂ ਰੋ ਪਿਆ ? ਕਹਿੰਦਾ, ਕਦੇ ਵੀ ਵਿਆਹ ਦੀ ਰੋਟੀ ਨਾ ਖਾਓ”
