ਗਿੱਦੜਬਾਹਾ ਦੇ ਵਿਖੇ ਮਾਰਕਫੈੱਡ ਦੇ ਪਲਾਟ ਨੇੜੇ ਇਹ ਹਾਦਸਾ ਵਪਾਰਿਆ ਹੈ ਜਿਸ ਵਿਚ ਸਕਾਰਪੀਓ ਗੱਡੀ ਕਾਲ ਬਣ ਕੇ ਆਈ । ਜਾਣਕਾਰੀ ਮੁਤਾਬਕ ਸਕਾਰਪੀਓ ਵਿਚ ਕੁਝ ਨੌਜਵਾਨ ਨਸ਼ੇ ਦੀ ਹਾਲਤ ਵਿਚ ਸਨ ਤੇ ਉਨ੍ਹਾਂ ਵੱਲੋ 2 ਗੱਡੀਆਂ ਨੂੰ ਟੱਕਰ ਮਾਰ ਦਿੱਤੀ ਜਾਂਦੀ ਹੈ। ਸਕਾਰਪੀਓ ਵੱਲੋਂ ਟੱਕਰ ਮਾਰੇ ਜਾਣ ‘ਤੇ ਆਲਟੋ ਤੇ ਸਵਿਫਟ ਗੱਡੀ ਚਕਨਾਚੂਰ ਹੋ ਗਈ।
ਮੌਕੇ ‘ਤੇ ਮੌਜੂਦ ਲੋਕਾਂ ਦੀ ਮਦਦ ਨਾਲ ਗੱਡੀ ਵਿਚ ਸਵਾਰ ਸਵਾਰੀਆਂ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ ਗਈ। ਹਾਦਸੇ ਵਿਚ 4 ਲੋਕ ਜ਼ਖਮੀ ਹੋਏ ਹਨ। ਇਕ ਔਰਤ ਦੀ ਮੌਤ ਹੋ ਗਈ। ਪਤਾ ਲੱਗਾ ਹੈ ਕਿ ਗੱਡੀ ਵਿਚ ਸਵਾਰ ਨੌਜਵਾਨ ਸ਼ਰਾਬ ਦੇ ਨਸ਼ੇ ਵਿਚ ਧੁੱਤ ਸਨ ਤੇ ਗੱਡੀ ਦੀ ਸਪੀਡ ਕਾਫੀ ਤੇਜ਼ ਸੀ।
ਪਤਾ ਲੱਗਾ ਹੈ ਕਿ ਸਵਿਫਟ ਗੱਡੀ ਬਠਿੰਡਾ ਤੋਂ ਪਦਮਪੁਰ ਵੱਲ ਜਾ ਰਹੀ ਸੀਤੇ ਪਿੱਛੋਂ ਆ ਰਹੀ ਸਕਾਰਪੀਓ ਗੱਡੀ ਨੇ ਟੱਕਰ ਮਾਰ ਦਿੱਤੀ ਤੇ ਅੱਗੇ ਜਾ ਕੇ ਆਲਟੋ ਵਿਚ ਜਾ ਵੱਜੀ ਹੈ। ਇਕ ਔਰਤ ਦੀ ਮੌਤ ਹੋ ਚੁੱਕੀ ਹੈ। ਤਿੰਨੋਂ ਗੱਡੀਆਂ ਦੇ ਪਰਖੱਚੇ ਉਡ ਗਏ ਹਨ। ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
