England beat West Indies: ਮੇਜ਼ਬਾਨ ਇੰਗਲੈਂਡ ਨੇ ਮੈਨਚੇਸਟਰ ਦੇ ਓਲਡ ਟ੍ਰੈਫੋਰਡ ਮੈਦਾਨ ਵਿੱਚ ਖੇਡੇ ਗਏ ਇੱਕ ਬਹੁਤ ਹੀ ਰੋਮਾਂਚਕ ਟੈਸਟ ਮੈਚ ਵਿੱਚ ਵੈਸਟਇੰਡੀਜ਼ ਨੂੰ 113 ਦੌੜਾਂ ਨਾਲ ਹਰਾ ਦਿੱਤਾ ਹੈ। ਇਸ ਜਿੱਤ ਨਾਲ ਇੰਗਲੈਂਡ ਨੇ ਤਿੰਨ ਮੈਚਾਂ ਦੀ ਸੀਰੀਜ਼ ਵਿੱਚ 1-1 ਨਾਲ ਬਰਾਬਰੀ ਕਰ ਲਈ ਹੈ। ਆਖਰੀ ਦਿਨ ਇੰਗਲੈਂਡ ਦੇ 312 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਵੈਸਟਇੰਡੀਜ਼ ਦੀ ਪੂਰੀ ਟੀਮ 198 ਦੌੜਾਂ ‘ਤੇ ਆਲ ਆਊਟ ਹੋ ਗਈ। ਇੰਗਲੈਂਡ ਲਈ ਜਿੱਤ ਦੇ ਹੀਰੋ ਆਲਰਾਉਂਡਰ ਬੇਨ ਸਟੋਕਸ ਰਹੇ, ਜਿਸ ਨੇ ਪਹਿਲੀ ਪਾਰੀ ਵਿੱਚ ਸੈਂਕੜਾ ਬਣਾਇਆ ਅਤੇ ਦੂਜੀ ਪਾਰੀ ‘ਚ ਨਾਬਾਦ ਅਰਧ-ਸੈਂਕੜਾ ਲਗਾਇਆ। ਇਸ ਤੋਂ ਇਲਾਵਾ ਤੇਜ਼ ਗੇਂਦਬਾਜ਼ ਸਟੂਅਰਟ ਬ੍ਰਾਡ ਮੈਚ ਵਿੱਚ 6 ਵਿਕਟਾਂ ਲੈਣ ਵਿੱਚ ਕਾਮਯਾਬ ਰਿਹਾ। ਇੰਗਲੈਂਡ ਨੇ ਆਪਣੀ ਪਹਿਲੀ ਪਾਰੀ ਨੌਂ ਵਿਕਟਾਂ ਦੇ ਨੁਕਸਾਨ ‘ਤੇ 469 ਦੌੜਾਂ ‘ਤੇ ਐਲਾਨੀ ਸੀ। ਇੰਗਲੈਂਡ ਨੇ ਦੂਜੀ ਪਾਰੀ ਦੀ ਸ਼ੁਰੂਆਤ ਵੈਸਟਇੰਡੀਜ਼ ਨੂੰ ਪਹਿਲੀ ਪਾਰੀ ‘ਚ 287 ਦੌੜਾਂ ‘ਤੇ ਢੇਰ ਕਰਦਿਆਂ 182 ਦੌੜਾਂ ਦੀ ਲੀਡ ਨਾਲ ਸ਼ੁਰੂ ਕੀਤੀ ਅਤੇ ਆਪਣੀ ਦੂਜੀ ਪਾਰੀ ਨੂੰ ਤਿੰਨ ਵਿਕਟਾਂ ਦੇ ਨੁਕਸਾਨ’ ਤੇ 129 ਦੌੜਾਂ ‘ਤੇ ਘੋਸ਼ਿਤ ਕਰ ਦਿੱਤਾ ਅਤੇ ਵਿੰਡੀਜ਼ ਦੇ ਸਾਹਮਣੇ 312 ਦੌੜਾਂ ਦਾ ਟੀਚਾ ਰੱਖਿਆ।
ਵੈਸਟਇੰਡੀਜ਼ ਦੀ ਇੰਗਲੈਂਡ ਤੋਂ ਮਿਲੇ 312 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਸ਼ੁਰੂਆਤ ਖ਼ਰਾਬ ਰਹੀ ਫਿਰ ਬਲੈਕਵੁੱਡ ਅਤੇ ਬਰੂਕਸ ਦੀ ਪਾਰੀ ਦੀ ਮਦਦ ਨਾਲ ਦੁਬਾਰਾ ਮੈਚ’ ਚ ਵਾਪਸੀ ਦੀ ਕੋਸ਼ਿਸ਼ ਕੀਤੀ। ਦੋਵਾਂ ਬੱਲੇਬਾਜ਼ਾਂ ਵਿਚਕਾਰ ਪੰਜਵੇਂ ਵਿਕਟ ਲਈ 100 ਦੌੜਾਂ ਦੀ ਮਹੱਤਵਪੂਰਣ ਸਾਂਝੇਦਾਰੀ ਸੀ ਜਦੋਂ ਬੇਨ ਸਟੋਕਸ ਨੇ ਜੋਸ ਬਟਲਰ ਦੇ ਹੱਥੋਂ ਬਲੈਕਵੁੱਡ ਨੂੰ ਕੈਚ ਕਰਵਾਇਆ ਤਾਂ ਇੰਗਲੈਂਡ ਦੀ ਮੈਚ ‘ਚ ਵਾਪਸੀ ਹੋਈ। ਆਖਰੀ ਸੈਸ਼ਨ ਵਿੱਚ ਇੰਗਲੈਂਡ ਨੇ ਨਾ ਸਿਰਫ ਵੈਸਟਇੰਡੀਜ਼ ਦੀਆਂ ਪੰਜ ਵਿਕਟਾਂ ਲੈ ਕੇ ਮੈਚ ਜਿੱਤ ਲਿਆ ਬਲਕਿ ਸੀਰੀਜ਼ ਜਿੱਤਣ ਦੀਆਂ ਉਮੀਦਾਂ ਨੂੰ ਕਾਇਮ ਰੱਖਿਆ। ਇੰਗਲੈਂਡ ਦੇ ਗੇਂਦਬਾਜ਼ਾਂ ਕੋਲ ਆਖਰੀ ਦਿਨ ਵੈਸਟਇੰਡੀਜ਼ ਨੂੰ ਆਊਟ ਕਰਨ ਲਈ ਸਿਰਫ 85 ਓਵਰ ਸਨ। ਪਰ ਮੇਜ਼ਬਾਨ ਟੀਮ ਨੇ ਸਭ ਤੋਂ ਵਧੀਆ ਗੇਂਦਬਾਜ਼ੀ ਕੀਤੀ ਅਤੇ 15 ਓਵਰ ਬਾਕੀ ਸਨ, ਜਦੋਂ ਮੈਚ ਉਨ੍ਹਾਂ ਆਪਣੇ ਨਾਮ ਕਰ ਲਿਆ। ਇੰਗਲੈਂਡ ਲਈ ਬ੍ਰੌਡ ਨੇ ਤਿੰਨ, ਸਟੋਕਸ, ਵੋਕਸ ਅਤੇ ਬੇਸ ਨੇ ਦੋ, ਜਦਕਿ ਸੈਮ ਨੇ ਇੱਕ ਵਿਕਟ ਲਈ।
