Hanuma vihari reply to babul supriyo : Aus Vs Ind: ਭਾਰਤ ਦੀ ਟੀਮ ਸਿਡਨੀ ਟੈਸਟ ਮੈਚ ਡਰਾਅ ਕਰਨ ਵਿੱਚ ਕਾਮਯਾਬ ਰਹੀ ਸੀ। ਭਾਰਤ ਲਈ ਆਖਰੀ ਸੈਸ਼ਨ ਵਿੱਚ, ਹਨੁਮਾ ਵਿਹਾਰੀ ਅਤੇ ਅਸ਼ਵਿਨ ਨੇ ਬਹੁਤ ਵਧੀਆ ਬੱਲੇਬਾਜ਼ੀ ਕੀਤੀ ਅਤੇ ਆਪਣੀ ਵਿਕਟ ਬਚਾਈ ਰੱਖੀ, ਦੋਵਾਂ ਨੇ 260 ਤੋਂ ਵੱਧ ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ ਮੈਚ ਡਰਾਅ ਕਰਵਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ। ਜਿੱਥੇ ਭਾਰਤੀ ਪ੍ਰਸ਼ੰਸਕ ਮੈਚ ਡਰਾਅ ਤੋਂ ਖੁਸ਼ ਸਨ, ਉੱਥੇ ਹੀ ਗਾਇਕ ਅਤੇ ਭਾਜਪਾ ਨੇਤਾ ਬਾਬੁਲ ਸੁਪ੍ਰੀਯੋ ਨੇ ਵਿਹਾਰੀ ਦੀ ਪਾਰੀ ਦੀ ਆਲੋਚਨਾ ਕੀਤੀ ਸੀ। ਪਰ ਸੁਪਰਿਯੋ ਨੂੰ ਆਲੋਚਨਾ ਕਰਨਾ ਭਾਰੀ ਪੈ ਗਿਆ। ਦਰਅਸਲ, ਬਾਬੁਲ ਨੇ ਆਪਣੇ ਟਵੀਟ ਵਿੱਚ ਹਨੂਮਾ ਵਿਹਾਰੀ ਦੀ ਅਲੋਚਨਾ ਕਰਦਿਆਂ ਵਿਹਾਰੀ ਸ਼ਬਦ ਨੂੰ ‘ਬਿਹਾਰੀ’ ਲਿਖਿਆ ਸੀ।
ਸੁਪਰੀਯੋ ਨੇ ਟਵੀਟ ਕਰਕੇ ਲਿਖਿਆ, ‘ਹਨੂਮਾ’ ਬਿਹਾਰੀ ‘ਨੇ 7 ਦੌੜਾਂ ਬਣਾਉਣ ਲਈ 109 ਗੇਂਦਾਂ ਖੇਡੀਆਂ ਹਨ, ਹਨੂਮਾ ਨੇ ਨਾ ਸਿਰਫ ਭਾਰਤ ਲਈ ਇਤਿਹਾਸਕ ਜਿੱਤ ਪ੍ਰਾਪਤ ਕਰਨ ਦੀ ਸੰਭਾਵਨਾ ਖਤਮ ਕੀਤੀ, ਬਲਕਿ ਕ੍ਰਿਕਟ ਦੀ ਵੀ ਹੱਤਿਆ ਕਰ ਦਿੱਤੀ ਹੈ ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਅੱਗੇ ਲਿਖਿਆ ਕਿ ‘ਮੈਨੂੰ ਕ੍ਰਿਕਟ ਬਾਰੇ ਕੁੱਝ ਨਹੀਂ ਪਤਾ।’
ਸੁਪ੍ਰੀਓ ਦੇ ਇਸ ਟਵੀਟ ‘ਤੇ ਕ੍ਰਿਕਟਰ ਨੇ ਆਪਣੀ ਪ੍ਰਤੀਕ੍ਰਿਆ ਦਿੱਤੀ ਹੈ। ਦਰਅਸਲ, ਹਨੂਮਾ ਨੇ ਟਵੀਟ ਦਾ ਜੁਆਬ ਦਿੱਤਾ ਅਤੇ ਆਪਣੇ ਨਾਮ ਦੀ ਸਪੈਲਿੰਗ ਸਹੀ ਕੀਤੀ, ਹਨੂਮਾ ਵਿਹਾਰੀ ਨੇ ਲਿਖਿਆ।” ਕ੍ਰਿਕਟਰ ਦੇ ਇਸ ਜਵਾਬ ਤੋਂ ਪ੍ਰਸ਼ੰਸਕ ਬਹੁਤ ਖੁਸ਼ ਨਜ਼ਰ ਆ ਰਹੇ ਹਨ ਅਤੇ ਜ਼ਬਰਦਸਤ ਟਿੱਪਣੀਆਂ ਵੀ ਕਰ ਰਹੇ ਹਨ।” ਖ਼ਾਸਕਰ ਬਾਬਲ ਸੁਪਰਿਓ ਨੂੰ ਜ਼ਬਰਦਸਤ ਟ੍ਰੋਲ ਕੀਤਾ ਜਾ ਰਿਹਾ ਹੈ।
