IPL ਦੀ ਕਮੈਂਟਰੀ ਟੀਮ ਤੋਂ ਵੱਖ ਹੋਏ ਕੇਵਿਨ ਪੀਟਰਸਨ, ਸਾਹਮਣੇ ਆਇਆ ਇਹ ਕਾਰਨ…

pietersen leave ipl commentary team: ਇੰਗਲੈਂਡ ਦੇ ਸਾਬਕਾ ਕਪਤਾਨ ਕੇਵਿਨ ਪੀਟਰਸਨ ਨੇ ਆਪਣੇ ਬੱਚਿਆਂ ਨਾਲ ਘਰ ਵਿੱਚ ਸਮਾਂ ਬਿਤਾਉਣ ਲਈ ਆਈਪੀਐਲ -13 ਦੀ ਕੰਮੈਂਟਰੀ ਟੀਮ ਨੂੰ ਛੱਡਣ ਦਾ ਫੈਸਲਾ ਕੀਤਾ ਹੈ। ਉਹ ਸੰਯੁਕਤ ਅਰਬ ਅਮੀਰਾਤ ਤੋਂ ਘਰ ਲਈ ਰਵਾਨਾਂ ਵੀ ਹੋ ਗਏ ਹਨ। 40 ਸਾਲਾ ਪੀਟਰਸਨ ਨੇ ਕਿਹਾ ਹੈ ਕਿ ਉਸਨੇ ਆਪਣੇ ਬੱਚਿਆਂ ਨਾਲ ਸਮਾਂ ਬਿਤਾਉਣ ਲਈ ਕੰਮੈਂਟਰੀ ਟੀਮ ਨੂੰ ਛੱਡ ਦਿੱਤਾ ਹੈ। ਪੀਟਰਸਨ ਨੇ ਟਵੀਟ ਕਰਕੇ ਇਹ ਜਾਣਕਾਰੀ ਦਿੱਤੀ ਹੈ। ਕੇਵਿਨ ਨੇ ਲਿਖਿਆ, “ਮੈਂ ਆਈਪੀਐਲ ਛੱਡ ਦਿੱਤਾ ਹੈ ਕਿਉਂਕਿ ਮੇਰੇ ਬੱਚਿਆਂ ਦੀ ਹਾਫ਼ ਟਰਮ ਹੈ ਅਤੇ ਮੈਂ ਉਨ੍ਹਾਂ ਨਾਲ ਘਰ ਰਹਿਣਾ ਚਾਹੁੰਦਾ ਹਾਂ। ਇਹ ਇੱਕ ਅਜੀਬ ਸਾਲ ਰਿਹਾ ਹੈ, ਹੁਣ ਉਹ ਸਕੂਲ ਨਹੀਂ ਜਾ ਰਹੇ। ਮੈਂ ਉਨ੍ਹਾਂ ਨਾਲ ਸਾਰਾ ਦਿਨ ਰਹਿਣਾ ਚਾਹੁੰਦਾ ਹਾਂ। ਹਰ ਦਿਨ।” ਪੀਟਰਸਨ ਨੇ ਆਪਣੇ ਬਲਾੱਗ ਦੁਆਰਾ ਆਈਪੀਐਲ -2020 ‘ਤੇ ਗੱਲ ਕੀਤੀ। ਉਨ੍ਹਾਂ ਕਿਹਾ ਕਿ ਤੇਜ਼ ਗੇਂਦਬਾਜ਼ੀ ਦੇਖ ਕੇ ਉਹ ਬਹੁਤ ਖੁਸ਼ ਹੈ। ਕੇਵਿਨ ਨੇ ਲਿਖਿਆ, “ਇਹ ਵੇਖਣਾ ਮਜ਼ੇ ਦੀ ਗੱਲ ਹੈ ਕਿ ਜਿੱਥੋਂ ਤੱਕ ਖਿਡਾਰੀ ਗੇਂਦ ਨੂੰ ਮਾਰ ਸਕਦੇ ਹਨ, ਉਹ ਮਾਰਦੇ ਹਨ, ਜੋ ਸਟੇਡੀਅਮ ਦੇ ਬਾਹਰ ਜਾਂਦੀ ਹੈ। ਪਰ ਇਹ ਵੇਖਣਾ ਚੰਗਾ ਹੈ ਕਿ ਗੇਂਦਬਾਜ਼ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੇ ਹਨ।”

ਪੀਟਰਸਨ ਨੇ ਲਿਖਿਆ ਕਿ ਆਈਪੀਐਲ ਇੱਕ ਤਿਕੋਣਾ ਬਣਨ ਜਾ ਰਿਹਾ ਹੈ ਕਿਉਂਕਿ ਰਾਇਲ ਚੈਲੇਂਜਰਜ਼ ਬੰਗਲੌਰ, ਦਿੱਲੀ ਕੈਪੀਟਲਸ ਅਤੇ ਮੁੰਬਈ ਇੰਡੀਅਨ ਵਧੀਆ ਪ੍ਰਦਰਸ਼ਨ ਕਰ ਰਹੇ ਹਨ। ਪੀਟਰਸਨ ਨੇ ਹਾਲ ਹੀ ਵਿੱਚ ਵਿਰਾਟ ਕੋਹਲੀ ਦੇ ਫੈਸਲੇ ਦੀ ਅਲੋਚਨਾ ਕੀਤੀ ਸੀ। ਦਰਅਸਲ, ਕਿੰਗਜ਼ ਇਲੈਵਨ ਪੰਜਾਬ ਖ਼ਿਲਾਫ਼ ਮੈਚ ਵਿੱਚ ਵਿਰਾਟ ਕੋਹਲੀ ਨੇ ਡੀਵਿਲੀਅਰਜ਼ ਨੂੰ ਛੇਵੇਂ ਨੰਬਰ ‘ਤੇ ਬੱਲੇਬਾਜ਼ੀ ਲਈ ਭੇਜਿਆ ਸੀ। ਪੀਟਰਸਨ ਵਿਰਾਟ ਕੋਹਲੀ ਦੇ ਇਸ ਫੈਸਲੇ ਤੋਂ ਖੁਸ਼ ਨਹੀਂ ਸਨ ਅਤੇ ਆਰਸੀਬੀ ਨੂੰ ਡੀਵਿਲੀਅਰਜ਼ ਤੋਂ ਚੌਥੇ ਨੰਬਰ ‘ਤੇ ਬੱਲੇਬਾਜ਼ੀ ਕਰਵਾਉਣ ਦੀ ਸਲਾਹ ਦਿੱਤੀ।